Zure datuak BBVAn

Ekimen horren bitartez, zure datuak nola erabiltzen ditugun eta horien erabilera kontrolatzeko zer aukera dituzun ulertzen lagundu nahi dizugu. Gehiago jakitean, hobe erabakitzen duzu.

Zureak dira zure datuak eta zuk duzu horien gaineko kontrola. BBVAn, datuen erabilera zorrotzarekin konprometituta dagoen enpresa garen heinean, inoiz ez dugu ezer egiten zure datuekin zure baimenik gabe. Eta pribatutasuna garrantzitsua denez, errespetu handienarekin tratatuko ditugu eta segurtasunez zainduko ditugu zure datuak. Horregatik, segurtasun neurri handienak ditugu komunikazioetan konfidentzialtasuna bermatzeko.

Gardentasuna funtsezkoa dela badakigunez, xehatu egin nahi dizkizugu zuri buruz dugun informazioaren adibideak eta nondik datozen.

• Identifikatzen zaituzten datuak:

Esate baterako, zure izena, posta helbidea, posta elektronikoa… Horrela zurekin harremanetan jar gaitezke gurekin dituzun, eskatzen dituzun edo kontratatzen dituzun produktu eta zerbitzuak kudeatzeko.

• Nolakoa zaren esaten diguten datuak:

Zuk ematen diguzun oinarrizko informazioa da, esaterako zure helbidea edo jaiotze-data. Horiekin erraztu egingo dizugu bezero egin nahi baduzu betetzea eskatuko dizugun informazioa betetzeko eginkizuna.

• BBVAn zure eremu pribatura sartzeko eta dokumentuak digitalki sinatzeko aukera ematen dizuten datuak:

Hor sartzen da gure online kanaletan, BBVAren webgunean eta aplikazioan, kasu, dokumentuak sartu eta sinatzeko erabiltzen duzun kodea edo gakoa.

• Zure operatibari buruzko datuak:

Adibidez, beste banku batzuetatik agregaturik dituzun produktuen transferentziak eta mugimenduak. Zure datuen pribatutasuna eta segurtasuna bermatu nahi da.

• Datu ekonomikoak:

Azaldu diguzun jarduera ekonomikoarekin lotuta.

Zure datuak zureak dira eta zuk kontrolatzen dituzu. Zure datuekin ez dugu inoiz ezer egiten zuk horretarako baimenik eman ez baduzu, eta zure produktu eta zerbitzuei buruzko datuak eskura dituzu beti, bbva.es webguneko edo BBVA aplikazioko eremu pertsonalean, honetarako:

• Kontsultatzeko.
• Aldatzeko okerrak direnean.
• Zure datu pertsonalak ezaba daitezela eskatzeko, salbu eta zuri zerbitzua emateko araudi kontuengatik beharrezkoak direnean.
• Guri beste entitate batzuetan dituzun datuetara sartzeko baimena emateko.
• Zuk aurrez baimena emana diguzun xede baterako zure datuak erabil ez daitezela eskatzeko.
  

Datu pertsonalen tratamenduari buruzko guztia

Gainera, eskatzen badituzu, mezu elektronikoz fitxategi batean bidaliko dizkiguzu eman dizkiguzun datuak, baita BBVArekin duzun kontratu harremanaren ondorioz lortu ditugunak ere, beste entitate batera (eramangarritasun izenez ezagutzen denaz) eraman ahal izan ditzazun.

Zure datuak segurtasunez zaintzen ditugu, zure dirua duela 150 urte baino gehiagotik zaintzen dugun moduan. Horretarako, BBVAn bermatu egiten dizugu gure prozedurak, azpiegiturak eta segurtasun neurriak zure datu pertsonalak babes maila handienarekin zaintzera zuzentzen direla. Gainera, betiere begirune handienaz jokatzeko eskatzen diegu zure datuak tratatzen dituzten pertsonei, BBVAren enplegatuen jokabide kode autorregulatuak ezarritakoaren arabera. Araudia betetzeko konpromisoa gure bezeroekiko konpromisoa da.

Jakinarazten diguzun informazioaren bitartez, erabaki hobeak hartzen lagundu diezazukegu, lehenago ez zenuen informazioa emanda, kostu gehigarririk gabe eta erraz.