Hipoteka bat nola eskatu jakiteko gida

Ezagutu hipoteka-mailegu bat eskatzeko eman beharreko pausoak.
Hipoteka-mailegu bat kontratatzeko prozesua luzea da eta ahalegintzea eta arduratzea eskatzen du. Denbora hartu behar da informazioa biltzeko, eta finantzaketarik onena lortzeko, ezinbestekoa da aukera guztiak arretaz aztertzea. Horregatik, gidaliburu honek pauso bakoitza azaltzea du helburu, zure etxeaz lehenbailehen goza dezazun.

Informazioa biltzea eta konparatzea

Jadanik etxebizitza bat erostea erabaki baduzu eta hipoteka-mailegu bat behar baduzu, lehenik, ahal beste informazio bildu behar duzu, pauso oker bat ez emateko. Garrantzitsua da mailegu-merkatuko egoera ezagutzea. Beraz, ahalik eta banku gehienen eskaintzak bilatu, konparatu eta aztertu behar ditugu.

Erosleak garenez, gure beharretara hoberen egokitzen den hipoteka-mailegua zein den pentsatu behar dugu: aldizkako ordainketei eta amortizazio-epeari aurre egiteko gai izango garen, gure aurrezkiak ikusi eta ezusteko gastuetarako marjinak gehitu. Hori esanda, gomendagarria da gure zorduntze kuota ezagutzea, eta ez dadila izan titularraren diru sarrera garbien % 30-35etik gorakoa.

Goiko bannerra hipoteka finkoa Goiko bannerra hipoteka finkoa
BBVA Hipoteka finkoa
Hilero berdina ordaintzearen lasaitasuna.

Hipoteka-mailegua kontratatzeko lehen pauso horretan, konparatzea funtsezkoa da. Erakunde ezberdinetako edo erakunde bereko hipoteka-maileguen eskaintzak kontsultatzean, aldeak ezarri eta eskaintzen digutena hobeto ulertu ahal izango dugu.

Informazio biltzeko prozesu horretan zehar, komeni da zalantza guztiak idaztea, ondoren, profesionalei galdetzeko. Hipoteka-mailegu baten baldintza eta eskakizunetan, ulertzeko zailak izan daitezkeen edo nahastu ahal gaituzten terminoak aurki ditzakegu. Ikus ditzagun garrantzitsuenetako batzuk.

Hipoteka-mailegu motak

Interes-tasa finkoa. Interes-tasa finkoko hipoteka-maileguen hileko kuota eta aplikatuko den interes-tasa ez dira aldatuko maileguaren bizitzan zehar. Hilero kuota bera ordaintzen da, merkatuko interes-tasek gora edo behera egiten badute ere.

Interes-tasa aldakorra. Interes-tasa aldakorreko hipoteka-maileguen kasuan, ohikoa da interes-tasa hori erreferentzia-indize bati lotuta egotea (ohikoena eriborra da). Hala, hileko kuota euriborraren arabera aldatuko da.

Interes-tasa mistoa. Hipoteka horiek interes-tasa finkoa aplikatzen dute maileguaren lehenengo urteetan, eta gero, euriborra ardatz duen interes-tasa aldakorra.

Zertan jarri behar duzu arreta zure hipoteka-mailegua kontratatzeko

Informazioa biltzeko prozesu horren ostean, gure hipoteka-maileguaren kostuan sakon dezakegu. Orduan, hiru termino garrantzitsu agertuko dira: ITN, UTB eta euriborra.

ITN Interes Tasa Nominalaren akronimoa da, hain zuzen ere, erakundeek dirua lagatzearen truke kobratzen duten prezioa adirazten du. Interes hau bezeroari emandako kapitalaren gaineko ehuneko edo mota bat ezarriz kalkulatzen da. Ehuneko hori une bakoitzeko itzultzeke dagoen kapitalaren gainean aplikatzen da. Ez ditu gastuak eta komisioak barne hartzen.

UTB Urteko Tasa Baliokidearen akronimoa da. Interes-tasa horrek mailegu batek denbora-tarte jakin batean duen kostu efektiboa adierazten du. Eragiketaren interes-tasa nominala kontuan hartzen duen formula matematiko baten bitartez kalkulatzen da eta kontuan hartzen ditu ordainketen maiztasuna (hilero, hiru hilekoak, etab.), bankuaren komisioa eta eragiketak dituen zenbait gastu. Produktu baten kostu efektiboa konparatzeko aukera ematen du, eskaintza ezberdinen artean.

Euriborra indize bat da, Europako erakunde finantzario nagusiek beren artean epe laburrera dirua lagatzen duten batez besteko interes-tasa adierazten duena. Edonola ere, etengabe aldatzen ari da. Euriborraren etengabeko gorabehera horrek definitzen du kuotaren aldaketa, sei hilean behin edo urtean behin gainbegiratu ohi dena.

Erdiko bannerra Erdiko bannerra
Zure neurrirako hipoteka dugu
Ezagutu BBVAren hipotekak eta aurkitu zeurea.

Lotutako komisioak

Lotutako komisioak hipoteka-mailegua aukeratzeko prozesu horretako beste alderdi garrantzitsu bat dira. Normalean 20 urtetatik 30 urtera bitarteko hileko ordainketa bati aurre egiteaz gain, hipoteka-mailegua kontratatzen dugun bankuaren arabera, komisio batzuk edo beste ordaindu beharko ditugu. Ikus ditzagun ohikoenetako batzuk:

Irekitze-komisioa. Hipoteka-maileguaren guztikoaren gainean kalkulatzen da. Komisio hori hipoteka-maileguaren hasieran ordaintzen da, banketxeari mailegua formalizatzeko izapideak eta kudeaketak ordaintzeko.

Hipotekari lotutako kontuaren komisioa. Banketxe batzuek kontu bat irekitzeko eskatzen digute, kuoten ordainketa kudeatzeko. Komisio hori ez dute banketxe guztiek kargatzen, eta hipoteka-mailegua emango digun banketxearen bezeroak baldin bagara, komisio hori ez da egoten normalean.

Amortizazio partzial edo osoko komisioa: bezeroak amortizatu beharreko kapital guztia edo horren zati bat aldez aurretik ordaintzen duenean gertatzen da. Banketxeak egin behar dituen izapide administratiboen ordainketa da, bai eta itzuli beharreko kapitalaren interesengatik jasotzen ez duen diruarena ere.

Hipoteka lortzeko ohiko baldintzak

Hipoteka bat emateko eskatzen diren baldintza nagusiak bezeroaren kaudimen ekonomikoarekin lotuta daude, baina ez dira bakarrak.

- Diru-sarrera finkoak izatea. Egonkortasun ekonomikoa funtsezkoa da hipoteka emateko. Gure bankuak nominak eta gure lan-bizitza eskatuko digu, gure diru-sarreren fluxua hobeto ezagutzeko.

- Hasieran ematea, gutxienez, etxebizitzaren tasazio-prezioaren % 20. "Sarrera" izenarekin ezagutzen da hori eta banketxeek bezeroei eskatzen dieten baldintza bat da. Horregatik, oso garrantzitsua da ondasunaren gutxi gorabeherako tasazio-balioa ezagutzea, "baztertze-datu" bat izan ohi da eta. Hipoteka merkatua arautzeko 716/2009 Errege-Dekretuaren arabera, baimendutako gehieneko finantzaketa muga bat ezartzen da mailegu eta kredituetarako; oro har, horrek esan nahi du finantza erakundeek ez dutela ematen tasazio balioaren % 80tik gorako hipoteka mailegurik.

CTA Azterketa CTA Azterketa
Hipotekak - Honek ere interesa zaitzake Hipotekak - Honek ere interesa zaitzake

Honek ere interesatu zaitzake

  • Ba al dakizu zergatik eboluzionatzen duen euriborrak? Indize hau zertan datzan eta zergatik egunero aldatzen den azalduko dizugu.
  • Ba al dakizu zer den hipoteka kreditua? BBVAn, zer den azalduko dizugu, baita hipoteka mailegutik zertan bereizten den ere
  • Etxebizitza baten tasatze-balorea dena dela ere, higiezin guztiek katastro-balore ofiziala dute erregistratuta.