Se todos os titulares e autorizados dunha conta de pagamento básica teñen recoñecida unha situación de especial vulnerabilidade ou risco de exclusión financeira, a comisión máxima, única e conxunta polos servizos descritos anteriormente será de 0 €.
Quen se atopan en risco de especial vulnerabilidade ou risco de exclusión financeira?
Encóntranse en situación de especial vulnerabilidade ou risco de exclusión financeira:
- Aqueles clientes cuxos ingresos económicos brutos, computados anualmente e por unidade familiar, non superen os seguintes limiares:
- Cando se trate de persoas non integradas en ningunha unidade familiar, dúas veces o indicador público de renda de efectos múltiples de doce pagas, vixente no momento de efectuar a solicitude.
- Cando se trate de persoas integradas nalgunha das modalidades de unidade familiar con menos de catro membros, dúas veces e media o devandito indicador.
- O triplo do devandito indicador cando se trate de unidades familiares integradas por catro ou máis membros ou que teñan recoñecida a súa condición de familia numerosa de acordo coa normativa vixente.
- O triplo do devandito indicador cando se trate de unidades familiares que teñan no seu seo a unha persoa cun grao de discapacidade igual ou superior ao 33 %, recoñecido oficialmente por unha resolución expedida polo Instituto de Maiores e Servizos Sociais ou polo órgano competente das comunidades autónomas.
- Aqueles clientes nos que non concorra titularidade, directa ou indirecta, ou dereito real algún sobre bens inmobles, excluída a vivenda habitual, nin titularidade real de sociedades mercantís por parte de todos os membros que integren a unidade familiar.
Como podo solicitar a gratuidade?
O cliente poderá solicitar a situación de especial vulnerabilidade enchendo o formulario que se lle entregará xunto co resto da documentación da conta de pagamento básico, así coma a documentación indicada no devandito documento.
Que documentación teño que presentar?
A acreditación das circunstancias que darán lugar á gratuidade deberán concorrer en todos os titulares e autorizados. Deberase achegar a seguinte documentación en relación con todas as persoas que conformen a unidade familiar.
- Para a acreditación do número de persoas que compoñen a unidade familiar, deberase achegar o libro de familia ou documento acreditativo de inscrición como parella de feito.
- Para acreditar a percepción dos ingresos polos membros da unidade familiar, deberase achegar un dos seguintes documentos:
- Certificado de rendas e, se é o caso, certificado relativo á presentación do Imposto de Patrimonio, expedido pola Axencia Estatal da Administración Tributaria ou o órgano competente da Comunidade Autónoma, se é o caso, con relación ao último exercicio tributario.
- Últimas tres nóminas percibidas.
- Certificado expedido pola entidade xestora das prestacións ou subsidios por desemprego, no que figure a contía mensual percibida polos devanditos conceptos.
- Certificado acreditativo dos salarios sociais, rendas mínimas de inserción ou axudas análogas de asistencia social concedidas polas comunidades autónomas e as entidades locais.
- No caso dun traballador por conta propia, certificado expedido polo órgano xestor no que figure a contía mensual percibida en caso de que estivese percibindo a prestación por cesamento de actividade.
No caso de que o cliente non dispoña da documentación referida no apartado anterior, deberá achegar un informe no que se indique a composición da unidade familiar ou no que se motive a idoneidade para o acceso á gratuidade dunha conta de pagamento básica. Deberás solicitar este informe aos servizos sociais do concello no que esteas empadroado.
Se o cliente obtén o recoñecemento ao dereito a unha conta de pagamento básica gratuíta, os efectos do devandito recoñecemento produciranse a partir da data de solicitude.
Para un ou máis titulares.
