Une egokia al da?
Garrantzitsua da higiezinen merkatua aztertzea eta interes-tasen bilakaera edo gehien eskatzen diren eremuak zein diren jakitea.
Nola erosi etxebizitza bat?
Urratsez urrats, zure etxe berrirantz
BBVAn, etxebizitza bat erosi nahi duten milaka pertsonari laguntzen diegu urtero. Gida honetan, zure etxe berrirantz konfiantzaz aurrera egiteko gakoak aurkituko dituzu.
Lehenik eta behin, kalkulatu zenbat beharko duzun
-
Zer etxe ordain dezakezu?
Hasi kalkulatzen zure diru-sarreren arabera eros zenezakeen etxearen prezioa. Zifra horrekin jakingo duzu zer auzo dauden zure eskura, eta errazagoa izango da etxe berriak edo bigarren eskukoak bilatzen hastea. -
Kontuan izan:
- Etxearen prezioaren %30 inguru aurreztuta izan behar duzu (sarrera, gastuak eta zergak).
- Gomendagarria da hileko kuotak ez izatea zure diru-sarreren %35a baino gehiago.
-
- Salerosketa: notariotza, zergak, etxebizitza Jabetza Erregistroan inskribatzea eta gestoria.
- Hipoteka: bankuak bere gain hartzen ditu notariotza-, erregistro- eta gestoria-gastuak; tasazioa, ohar soila eta eskrituren kopiak zuri dagozkizu.
- Etxea: aseguruak, mantentzea, komunitatea, ondasun higiezinen gaineko zerga eta berritzea, beharrezkoa balitz.
Kalkulatu etxearen balioa
- Horrela, tasazioaren gutxi gorabeherako balioa ezagutu ahal izango duzu tasazioaren aurretik, eta salerosketa-prezioa antzekoa den jakin.
- Zure hipoteka eskatzean, etxebizitza tasatu behar da.Tasatze-prezioa ez badator bat salerosketa-prezioarekin, zenbateko txikiena hartuko da erreferentziatzat.
- Bankuak zenbateko horren %80raino finantzatu ahal izango du zure ohiko etxebizitza bada (%70eraino, bigarren etxebizitza bada), eta %95eraino 35 urtetik beherakoa bazara.
Zure etxe berria hobeto aukeratzeko gakoak
Etxea dagoeneko aurkitu baduzu, egin lehen izapideak
-
Ohar soilarekin, etxea norena den eta kargarik ote duen jakingo duzu. Horretaz gain, komeniko zaizu saltzaileari eskatzea energia-ziurtagiria eta, ahal bada, eraikinaren egoerarena, gerora ezustekorik ez izateko.
-
Dena behar bezala baldin badago, prezioa negozia dezakezu eta kontraeskaintza bat egin dezakezu. Pertsona edo agentzia saltzaileak onartuz gero, arras kontratu bat sinatzea besterik ez litzateke faltako, prozesuarekin jarraitzeko konpromisoa hartzeko.
Horrela, gutxiago ordain dezakezu zure kuotan
Bankuek interes-tasan hobariak eskaini ohi dituzte produktu jakinak kontratatzean edo beste baldintza batzuk betetzean. Honela murriztu dezakezu zure kuota BBVAn:
- Helbideratu nomina, pentsioa, langabezia-prestazioa edo autonomoen kuota titularretako baten BBVAko kontuan.
- Kontratatu etxeko arrisku anitzeko asegurua, etxebizitza ustekabeen aurrean babesteko.
- Kontratatu mailegua amortizatzeko aseguru bat, zure hipotekaren zenbatekoaren erdia, gutxienez, estaltzen duena. %50a 150.000 € baino gehiago bada, nahikoa da.
Baduzu hipoteka bat eta hobetu egin nahi duzu?
Egin konpromisorik gabe hipoteka subrogatzeko simulazioa, eta jakin zure hipoteka BBVAra ekarriz gero izango zenituzkeen baldintzak.
Zurekin, etapa bakoitzean: hipoteka eskatzetik hasi eta notariotzan sinatzen den arte
-
Dokumentazioa
Gestoreak identifikazio-agiriak eta dokumentu ekonomikoak eskatuko dizkizu: nominak, kontratuak, errentak...
-
Azterketa
Zure agiriak aztertuko dira zure eskaera ekonomikoki bideragarria den ebaluatzeko.
-
Tasazioa
Etapa horretan, higiezinaren tasazioa eta ohar soil eguneratua behar dira.
-
Sinadura
Dokumentazioa jaso eta notariotzara jotzen duzu aholkularitza jasotzeko eta gardentasun-akta egiteko, eta, ondoren, hipoteka sinatzeko.
Zure eskaera, azkarragoa app-etik
Jarraitu urratsez urrats zure hipoteka-maileguaren eskaera mugikorretik Hipoteka Gunean. Bezeroa izan ala ez, hau egin ahal izango duzu:
- Ikusi zure eskaeraren egoera denbora errealean.
- Dokumentuak kargatu eta egiteko dauden izapide guztiak bizkortu.
- Zure gestorearekin hitz egin eta dituzun zalantzak argitu.
Bezero izan gabe sartzeko, erregistratu zaitez urrats gutxi batzuetan. Hipoteka Guneaz gain, beste funtzionalitate batzuk ere izango dituzu zure egunerokorako.
Baduzu zeure etxea! Orain, presta ezazu zure etorrera
Aurrezteko eta bizi-kalitatea hobetzeko eraberritzea
Bigarren eskuko etxebizitza bat erosi baduzu eta han bizi nahi baduzu, baliatu unea zeure erara berritzeko:
- Zure etxearen eraginkortasun energetikoa (isolamendu termikoa, leihoak, berokuntza jasangarria...) hobetzen baduzu, murriztu egingo duzu zure energia-kontsumoa.
- Indarrean dagoen araudia bete beharko duzu aldaketa funtzionalak egiterakoan: egitura, berokuntza, elektrizitatea, hoditeria, kanpoaldea...
- Zure berritzea finantzatzeko, mailegu bat eska dezakezu. BBVAn mailegu bereziak dituzu xede horretarako.
Elkarrekin egingo dugu aurrera zure etxe berrirantz?
Oraindik ez baduzu erabaki edo zalantzak badituzu, BBVAko pertsona bat harremanetan jarriko da zurekin konpromisorik gabe gida zaitzan.
Sor dakizkizukeen zalantzak
Gida honen helburua da urratsez urrats eta erraz azaltzea etxebizitza baten erosketa prozesua, izan berria, izan bigarren eskukoa.
Gainera, gidan kontsulta daitezke etxea erosteko beharrezko izapideak, aukeran dauden hipoteka motei buruzko informazioa, eta beharrezko kalkuluak ere egin daitezke gure simulagailuak erabilita, hilean harengatik ordainduko dena jakiteko.