Espazo Hipoteca

Cando recibamos a solicitude, poderás enviar desde Espazo Hipoteca a documentación para continuar cos trámites do proceso de solicitude do préstamo hipotecario.

Se acabas de solicitar a túa hipoteca, non te preocupes, un xestor hipotecario porase en contacto contigo para informarte de todo.

O proceso ten estas etapas que poderás seguir paso a paso en Espazo Hipoteca:

• Solicitude: desde bbva.es podes completar e enviar a túa solicitude de préstamo hipotecario. Así que teñas acceso a Espazo Hipoteca, poderás revisar os datos do préstamo hipotecario que vas solicitar no BBVA. É posible que estes datos se actualicen ao longo do proceso.
• Documentación: desde Espazo Hipoteca, podes ver todos os documentos que debes presentar para facer o estudo de viabilidade e coñecer o estado en que se encontran.
• Estudo de viabilidade económica: unha vez que presentas todos os documentos, analízanse para ver se a solicitude de hipoteca é viable economicamente. É posible que che pidamos documentos adicionais nesta etapa.
• Taxación da vivenda e viabilidade técnica: nesta etapa, necesitas presentar a taxación e a nota simple da casa que queres comprar para podermos analizar se a garantía é viable.
• Oferta vinculante: se a túa solicitude de hipoteca é viable, enviarémosche a oferta vinculante coas condicións do préstamo hipotecario para que poidas lelas e decidir se estás de acordo.
• Sinatura da hipoteca: se estás de acordo, debes asinar dixitalmente a oferta vinculante e, despois, escoller unha notaría para realizar todos os pasos necesarios para a sinatura da escritura de préstamo hipotecario.

Nada máis entrar en Espazo Hipoteca, aparecerache un acceso directo para presentar documentación.

En cada tipo de documento (de identificación, económico etc.) poderás engadir o documento requirido ou o alternativo. Recomendámosche achegar cada tipo de documento na súa sección correcta para que todo sexa máis rápido.

Hai diferentes opcións para subir un documento de varias páxinas (por exemplo, un contrato de traballo):

• Subir cada páxina como un arquivo distinto. O límite son cinco arquivos por cada tipo de documento. Ao premer sobre “Enviar”, uniranse automaticamente nun só documento PDF.
• Facer as fotos de cada páxina no momento coa cámara do móbil. Neste caso, tampouco poderás subir máis de cinco e uniranse nun só documento ao envialas.
• Subir todas as páxinas nun só documento, que previamente ti fotografaches ou escaneaches e uniches.

Pedirémosche a taxación da vivenda cando fagamos a análise de viabilidade técnica, despois da etapa de estudo de viabilidade económica:

• Se xa tes unha taxación da vivenda homologada, podes presentala nesta etapa ou desde o primeiro momento.
• Se non a tes, podes solicitala a través do BBVA. Se prefires esta opción, coméntallo ao teu xestor hipotecario. Ten en conta que o custo da taxación é un gasto que che corresponde pagar a ti por lei.