Accesibilidade

O BBVA conta cunha política de sostibilidade orientada a xerar un impacto positivo na sociedade, buscando que ninguén quede atrás no noso propósito de acompañarte na túa vontade de chegares máis lonxe.

O noso compromiso coa accesibilidade e o deseño universal levounos a impulsar numerosas iniciativas para eliminar calquera barreira que poidan encontrar os usuarios.

O BBVA comprometeuse a facer accesibles os seus sitios web, de conformidade coa Lei 11/2023, do 8 de maio, de transposición de directivas da Unión Europea en materia de accesibilidade.

Esta declaración de accesibilidade aplícase ao portal público bbva.es e tamén á banca en liña, tanto na súa versión web como na súa aplicación móbil para Android e iOS.

Falta de conformidade coa Lei 11/2023, do 8 de maio.

BBVA.es e banca en liña web:

• Criterio 1.4.4. Aínda que o usuario pode incrementar o tamaño do texto, é posible que en determinadas situacións a interface non se adapte correctamente.
• Criterio 1.4.10. Ao incrementar o tamaño do texto, a interface non se reorganiza en columnas para facilitar a lectura.
• Criterio 2.1.1. Nalgúns casos existen problemas de interacción co teclado.
• Criterio 2.1.2. Nalgún caso, existen elementos que capturan o foco do teclado.
• Criterio 2.4.6. Nalgúns casos existen incidencias en definición de etiquetas.
• Criterio 3.3.2. Nalgúns casos existen instrucións pouco claras ou ausentes para manipular certos compoñentes.
• Criterio 4.1.2. Existe un compoñente que posúe un rol desaxeitado.
• Criterio 4.1.3. Nalgúns casos as mensaxes de estados son comunicadas incorrectamente.
• Criterio 4.1.2. Nalgúns casos existen compoñentes con deficiencias na súa construción que poden provocar dificultade ao utilizar ferramentas de apoio.
• Gráficas: respecto á visualización de datos en gráficas, poden aparecer problemas referentes aos seguintes criterios:
  - Criterio 1.4.1: uso da cor.
  - Criterio 1.4.11: contraste de elementos non textuais.
  - Para mitigar estes problemas, nalgúns casos móstranse os datos de forma alternativa como datos tabulares. Seguimos traballando para trasladar todas as nosas gráficas a un formato accesible para todos.

Aplicación móbil banca en liña BBVA:

• Criterio 1.4.4. Por limitacións de tamaños de pantalla en dispositivos móbiles, restrinxiuse o aumento do texto a un 120% en lugar do 200% especificado na normativa.
• Criterio 1.4.10. Ao incrementar o tamaño do texto, a interface non se reorganiza en columnas para facilitar a lectura.
• Criterio 2.1.1. Nalgúns casos existen problemas de foco en elementos non interactivos.
• Criterio 2.2.1. Por motivos de seguridade, a sesión de usuario non permite estender o tempo desta.
• Criterio 2.4.7. Nalgúns casos existen elementos non visuais que recollen o foco de tabulación.
• Criterio 3.3.2. Nalgúns casos existen instrucións pouco claras ou ausentes para manipular certos compoñentes.
• Criterio 4.1.3. Nalgúns casos as mensaxes de estados son comunicadas incorrectamente.
• Gráficas: respecto á visualización de datos en gráficas, poden aparecer problemas referentes aos seguintes criterios:
  - Criterio 1.4.1: uso da cor.
  - Criterio 1.4.11: contraste de elementos non textuais.
  - Para mitigar estes problemas, nalgúns casos móstranse os datos de forma alternativa como datos tabulares. Seguimos traballando para trasladar todas as nosas gráficas a un formato accesible para todos.

Se detectas que algún contido deste sitio web non é accesible ou se tes algunha dúbida en relación coa accesibilidade deste sitio web, podes comunicalo no enderezo electrónico consultasgenerales@bbva.com ou chamando á Liña BBVA 900 102 801.

Se unha vez realizada a solicitude de información accesible ou queixa esta é desestimada ou o usuario non está de acordo, poderá pór unha reclamación ante o Centro de Axuda do BBVA.

Atendemos persoalmente cada barreira detectada polos nosos clientes e traballamos activamente para solucionalas o máis axiña posible.

Procedemento de aplicación

Porase en marcha un procedemento de aplicación axeitado e eficaz ao que debe recorrerse no caso de que a resposta á comunicación ou á solicitude sexa insatisfactoria.

Queremos eliminar calquera barreira de accesibilidade que poidan encontrar os usuarios, e por iso incorporamos aos nosos procesos de traballo o enfoque necesario para conseguilo:

• Navegación por teclado ou co uso de axudas técnicas como lectores de pantalla.
• Contrastes de cor segundo as ratios definidas no estándar.
• Uso e coherencia de encabezamentos, botóns e ligazóns.
• Semántica e aplicación do estándar WAI-ARIA nos elementos complexos de interacción.
• Pautas de linguaxe clara e comprensible.
  

Queremos lembrarlles aos nosos clientes que, para as xestións relacionadas cos seus produtos contratados co BBVA, se non teñen a posibilidade de pórse en contacto por teléfono, poden facelo de forma escrita a través da nosa banca en liña, no apartado "As miñas conversas".