BBVA Kolektiboak hipotekak

BBVA Kolektiboak Hipoteka Espainian bizi diren eta diru-sarrerak eta ondarea soilik eurotan dituzten pertsonentzako mailegu bat da.

Hipoteka kontratatzeko, beharrezkoa da hipotekatu den higiezinaren kalteetarako aseguru bat kontratatzea hipoteka iraun bitartean. Aseguratutako zenbatekoak eta tasazio-balioak bat etorri behar dute, lurzoruaren balioa kenduta. Aseguruak higiezinaren kalteak estali behar ditu, sute, leherketa eta arrazoi naturalen kasuan. Ez du zertan BBVAkoa izan behar. Polizan bankua egon behar da onuradun gisa, ordaindu beharreko zenbatekoarentzat.

BBVAn kontu korronte bat ere izan behar duzu. Bertan egingo dira hipotekaren eragiketa guztiak, esaterako, abonuak edo zordunketak. Kontratu aurreko informazioan daude bai ezaugarriak baita kontua administratzeagatik eta mantentzeagatik komisioak ere.

Gogoan izan hipoteka emateko bankuaren aurretiko baimena behar dela.

Bai, zati bat (gutxienez, 300 €) edo ordaintzeko geratzen zaizuna aurrera dezakezu. Itzuli nahi duzun zenbatekoaz gain, interesak eta zenbateko bat ordaindu beharko dituzu itzulketa aurreratu edo partzialagatiko konpentsazio gisa, Bankuak izan dezakeen finantza-galeraren baliokidea, eta, Tasa Aldakorreko hipotekaren kasuan, zenbateko honetakoa izan daiteke:

• Lehen 5 urteetan: aldez aurretik itzulitako kapitalaren %0,15eko mugarekin.
• 6. urtetik aurrera (urte hori barne): aldez aurretik itzulitako kapitalaren %0.

Eta hipoteka Tasa Finkokoa baldin bada:

• Lehen 10 urteetan: aldez aurretik itzulitako kapitalaren %2ko mugarekin.
• 11. urtetik aurrera (urte hori barne): aldez aurretik itzulitako kapitalaren %1,5eko mugarekin.

Gogoan izan hori egin aurretik nahitaezkoa dela emango dizugun informazioa irakurtzea. Informazio horretan, zehatz-mehatz kuantifikatuko dira itzulketa bakoitzaren ondorioak, aukera bakoitza ebaluatu ahal izan dezazun. Informazioa 30 egun lehenago eskatu behar duzu zure BBVA bulegoan.

Era berean, interes-tasa aldakorreko maileguetan, 2023. urte osoan ez da errenboltso edo amortizazio aurreratuaren konpentsaziorik edo komisiorik egongo, azaroaren 22ko 19/2022 Legegintzako Errege Dekretuaren lehen xedapen gehigarrian aurreikusitakoarenaren arabera.

ITNa (Interes Tasa Nominala) bankuari dirua uztearen truke ordaintzen zaiona da. ITNa normalean UTBa baino txikiagoa izaten da eta ez du balio hipoteken arteko prezioa alderatzeko, interes tasa bakarrik hartzen baitu kontuan, eta ez eragiketaren gastu guztiak. 

UTBa (Urteko Tasa Baliokidea) portzentajezko adierazle bat da, zeinak hipoteka baten bila diren bezeroek hainbat eskaintza alderatu ahal izateko eta, horrela, hipotekaren benetako kostuaren erreferentzia bat izateko balio baitu. Interesak, gastuak eta lotutako komisioak barne hartzen ditu.

Dokumentu hauek kontsulta ditzakezu gure hipotekei buruzko oinarrizko informazioa lortzeko:

• Kontratuaren aurretik informatzeko fitxa (FIPRE)
• Kontratu aurreko informazio osagarriaren dokumentua (DIPREC)
• Informatzeko kartela

Horrez gain, BBVA kudeatzaile bat duzu zure eskura zalantzak argitzeko eta prozesuan laguntzeko. Azterketa ekonomikoa egiteko behar dokumentazioa guri ekartzen diguzunean eta bideragarritasun azterketa egin ondoren ondorioztatzen bada bideragarria dela, Informazio Normalizatuaren Europar Fitxa (INEF) entregatuko dizu zure kudeatzaileak.

Frantziar amortizazio sistema erabiliz kalkulatzen dira. Ordaindu beharreko kuota interes-aldi bakoitzaren hasieran zehaztuko da, eta finkoa izango da aldi horretan. Kuota aldatu egin daiteke interes-aldi bakoitzean, eta baita aldi berean ere, errenboltso partziala eginez gero. Kalkulu sistema horrekin, hilero ordaintzen duzun kuota ahalik egonkorrena da. Interes-tasa aldatzen bada edo aurretiko itzulketak egiten badituzu baino ezin da hori aldatu.

Honako formula hau erabiltzen dugu sistema horrekin kuotak kalkulatzeko: (C*i/m)/(1-(1+i/m)^(-m*n)), non C da mailegatutako kantitatea, i da urteko interes-tasa, m da urteko kuota kopurua eta n da mailegua izultzeko urteak. 

Adibide bat jartzen dizugu formula aplikatuz. 150.000 €-ko mailegu bat baduzu %2,50eko urteko tasarekin eta 25 urtez hilero hilero (urtean 12 kuota) ordaintzen baduzu, hilean ordaindu beharko duzun kuota 672,93 € izango da. 

Hona hemen formula, adibideko zifrekin: (150.000x0,025/12)/(1 - (1+0,025/12) ^ (-12x25)) =672,93 €

Kuota bakoitzean, zati bat interesena eta beste zati bat mailegu itzulketarena ordaintzen da. Kantitate bakoitza zenbat den jakin nahi baduzu, era honetan kalkula dezakezu:

• Kuota bakoitzaren interesak kalkulatzeko, zatitu interes-tasa urteko kuota kopuruarekin, eta biderkatu gero mailegatutako kantitatearekin.
• Mailegutik zenbat itzultzen duzun (amortizazioa) kalkulatzeko, kendu interesak hileko kuotari.

Kalkulatzeko erabiltzen dugun sistema-motarekin (Frantziako amortizazio-sistema), lehenengo kuotetan kapitala baino interes gehiago ordaintzen da, eta azkenekoetan, berriz, kapital gehiago interesak baino.