Os teus datos no BBVA

Con esta iniciativa querémoste axudar a comprenderes mellor como custodiamos os teus datos e as opcións que tes á túa disposición para controlar o seu uso. Porque canto máis sabes, mellor decides.

Os teus datos perténcenche e ti tes o control sobre eles. No BBVA, como empresa comprometida co uso rigoroso dos datos, nunca facemos nada con eles sen o teu permiso. E como a privacidade é importante, tratamos os teus datos co máximo respecto e custodiámolos con seguridade. Por este motivo, contamos coas máximas medidas de seguridade para garantirmos a confidencialidade nas comunicacións.

Porque sabemos que a transparencia é fundamental, querémosche detallar algúns exemplos de información que temos sobre ti e de onde procede.

• Datos que te identifican:

Por exemplo, o teu nome, o teu enderezo postal, o teu enderezo electrónico… Así podemos contactar contigo para xestionar os produtos e servizos que tes, que solicites ou que contrates connosco.

• Datos que nos din como es:

Trátase de información básica que nos proporcionas, como o teu domicilio ou a data de nacemento. Con eles facilitarémosche a tarefa de completar información que che pediremos en caso de que te queiras facer cliente.

• Datos que che permiten acceder á túa área privada e asinar de maneira dixital documentos no BBVA:

Aquí inclúese o teu código ou clave que utilizas para acceder e asinar documentos nas nosas canles en liña como o web e a app do BBVA.

• Datos sobre a túa operativa:

Por exemplo, transferencias e movementos dos produtos que tes agregados doutros bancos. Trátase de garantir a privacidade e a seguridade dos teus datos.

• Datos económicos:

Relacionados coa túa actividade económica que nos proporcionaches.

Os teus datos son teus e ti tes o control. Nunca facemos nada con eles sen o teu consentimento e os relativos aos teus produtos e servizos están sempre á túa disposición na túa área persoal de non clientes de bbva.es ou da app BBVA para:

• Consultalos.
• Modificalos cando sexan inexactos.
• Solicitar que se eliminen os teus datos persoais, salvo os que sexan necesarios para darche servizo por cuestións normativas.
• Permitir que poidamos acceder aos teus datos noutras entidades.
• Pedir que non se utilicen os teus datos para algunha das finalidades para as que nos deches previamente consentimento.
  

Todo acerca do tratamento de datos persoais

Ademais, se os solicitas, recibirás por correo electrónico un ficheiro cos datos persoais que nos facilitases e aqueles que se obtiveron na túa relación contractual co BBVA para podelos transmitir a outra entidade (o que se coñece como portabilidade).

Nós custodiamos os teus datos con seguridade, igual que facemos co teu diñeiro desde hai máis de 150 anos. Para iso, no BBVA garantimos que os nosos procedementos, infraestruturas e medidas de seguridade están destinados a custodiar os teus datos persoais cos máximos niveis de protección. Ademais, esiximos que as persoas que tratan os teus datos o fagan sempre co maior respecto, conforme ao código de conduta autorregulado dos empregados do BBVA. O noso compromiso co cumprimento normativo é un compromiso cos nosos clientes.

A través da información que nos proporcionas, podémoste axudar a tomar mellores decisións presentándoche, sen ningún custo adicional e de maneira sinxela, información que antes non tiñas.