Simulador de revisión de hipoteca

Nun préstamo hipotecario a tipo de xuro variable, o tipo de xuro está composto por un diferencial máis un índice de referencia (normalmente, o euríbor a 12 meses). Deste xeito, e a diferenza do que ocorre ao elixir unha hipoteca fixa, a cota que hai que pagar podería subir ou baixar en cada revisión do tipo de xuro, en función de como o faga o índice de referencia.

Para calcular as cotas, utilizamos o sistema de amortización francés. Con este sistema, a cota determínase ao inicio de cada período de xuros e non varía ao longo deste. Podería variar dun período a outro ou durante o mesmo se se fixese un reembolso parcial.

Co sistema de amortización francés, usamos a seguinte fórmula: 

Cota = (C * i / m) / (1 - (1 + 1 / m) EXP(-m * n))

Onde:
C: capital pendente do préstamo
I: tipo de xuro nominal anual
M: número de cotas anuais
N: número de anos do prazo de devolución

Pómosche un exemplo aplicando a fórmula. Se tes un préstamo de 150.000 € a un 2,50 % de xuro anual e o devolves mes a mes (12 cotas ao ano) durante 25 anos, a cota que terás que pagar ao mes será de 672,93 €.

Aquí tes a fórmula coas cifras do exemplo: 

(150.000 * 0,025 / 12) / (1 - (1 + 0,025 / 12) EXP(-12 * 25)) = 672,93 €

Co sistema de cálculo que utilizamos (sistema de amortización francés), nas primeiras cotas páganse máis xuros ca capital e nas últimas, máis capital ca xuros.