Ir ao contido principal

Carteiras xestionadas

A túa carteira xestionada por expertos

  • Para investimentos iniciais desde 200.000 €
  • Seleccionamos unha carteira modelo adaptada ao seu perfil de risco.
  • O noso equipo de expertos, BBVA Asset Management, xestiona a túa carteira.

A nosa experiencia ao servizo do teu investimento

Ao contratares a Carteira Xestionada, cunha achega inicial mínima de 200.000 €, proporcionámosche o coñecemento financeiro, a visión global e a experiencia dun sólido grupo financeiro para ofrecerche o servizo de xestión discrecional de carteiras.

Con este servizo, os equipos da Banca Privada e os de BBVA Asset Management traballan de forma coordinada para ofrecerche un servizo axustado aos diversos perfís de clientes e con visión orientada ao longo prazo.

Xestión independente

Investimos tanto en fondos de BBVA Asset Management como de xestoras internacionais líderes, todos eles seleccionados baixo unha rigorosa análise.

Diversificación

O teu investimento diversifícase baixo criterios de calidade e consistencia mediante a distribución en fondos de investimento que invisten en distintas clases de activos, sectores e rexións xeográficas.

Dinámica

Monitorizamos de forma continua os mercados e riscos da túa carteira, axustando os niveis de investimento en función do teu perfil investidor.

Personalizada

Temos en conta o teu perfil investidor para ofrecerche diferentes solucións e servizos de xeito personalizado.

  • BBVA Quality Funds

    O noso aliado na selección de fondos internacionais

    BBVA Quality Funds é a unidade especializada en análise e selección deste tipo de fondos.
    Está composta por un equipo de máis de 30 profesionais dedicados exclusivamente a identificar oportunidades de investimento entre unha ampla rede de xestoras internacionais líderes.

    Grazas á súa experiencia, contamos cunha arquitectura aberta, con acceso aos mellores produtos do mercado, sempre baixo criterios de calidade, consistencia e control de riscos.

  • Adaptámonos ao mercado

    O noso obxectivo é o mesmo que o teu: coidar o teu patrimonio. Por iso adaptamos o teu investimento ao contorno económico e de mercado.

  • Monitorizamos e axustamos

    Monitorizamos de forma continua os mercados e riscos da túa carteira, axustando os niveis de investimento en función do teu perfil investidor.

  • Buscamos oportunidades

    Buscamos constantemente oportunidades de investimento porque o noso obxectivo é o teu crecemento a longo prazo.

Como é a xestión

  • Características da xestión coa Banca Privada e con BBVA Asset Management

    Antes de contratar é preciso realizar unha avaliación de idoneidade: un cuestionario que nos permitirá coñecer a túa situación financeira, os teus obxectivos de investimento, o teu coñecemento e experiencia previa e a túa tolerancia ao risco. Tamén poderás incluír as túas preferencias de sostibilidade.

    Segundo o resultado desta avaliación, determinarase o teu perfil de risco e asignaráseche unha carteira aliñada cun dos nosos perfís de investimento, deseñados para buscar un equilibrio entre rendibilidade e risco.

    Contarás sempre co acompañamento do teu banqueiro privado, que che axudará a resolver calquera dúbida e a facer un seguimento da túa carteira de forma clara e transparente.

    Poderás achegar e solicitar reembolsos da carteira a través do teu banqueiro, sen ter que desprazarte a unha oficina grazas á sinatura a distancia.

Riscos

  • Debes ter en conta que os fondos nos que inviste a carteira son produtos cun determinado nivel de risco. Se a evolución dos mercados nos que invisten non é a esperada, é posible que se rexistren perdas; debes estar disposto a asumir o risco económico derivado da evolución da túa carteira.

Gastos e comisións

  • Este servizo é retribuído mediante o pagamento ao BBVA dunha comisión pactada, un cobramento explícito que che permitirá coñecer sempre o custo da xestión asociado ao servizo.

    O banco, tal e como establece a normativa, non poderá percibir incentivos de terceiros (a excepción dos beneficios non monetarios menores) polos investimentos que realice baixo este servizo e, en caso de recibilos, deberá indicalo e aboarchos.

    Para máis información podes consultar un dos nosos banqueiros privados.

Seguimento

  • Na túa área persoal da app e bbva.es, terás dispoñible:

    • Análise detallada de cada un dos instrumentos financeiros que compoñen a carteira.
    • Movementos na conta.
    • Ganancias e perdas.
    • Operacións da carteira nun período determinado.
    • Sección de informes: diario, mensual e anual (de custos e gastos).
    • Simulación fiscal de ganancias e perdas latentes.

    Estas son as funcionalidades e a forma de acceder a elas se a titularidade está baixo sociedade CIF.

Sostibilidade

Outro piar fundamental é a sostibilidade. Na Banca Privada do BBVA integramos no noso proceso investidor os riscos e oportunidades ambientais, sociais e de bo goberno e temos en conta as preferencias dos nosos clientes en sostibilidade á hora de construírmos a súa carteira. 

Información en materia de sostibilidade

Tamén che podería interesar

Necesitas máis información?

Interésache?

Liña exclusiva da Banca Privada

900 108 586

Chámanos para resolver as túas dúbidas ou concertar unha cita.

Liña exclusiva da Banca Privada

900 108 586

Chámanos para resolver as túas dúbidas ou concertar unha cita.

Carteiras xestionadas
Solicitar información