Sakatu enter
Iradokizunak
    ARRISKU MAILA
    1/6

    Zenbaki honek produktuaren arriskua adierazten du, 1 / 6-k arrisku gutxien eta 6 / 6-k arrisku handiena dagoela adierazten dute.

    BBVA Espainiako Kreditu Erakundeen Gordailuak Bermatzeko Funtsari atxikita dago. Gehienez ere 100.000 €-ko kopurua bermatzen da BBVAn pertsona bakoitzeko eratutako gordailu guztiengatik.

    Oinarrizko ordainketa kontua

    Oinarrizko kontua ohiko eragiketentzat.

    • Titular bat edo gehiagorentzat.
    • Zordunketa txartela edo aurreordainketakoa lotzeko aukera.
    • Online transferentziak kosturik gabe.

    Nola funtzionatzen du?

    • Oinarrizko ordainketa kontua eurotan izendatutako kontua da, erabilera pertsonalekoa eta ez profesionalekoa adin nagusiko pertsona fisikoentzat.

      • Europar Batasunean legez bizi direnek eskuratu ahal izango dute, nola asilo eskatzaileak izan hala bizileku baimena izan ez arren kanporatu ezin direnak, baldin eta Espainiako beste erakunde batean antzeko kontu bat ez badute.
      • Titular bat edo gehiago izan ditzake, baina guztiek lehen adierazi diren baldintzak bete behar dituzte.
      • Ez da beharrezkoa bestelako produktu edo zerbitzu gehigarriren bat erostea.

      BBVAren edozein bulegotan kontrata daiteke kontua. Kontratua sinatu aurretik, kontratu aurreko beharrezko informazio guztia jasoko duzu.

    Zer zerbitzu hartzen ditu barnean?

    • Hurrengo zerbitzuak ditu prestatuta kontuak:

      • Kontua irekitzea, erabilera eta itxiera.
      • Funtsen gordailua eskudirutan eta eurotan.
      • Eurotan eskudiru-ateratzeak Espainian kokatutako BBVA bulego edo kutxazainetan edo Europar Batasuneko kide diren beste estatu batzuetan.
      • Ordainketa eragiketan zordunketa- edo aurreordainketa-txartelaren bidez, barne hartuz Europar Batasunean egindako ordainketak linean.
      • Europar Batasunean eurotan egindako ordainketa eragiketak, helbideratutako zordunketak eta transferentziak egiteko ordainketetan oinarrituak, barne hartuz transferentzia-agindu iraunkorrak egikaritzeko egindako ordainketak, erakundearen bulegoetan eta BBVAren lineako zerbitzuen bitartez.
      • Zordunketa- edo aurreordainketa-txartel bat elkar dezakezu eta sarean ordaindu.

    Kostuak eta komisioak

    • "Zer zerbitzu hartzen ditu barne?" atalean deskribatutako zerbitzuengatik, BBVAk hileko gehieneko komisio bat kobratuko du BBVAk, bakarra eta bateratua izango dena. UTB: -%1,79, urtebetean egunero 2.000 €-ko saldo konstante baterako.

      Komisioak hurrengoa hartzen du barne: 

      • Jaulkitze eta mantentze komisiorik gabeko Ahora zordunketa-txartela edo Antes aurreordainketa-txartela, kontuko titular bakoitzarentzat.
      • Europar Batasunean eurotan egindako urteko 120 ordainketa eragiketara arte, helbideratutako zordunketak eta transferentziak egiteko ordainketetan oinarrituak, barne hartuz transferentzia-agindu iraunkorrak egikaritzeko egindako ordainketak, erakundearen bulegoetan eta BBVAren lineako zerbitzuen bitartez. Ez dira barne hartzen berehalako transferentziak.

      Eurotan egindako transferentzia-eragiketa estandarrek Europar Batasuneko edozein herrialdetara gehi Liechtenstein, Norvegia eta Islandia, urteko 120 ordainketa eragiketako kopurua gainditzen dutenean, hurrengo kostuak dituzte:

      • BBVA.es webgunearen, BBVAren aplikazioaren edo kutxazain automatikoen bidez eginak: jaulkipenarengatiko komisiorik gabe.
      • Bulegoan egindakoak: % 0,40 zenbatekoaren gain (gutxienez 4 €).

      Beste ohiko zerbitzu batzuk:

      • Txekeen negoziazioa eta konpentsazioa, % 0,30 zenbatekoaren gain (gutxienez 3 €).
      • Bezeroak egindako gainerako xede edo/eta monetetako transferentziak eta berehalako transferentziak BBVAk tarifa, komisio eta gastuen eranskinean ezarritakoaren araberakoak izango dira. 
      • BBVA Taldekoa ez den erakunde batenak diren kutxazain automatikoetan eta Espainian eurotan txartelaren bitartez zordunketan ateratako eskudiruarengatik, kutxazainaren erakunde titularrak BBVAri kobratutako zenbateko bera kobratuko du BBVAk. Zenbateko hau kutxazainaren erakunde titularrak jakinaraziko du eskudirua atera baino lehen.

      Bezeroak modu iraunkorrean sartu ahal izango du beste zerbitzu batzuen edozein komisio edo deribatutako gastuen inguruko informaziora eta baita egokitutako azalpenetara ere BBVAren webgune zein mugikorreko aplikazioaren bitartez, eta erabilgarri dauden gainontzeko kanalen bidez ere bai.

    Informazio gehiago behar duzu?

    Kontua kontratatzerakoan sartzen diren dokumentuak ezagutzea eta ulertzea nahi dugu. Hemen kontsulta ditzakezu:

    Oinarrizko ordainketa-kontuaren kontratu aurreko informazioa: kontratu aurreko informazioa duen dokumentua da, eta BBVAren eta kontuaren titularraren arteko baldintzak zehazten ditu.

    Oinarrizko ordainketa-kontuaren komisioei buruzko informazioa: dokumentu honek ordainketa kontuari lotutako funtsezko zerbitzuak erabiltzeagatik datozen komisioak azaltzen ditu.

    Kontsultatu hemen ordainketa-kontu bati lotutako zerbitzu adierazgarrienen zerrenda.

    Izan BBVAko bezero

    • BBVAn lagundu egin nahi dizugu zure eguneroko kudeaketekin.
    • Liderrak gara berrikuntza digitalean eta zuri bizitza apur bat erraztearren egiten dugu lan.
    • Gauzak garden, argi eta era arduratsuan egiten sinesten dugu.