Que vantaxes ten a hipoteca para xente nova?

Por ser menor de 36 anos, a Hipoteca Xente Nova pódeche dar ata o 95% do importe do valor da vivenda que queres comprar. Ademais, o prazo de devolución do préstamo hipotecario é de ata 30 anos.

Que é unha hipoteca de tipo fixo ou variable ‘bonificada’?

Significa que, se contratas outros produtos do BBVA canda a túa hipoteca, podes obter un tipo de xuro reducido. Contratar estes produtos non é obrigatorio, pero pode facer que teñas un mellor prezo: Seguro Multirrisco Fogar de BBVA Allianz. Seguro de amortización de préstamos de BBVA Seguros. Domiciliación e mantemento dos teus ingresos no BBVA.

Que diferenzas hai entre unha hipoteca fixa e unha hipoteca variable?

Nunha hipoteca fixa, o tipo de xuro non varía en ningún momento mentres que, nunha hipoteca variable, en cada revisión, o tipo de xuro que se aplique pode variar.

Poderei reembolsar o préstamo anticipadamente?

Si, podes adiantar unha parte (mínimo 300 €) ou todo o que che falte por pagar. Ademais da cantidade que queiras reembolsar, terás que pagar os xuros e unha cantidade como compensación por reembolso anticipado total ou parcial, equivalente á perda financeira que puidese sufrir o banco e que poderá ser: Hipoteca tipo fixo Durante os 10 primeiros anos: co límite de 2 % do capital reembolsado anticipadamente. A partir do 11º ano (inclusive): co límite de 1,5 % do capital reembolsado anticipadamente. Hipoteca tipo variable Durante os 5 primeiros anos: co límite de 0,15 % do capital reembolsado anticipadamente. A partir do 6º ano (inclusive): 0 % do capital reembolsado anticipadamente. Lembra que antes de facelo é obrigatorio que leas a información que che facilitaremos, en que detalladamente se cuantifican as consecuencias de cada un dos reembolsos, para poderes avaliar cada unha das opcións. É preciso solicitares a información con 30 días de antelación na túa oficina BBVA.

Que pasa co meu seguro de amortización se fago un reembolso total?

Se tes un seguro de amortización e fas un reembolso de todo o préstamo, o contrato do teu seguro interromperase. En caso de que pagases o seguro máis tempo do que durou a hipoteca, devolveráseche a diferenza. Como alternativa, podes nomear un novo beneficiario no prazo de sete días hábiles e este gozará do seguro.

Cales son os requisitos da Hipoteca Xente Nova?

A Hipoteca Xente Nova é un préstamo para residentes en España con ingresos e patrimonio só en euros, que sexan menores de 36 anos (todos os titulares) e queiran adquirir a súa vivenda habitual. Unha vez formalizado o préstamo hipotecario, o predio hipotecado deberá contar cun seguro de danos mentres dure o devandito préstamo. A cantidade asegurada ten que coincidir co valor de taxación sen incluír o valor do solo. Ese seguro, que non ten por que ser do BBVA, debe cubrir os danos que poida sufrir o inmoble por incendio, explosión e causas naturais. O banco debe figurar na póliza como beneficiario polo importe que falte por pagar. Tamén necesitas ter unha conta corrente no BBVA. Nela realizaranse todos os movementos que teñan que ver coa túa hipoteca, como aboamentos e cargos. Tanto as características coma o detalle das posibles comisións de administración e mantemento da conta están na información precontractual relativa a esta. Lembra que a concesión da hipoteca está suxeita a autorización previa por parte do banco.

Que significan o TIN e a TAE?

O TIN (tipo de xuro nominal) é o que se paga a un banco a cambio de que nos preste diñeiro. O TIN é normalmente menor que a TAE e non serve para comparar o prezo entre diferentes hipotecas, xa que só inclúe o tipo de xuro, non todos os gastos da operación. A TAE (taxa anual equivalente) indica o custo dun produto financeiro, como os préstamos, incluíndo tanto os xuros coma os diferentes gastos e comisións asociadas. Este dato permíteche comparar entre diferentes hipotecas porque, canto menor sexa a TAE, máis barata será a hipoteca.

Sempre vou pagar o mesmo?

Se elixes unha hipoteca fixa, o tipo de xuro non varía nunca. Porén, se non cumpres as condicións das bonificacións ou non estás ao corrente de pagamento da hipoteca, a cota podería cambiar. Se elixes unha hipoteca variable, o tipo de xuro está composto por unha porcentaxe fixa (o diferencial) e unha variable (o euríbor) que se revisa cada 12 meses. Por iso, cando toque a revisión do préstamo hipotecario, a cota podería cambiar pola evolución do euríbor e/ou polas bonificacións que poidas chegar a ter sobre o tipo de xuro.

É un índice de referencia que indica o tipo de xuro medio ao que se prestan o diñeiro os bancos europeos entre si. Publícase de forma mensual e con el calcúlase o tipo de xuro ao que se ofrecerán os préstamos hipotecarios.

Que gastos debo ter en conta ao comprar unha casa?

A compra dun inmoble xera dous tipos de gastos: uns teñen que ver co préstamo hipotecario e outros coa operación de compravenda. Os gastos do préstamo hipotecario págaos o banco: o rexistro, a notaría, a xestoría e o imposto de actos xurídicos documentados (AXD). No País Vasco, o suxeito pasivo é sempre o cliente, a súa norma autonómica indica que o comprador paga o AXD. O banco asumirá o custo dos aranceis notariais da escritura de préstamo hipotecario. En cambio, os custos das copias serán asumidos por quen as solicite. Os gastos da compravenda non teñen nada que ver coa hipoteca, por iso non os paga o banco. Lembrámosche que estes gastos son: impostos (como o de transmisións patrimoniais, o IVE ou o imposto de sucesións) e os que correspondan de xestoría, notaría, rexistro e nota simple. O comprador pagará a taxación.

E se necesito máis información antes de solicitar a hipoteca?

Podes consultar os seguintes documentos, onde encontrarás información básica sobre as nosas hipotecas: ficha de información precontractual (FIPRE) (Só para Andalucía) Documento de información precontractual complementaria (DIPREC) Cartel informativo <a aria-label="Documento Informativo: CBP RDL 6/2012 para la reestructuración viable de las deudas con garantía hipotecaria y CBP RDL 19/2022 y ACM para aliviar la subida de tipos de interés en préstamos hipotecarios sobre vivienda habitual. global.link.target.blank.text" href="/content/dam/public-web/bbvaes/documents/legal/tablon-anuncios/documento-informativo-proteccion-deudores-hipotecarios.pdf" target="_blank">Documento informativo: CBP RDL 6/2012 para a reestruturación viable das débedas con garantía hipotecaria e CBP RDL 19/2022 e ACM para aliviar a suba de tipos de xuro en préstamos hipotecarios sobre vivenda habitual Tamén tes á túa disposición un xestor do BBVA que resolverá as túas dúbidas e que te acompañará durante todo o proceso. Despois de realizar o estudo e comprobar que o préstamo hipotecario é viable, o teu xestor entregarache a ficha europea de información normalizada (FEIN) .

Que documentos necesito para solicitar unha hipoteca?

Para pedir a túa hipoteca necesitamos que nos entregues algúns documentos como a túa vida laboral actualizada, a declaración do IRPF ou un xustificante dos teus ingresos, por exemplo, as túas últimas 3 nóminas. Cando avances no proceso indicarémosche cal é a documentación exacta que nos debes enviar.

Como se calculan as cotas?

Calcúlanse utilizando o sistema de amortización francés. Este sistema de cálculo fai que a cota que pagas cada mes sexa o máis estable posible. Só pode variar se cambia o tipo de xuro ou se realizas reembolsos anticipados. Para calcular as cotas con este sistema usamos a seguinte fórmula: (C*i/m)/(1-(1+i/m) ^ (-m*n)) , en que C é a cantidade prestada, i é o tipo de xuro nominal anual, m o número de cotas anuais e n os anos nos que vas devolver o préstamo. Pómosche un exemplo aplicando a fórmula. Se tes un préstamo de 150.000 € a un 2,50 % de xuro anual e o devolves mes a mes (12 cotas ao ano) durante 25 anos, a cota que terás que pagar ao mes será de 672,93 €. Aquí tes a fórmula coas cifras do exemplo: (150.000x0,025/12)/(1-(1+0,025/12)^(-12x25))=672,93 €

Como sei cantos xuros pago en cada cota?

En cada cota, págase unha parte de xuros e outra parte destinada a devolver o préstamo. Se queres saber canto supón cada cantidade, podes calculalo da seguinte maneira: Para calcular os xuros de cada cota divide o tipo de xuro entre o número de cotas anuais e multiplícao pola cantidade prestada. Para calcular canto devolves do préstamo (amortización) resta os xuros á cota mensual. Lembrámosche que co tipo de sistema que utilizamos (sistema de amortización francés), páganse máis xuros nas primeiras cotas e menos nas últimas.

Que pasa se deixo de pagar as cotas?

Se non cumpres cos compromisos de pagamento, poderías perder a túa vivenda. Lembra que os titulares da hipoteca deberán responder ante o BBVA con todos os seus bens e dereitos, presentes ou futuros. Se houbese outras persoas prestando garantía, como por exemplo un avalista (ou fiador), responderían da mesma maneira que os titulares da hipoteca, salvo que se limite a súa responsabilidade no contrato. Lembrámosche que ao contratar unha hipoteca estableces unha relación co banco que se compón de dous elementos: o contrato principal de préstamo e a hipoteca. Contámosche en que consisten: Contrato principal de préstamo: dáse cando unha entidade financeira (acredor) presta unha cantidade de diñeiro a alguén (debedor). Hipoteca: o debedor, ou outra persoa, ofrece un inmoble como garantía de que se vai devolver o préstamo. Desta forma, se non se cumpren os compromisos de pagamento pactados, o banco podería vender ese inmoble en poxa pública para cobrar o que se lle debe. En caso de que sobrase diñeiro, sería para pagar a outros acredores ou, en todo caso, para o debedor.

Hipoteca Xente Nova

Ponte en modo ter a casa que queres

Se es menor de 36 anos, podes pedir ata o 95% do valor da vivenda que queres comprar. Sen comisión de apertura nin gastos de notaría, xestoría e rexistro.

Financiamos ata o 95% do valor da casa

Es menor de 36 anos? Podes solicitar ata o 95% de financiamento para comprar a casa que che gusta.

Cando o prezo da compravenda e o valor da taxación non coinciden, tomamos como referencia o importe máis baixo.

Podes pedir ata 30 anos de prazo

Ti escolles o prazo de devolución da túa hipoteca, ata un máximo de 30 anos.

Ten en conta que se a data da sinatura non coincide co día de pagamento, haberá unha primeira cota que só inclúe os xuros correspondentes ao período desde a sinatura ata o día de pagamento.

Con outros produtos, podes mellorar a túa cota

Algúns produtos do BBVA bonifican o TIN. Contratalos non é obrigatorio, pero poden facer que pagues menos pola túa hipoteca:

Seguro Multirrisco Fogar de BBVA Allianz Seguros.
Seguro de amortización de préstamo de BBVA Seguros.
Domiciliación e mantemento dos teus ingresos no BBVA.

Solicita en poucos pasos a túa hipoteca xente nova

Simula a cota da túa hipoteca, completa os datos que che pedimos e envía a solicitude.

Xa fixeches a túa solicitude? Síguea desde a app

Tanto se es do BBVA como se non, sigue paso a paso a túa solicitude de préstamo hipotecario desde o móbil en Espazo Hipoteca. Poderás:

Ver todas as etapas da túa solicitude.
Presentar documentación de forma sinxela. E se es cliente, poderás traer documentos de forma automática desde as administracións.
Contactar cun xestor, que te acompañará durante o proceso.

Se non es cliente, rexístrate en dous pasos para accederes.