Erabilerraztasuna

BBVAk Gizarte Erantzukizun Korporatiboko politika bat du, gizartean inpaktu positiboa sortzera bideratua, aro berri honetako aukerak denon eskura jartzeko gure asmoan inor atzera geratzea saihestuz.

Gure kanal digitalen erabilerraztasuna eta diseinu unibertsala funtsezkoa da helburu hori lortzeko, finantza-inklusioa bultzatuz. Horregatik, BBVAn aktiboki ari gara lanean W3C-ko (World Wide Web Consortium) WAI (Web Accesibility Initiative) lantaldeak zehaztutako WCAG 2.1 (Web Content Accesibility Guidelines) jarraibideen arabera (AA maila) erabilerraztasun maila optimoa lortzeko.

Erabiltzaileek aurki dezaketen edozein erabilerraztasun-oztopo ezabatu nahi dugu, bai gure webgunekoa, bai gure app-ekoa. Eta, hori lortzeko, beharrezko ikuspegia txertatu dugu gure lan-prozesuetan, eta hainbat arlotan aplikatu dugu, hala nola:

• Kolore-kontrasteak, estandarrean definitutako ratioen arabera.
• Izenburuen, botoien eta loturen erabilera eta koherentzia.
• WAI-ARIA estandarraren semantika eta aplikazioa interakzioko elementu konplexuetan.
• Nabigazioa teklatu bidez edo laguntza teknikoak erabiliz, pantaila-irakurgailuak, kasu.
• Hizkuntza argi eta ulergarrirako jarraibideak.

Gure orrialdeen eta funtzionalitateen bolumena handia denez, lanean jarraitzen dugu gure eragiketarik gehienetan lortutako erabilerraztasun mailei eusteko.

BBVAn aukerak sortzen ditugu eta guztien eskura jarri nahi ditugu.