Sakatu enter
Iradokizunak

    Ordainketa zerbitzuak

    19/2018 Errege Lege Dekretuak, azaroaren 23koak, ordainketa zerbitzu eta finantza arloko premiazko beste neurri batzuenak, arautzen dituen ordainketa zerbitzuei buruzko informazioa eskaintzen dizugu.

    PSD2 barne merkatuko zerbitzuak arautzen dituen Europako zuzentarau bat da. Araudi berriak funtsezko aldaketak eragingo ditu industrian: besteak beste, haren ondorioz ordainketa erakundeek sarbidea izango dute kreditu erakundeen ordainketa kontuetako zerbitzuetara, objektiboki, diskriminaziorik gabe eta modu proportzionatuan. Sarbidea behar bezain zabala izan beharko da, ordainketa entitateek oztoporik gabe eta eraginkortasunez eman ahal izan ditzaten ordainketa zerbitzuak. Hau da, bankuek beren azpiegituretara sartzeko modua eman behar diete ordainketa zerbitzuak ematen dituzten hirugarren batzuei (TPP), bezeroen izenean ordainketak abiarazteko edo haien kontuei buruz informatzeko zerbitzua emateko (kontuaren titularrak horretarako baimena eman badu aurrez). BBVA da APIen bitartez plataforma eta zerbitzuak eskaintzen ari den lehenengo kreditu erakundeetako bat, zerbitzu hauek eskuragai jartzeko:

    • Ordainketa abiarazteko zerbitzua, ordainketa erakundeari ordainketa agindua abiarazteko aukera ematen diona, ordainketa zerbitzuaren erabiltzaileak hala eskatzen badu BBVAn irekitako ordainketa kontu bati dagokionez.
    • Kontuei buruzko informazioa emateko zerbitzua, informazio agregatua emateko ordainketa zerbitzuaren erabiltzailearen titulartasunpeko ordainketa kontuetako bati edo batzuei buruz, dela BBVAn, dela BBVAn eta beste ordainketa zerbitzuen hornitzaile batzuetan.
    • Funtsak baieztatzea. Txarteletan oinarritutako ordainketa tresnak jaulkitzen dituen ordainketa zerbitzuen hornitzaileak eskaera egin ondoren, BBVAk berehala baieztatuko du ea agindu emailearen ordainketa kontuan funtsak erabilgarri dauden, txartelean oinarritutako ordainketa eragiketa gauzatu ahal izateko, baldin eta hark BBVAri horretarako baimena eman badio.

    Betiere, bezeroek (enpresak eta partikularrak) baimena eman behar dute eta aurrez bankuarekin autentifikatu behar dute; horrez gain, haien kontuak online sartzeko aukera eman behar dute.

    TPPek Legean adierazitako agintari eskudunen erregistro, baimen eta gainbegiratze baldintzak bete behar dituzte.

    Erregistratutako eta baimendutako TPP bat bazara, esteka honetan sar zaitezke gure APIetara, espezifikazio teknikoetara eta proba ingurunera: https://market.apis-i.redsys.es/psd2/xs2a/nodos/BBVA. Gainera, konfigurazio teknikoaren prozesuan sortutako zalantzak edo gorabeherak konpontzeko telefono hau erabili ahal izango duzu, 24 orduetan: 91 728 23 21 edo psd2.sandbox.soporte@redsys.es helbide elektronikoaren bidez.

    TPPek telefono bidezko arreta zerbitzu bat izango dute 91 991 59 35 telefono zenbakian dei mota hauetarako:

    • Konfigurazio prozesuan konpondu ezin izan dituzten gorabehera teknikoak.
    • Iruzurraren prebentzioa.
    • Erreklamazioak edo gatazkak.
    • Kexak.

    Jarraian, APIen eskuragarritasunari eta errendimenduari eta ordainketa zerbitzuen erabiltzaileek erabiltzen duten interfazeari buruzko hiruhilekoko estatistikak argitaratzen dira.

    Urriaren 1etik abenduaren 31ra bitarteko hiruhileko informazioa

    Banco Bilbao Vizcaya Argentaria, S.A.k ez du inolako betebeharrik bere interfaze espezifikorako kontingentzia mekanismorik izateko, Banco de España-k obligazio horretatik salbuetsi baitu BBVA APIak beharrezko baldintzak betetzen dituela egiaztatuz.

    1/2005 Zirkularra, martxoaren 24koa, Espainiako Bankuarena, ordainketa zerbitzuen hornitzaileei zuzendua, aplikatutako deskontu eta truke tasei buruzko informazioa emateko.

    (280 KB) - - 1/2015 Zirkularra

    Deskontu tasa

    Hiruhileko bakoitzean jasotako deskontu-tasari buruzko informazioa, BBVA erakundeak adierazia.

    Hiruhileko bakoitzean jasotako deskontu-tasari buruzko informazioa, Catalunya Caixa erakundeak adierazia.

    Truke tasa

    Hiruhileko bakoitzean BBVA erakundeak adierazten duen jasotako truke-tasari buruzko informazioa.
     

    Hiruhileko bakoitzean Catalunya Caixa erakundeak adierazten duen jasotako truke tasari buruzko informazioa.

    Unoe Bankek adierazten duen hiruhileko bakoitzean jasotako truke tasari buruzko informazioa.