BBVA Hipoteka finkoa

Zeuk aukeratzen duzu hipotekaren itzultze-epea, gehienez 30 urtera artekoa. Gogoan izan titular gazteenaren adina gehi epea ez dela 75 urte baino gehiago izan behar. Adibidez, 50 urte badituzu, gehieneko epea 25 urtekoa izango da.

Kontuan izan sinaduraren datak ez badu bat egiten ordainketa-egunarekin, lehen kuota bat izango dela, sinadura egiten denetik ordainketa-egunera arteko aldiari dagozkion interesak bakarrik barne hartzen dituena.

Zati bat aurreratu ahal duzu (300 €, gutxienez) edo baita ordaintzeko falta zaizun guztia ere. Itzuli nahi duzun zenbatekoaz gain, interesak eta zenbateko bat ordaindu beharko dituzu itzulketa aurreratu edo partzialagatiko konpentsazio gisa, Bankuak izan dezakeen finantza-galeraren baliokidea, eta zenbateko honetakoa izan daiteke:

• Lehen 10 urteetan: aldez aurretik itzulitako kapitalaren %2ko mugarekin.
• 11. urtetik aurrera (urte hori barne): aldez aurretik itzulitako kapitalaren %1,5eko mugarekin.

Gogoan izan hori egin aurretik nahitaezkoa dela emango dizugun informazioa irakurtzea. Informazio horretan, zehatz-mehatz kuantifikatuko dira itzulketa bakoitzaren ondorioak, aukera bakoitza ebaluatu ahal izan dezazun. Informazioa 30 egun lehenago eskatu behar duzu zure BBVA bulegoan.

Amortizazio asegurua baduzu eta mailegu guztia itzultzen baduzu, aseguruaren kontratua etengo da. Asegurua hipoteka baino denbora gehiagoz ordaintzen baduzu, diferentzia itzuliko zaizu.

Aukera gisa, onuradun berri bat izenda dezakezu zazpi egun balioduneko epean, aseguruaz goza dezan.

Hipoteka-mailegu bateko interes-tasaren hobaria normalean banku-erakunde berean beste produktu edo zerbitzu batzuk kontratatzeagatik (nomina helbideratzea, aseguruak, etab.) hitzartutakoa baino interes-tasa txikiagoa ordaintzea dakarren onura da, betiere hobari hori aplikatzeko hitzartutako baldintzak betetzen badira. Baldintza horiek betetzen ez badira, hobaria ondoriorik gabe geratuko da.

Hipoteka-mailegu bateko interes-tasaren hobariaren zenbatekoa Bankuak ezarritako baldintzen eta mugen araberakoa izango da, bai eta kontratatzen diren produktuen edo zerbitzuen tasaren eta kopuruaren araberakoa ere. Nola funtzionatzen duen hobeto jakiteko, komeni da banketxearekin harremanetan jartzea.

BBVAn zure hipotekaren interes-tasa hobaritzeko, hurrengo produktu gehigarriak kontrata ditzakezu.

A hobariarekin, interes-tasaren gaineko %0,5eko hobaria jaso dezakezu, BBVArekin produktu hauek kontratatu eta mantentzen badituzu:

• 600 € baino gehiagoko nomina edo 300 € baino gehiagoko pentsioa. Autonomoa bazara, Gizarte Segurantzako autonomoen kuota helbideratu besterik ez duzu egin behar (ondorio horietarako ez da kontuan hartuko mutualitateen edo gizarte-aurreikuspeneko beste sistema batzuen ordainketa helbideratzea).
• BBVA Allianz Segurosen Arrisku Anitzeko etxe-asegurua kontratatuta eta indarrean edukitzea, eta ordainketak egunean izatea.

B hobariarekin, interes-tasaren gaineko % 0,5eko hobaria izan dezakezu, produktu hau BBVArekin kontratatzen baduzu:

• Maileguaren amortizazio asegurua BBVA Segurosekin. Kontratuak zure hipotekaren zenbatekoaren erdia estali beharko du, gutxienez. % 50 hori 150.000 €-tik gorakoa bada, nahikoa da kopuru horrekin. A hobariaren eta B hobariaren baldintzak betetzen badituzu, biak batu eta hipotekaren interes-tasaren gaineko %1eko hobaria lortuko duzu.

Gogoan izan aseguruek BBVA Allianz Seguros-en eta BBVA Seguros-en aurretiko onarpena behar dutela. BBVArekin kontratatutako produktuak urtero berrikusiko dira maileguaren bizialdi osoan. Hobariaz gozatzeko, gainera, ordainketak egunean izan behar dituzu eta ez duzu kitatu gabeko zorrik eduki behar Bankuarekin.

Aseguru-konpainiei buruz

• BBVASEGUROS, S.A., de Seguros y Reaseguros, Aseguru eta Pentsio Funtsen Zuzendaritza Nagusiko Erregistroan izena emanda C-502 kodearekin.
• BBVA ALLIANZ SEGUROS Y REASEGUROS, S.A., Aseguruen eta Pentsio Funtsen Zuzendaritza Orokorraren Erregistroan inskribatuta C0807 kodearekin.
• Bitartekaria: BBVA MEDIACIÓN, OPERADOR DE BANCA-SEGUROS VINCULADO, S.A., Aseguruen eta Pentsio Funtsen Zuzendaritza Nagusiko aseguruen Bitartekoen Administrazio Erregistro Berezian inskribatuta, OV-0060 kodearekin. Erantzukizun zibileko asegurua dakar, eta finantza gaitasuna du.

BBVA Hipoteka Finkoa Espainian bizi diren eta diru-sarrerak eta ondarea soilik eurotan dituzten pertsonentzako mailegu bat da.

Hipoteka kontratatzeko, beharrezkoa da hipotekatu den higiezinaren kalteetarako aseguru bat kontratatzea hipoteka iraun bitartean. Aseguratutako zenbatekoak eta tasazio-balioak bat etorri behar dute, lurzoruaren balioa kenduta. Aseguruak higiezinaren kalteak estali behar ditu, sute, leherketa eta arrazoi naturalen kasuan. Ez du zertan BBVAkoa izan behar. Polizan bankua egon behar da onuradun gisa, ordaindu beharreko zenbatekoarentzat.

Horretaz gain, kontu korronte bat izan behar duzu BBVAn. Bertan egingo dira hipotekaren eragiketa guztiak, esaterako, abonuak edo zordunketak. Kontratu aurreko informazioan daude bai ezaugarriak baita kontua administratzeagatik eta mantentzeagatik komisioak ere.

Gogoan izan hipoteka emateko bankuaren aurretiko baimena behar dela.

ITNa (interes tasa nominala) bankuari ordaintzen zaio, hark dirua uztearen truke. ITNa normalean UTBa baino txikiagoa izaten da eta ez du balio hipoteken arteko prezioa alderatzeko, interes-tasa bakarrik hartzen baitu kontuan, eta ez eragiketaren gastu guztiak. 

UTBak (urteko tasa baliokidea) produktu finantzario baten kostua adierazten du (hala nola maileguena), eta interesa bera eta lotutako gastu eta komisio guztiak hartzen ditu barnean. Datu horri esker, hipotekak aldera ditzakezu, zenbait eta txikiagoa izan UTBa, merkeagoa izango baita hipoteka.

Higiezin bat erostean bi gastu mota daude: hipoteka maileguarenak eta salerosketarenak.

Hipoteka-maileguaren gastuak bankuak ordainduko ditu: erregistroa, notaritza, gestoria eta egintza juridiko dokumentatuen zerga. EAEn, subjektu pasiboa beti bezeroa da, autonomia-arauak adierazten du EJDZ erosleak ordainduko duela.

Bankuak bere gain hartuko du hipoteka-maileguaren eskrituraren muga-zerga notarialaren kostua. Aldiz, kopien kostuak eskatzen dituenak bere gain hartuko ditu. 

Salerosketa gastuek ez dute zerikusirik hipotekarekin; horregatik, ez ditu bankuak ordainduko. Hemen dituzu zeintzuk diren gastuak: zergak (Ondare Eskualdaketen gaineko zerga, BEZa edo Oinordetzen gaineko Zerga) eta gestoria, notariotza, erregistroa eta ohar soilari dagozkionak.

Erosleak ordainduko du tasazioa.

Zure ohiko etxebizitza izango den etxe edo pisurako hipoteka (finkoa edo aldakorra) eskatzeko, urrats hauei jarraitu behar diezu:

1. Osatu eskaera zure datu pertsonal eta ekonomikoekin.
2. Aukeratu zure hileko kuota hobetuko duten beste BBVA produktu batzuk gehituko dituzun.
3. Kudeatzaile bat zurekin harremanetan jarriko da zalantzak argitzeko eta adierazteko zer dokumentu eman behar dituzun zure hipotekaren eskaera aztertzeko.
4. Dokumentuak aztertuko ditugu hipoteka maileguaren bideragarritasuna ezagutzeko.
5. Guztia zuzena bada, higiezina tasatzea izango da hurrengo pausoa.
6. Etxebizitzarako hipoteka onartzen bada, notarioaren aurrean sinatzea besterik ez litzateke faltako.

Dokumentu hauek kontsulta ditzakezu gure hipotekei buruzko oinarrizko informazioa lortzeko:

• Kontratuaren aurretik informatzeko fitxa (FIPRE)
• Andaluziarentzako bakarrik: Kontratu aurreko informazio osagarriaren dokumentua (DIPREC)
• Informatzeko kartela 
• Informazio-dokumentua: CBP RDL 6/2012 informazio-dokumentua, hipoteka-bermedun zorren berregituratze bideragarrirako, eta CBP RDL 19/2022 eta ACM, ohiko etxebizitzaren gaineko hipoteka-maileguen interes-tasen igoera arintzeko

Horrez gain, BBVA kudeatzaile bat duzu zure eskura zalantzak argitzeko eta prozesuan laguntzeko. Azterketa egin eta hipoteka mailegua bideragarria dela egiaztatu eta gero, zure kudeatzaileak informazio normalizatuaren europar fitxa (FEIN, gaztelaniaz) emango dizu.

Frantziar amortizazio sistema erabiliz kalkulatzen dira. Kalkulu sistema horrekin, hilero ordaintzen duzun kuota ahalik egonkorrena da. Interes-tasa aldatzen bada edo aurretiko itzulketak egiten badituzu baino ezin da hori aldatu.

Honako formula hau erabiltzen dugu sistema horrekin kuotak kalkulatzeko: (C*i/m)/(1-(1+i/m)^(-m*n)), non C da mailegatutako kantitatea, i da urteko interes-tasa, m da urteko kuota kopurua eta n da mailegua itzultzeko urteak. 

Adibide bat jartzen dizugu formula aplikatuz. 150.000 €-ko mailegu bat baduzu % 2,50eko urteko tasarekin eta 25 urtez hilabetez hilabete (urtean 12 kuota) ordaintzen baduzu, hilean ordaindu beharko duzun kuota 672,93 € izango da.

    Hona hemen formula, adibideko zifrekin:
    (150.000x0,025/12)/(1 - (1+0,025/12) ^ (-12x25)) =672,93 €

Kuota bakoitzean, zati bat interesena eta beste zati bat mailegu itzulketarena ordaintzen da. Kantitate bakoitza zenbat den jakin nahi baduzu, era honetan kalkula dezakezu:

• Kuota bakoitzaren interesak kalkulatzeko, zatitu interes-tasa urteko kuota kopuruarekin, eta biderkatu gero mailegatutako kantitatearekin.
• Mailegutik zenbat itzultzen duzun (amortizazioa) kalkulatzeko, kendu interesak hileko kuotari.

Gogoratzen dizugu ezen erabiltzen dugun sistema motarekin (frantziar amortizazio sistema) interes gehiago ordaintzen direla lehen kuotetan eta gutxiago azkenekoetan.

Baliteke etxebizitza galtzea ez badituzu betetzen ordainketa-konpromisoak. Gogoratu halakoetan hipotekaren titularrek beren ondasun eta eskubide guztiak, unekoak ala etorkizunekoak, laga behar dizkiotela BBVAri. Beste abal emailerik balego, esaterako, abal-emaile bat (edo fidatzaile bat), hipotekaren titularren antzera jokatuko dute, kontratuan erantzukizun mugatuagoa ez badute. 

Gogoan izan hipoteka bat kontratatzerakoan bankuarekin harreman bat sortzen duzula, bi elementuz osatua: maileguaren kontratu nagusia eta hipoteka.. Zertan datzan azaltzen dizugu: 

• Maileguaren kontratu nagusia: erakundeak (hartzekoduna) dirua norbaiti uztean (zorduna) datza.
• Hipoteka: zordunak edo beste pertsona batek higiezin bat eskaintzen du mailegua itzuliko den berme gisa. Honela, hitzartutako ordainketa-konpromisoak betetzen ez badira, bankuak eraikina sal dezake enkante publiko batean zor zaiona kobratzeko. Dirua sobratzen bada, hartzekodunei ordaintzeko erabiliko da, edo zordunari emango zaio.