Boletín fiscal marzo 2025

Índice

Marzo 2025

O ano 2025 chegou con poucas novidades no ámbito da fiscalidade patrimonial; quizais a máis relevante foi a relativa ao incremento do tipo impositivo aplicable ao último tramo da escala de gravame da base do aforro que, desde o pasado 1 de xaneiro, se sitúa nun 30% (ata agora 28%).

Aínda que a subida de dous puntos porcentuais podería non parecer moi significativa, o certo é que nos últimos anos, aos poucos, foi incrementándose ata encontrarnos con este 30% que contrasta co tipo impositivo do 18% ao que se gravaban as rendas do aforro na redacción orixinaria da actual Lei do IRPF. 
Así mesmo, cómpre destacar como no Imposto sobre Sociedades se produciu o contrario respecto das empresas que poderiamos denominar de reducida dimensión, ao ver rebaixado o seu tipo impositivo, aínda que esta baixada de tipos non será inmediata, senón progresiva ao longo dos períodos impositivos de 2025 a 2029.

E moi importante, seguimos convivindo co gravame ao patrimonio, a través do Imposto sobre o Patrimonio e o Imposto de Solidariedade das Grandes Fortunas. Por iso, cabe lembrar a importancia de conter a xeración de rendas (a excepción das ganancias patrimoniais a máis dun ano), para poder reducir a cota destes impostos por aplicación do límite de tributación conxunta co IRPF. 

Jesús Muñoz García

Director de Planificación Patrimonial

Banca Privada do BBVA

A Lei 7/2024 incorpora algunhas modificacións fiscais de interese para a xestión de patrimonios, que afectan os tipos impositivos no IRPF e no Imposto sobre Sociedades.

Como novidades máis relevantes cómpre destacar, para os efectos do Imposto sobre o Patrimonio (IP), o establecemento, por parte das Comunidades Autónomas de Cantabria e A Rioxa, dun sistema de bonificacións sobre a cota do imposto, aplicable mentres estea vixente o Imposto Temporal de Solidariedade das Grandes Fortunas (ISGF), coa intención de que o importe correspondente a este imposto sexa recadado polas respectivas facendas autonómicas. Este réxime é similar ao xa establecido por outras comunidades como Madrid e Andalucía

Debido á gran cantidade de dúbidas que xurdiron especialmente en relación coa aplicación da redución do 40%, analizamos, a continuación, o tratamento fiscal no IRPF derivado do cobramento da prestación de Plans de Pensións polo suposto de liquidez de antigüidade das primas superior a 10 anos. Así mesmo, facemos tamén referencia ás recentes Sentenzas do Tribunal Supremo sobre a tributación no Imposto sobre o Patrimonio dos seguros de vida sen dereito de rescate.

Como vén sendo habitual, dedicamos este artigo a comentar algunhas cuestións relacionadas coa aplicación dos beneficios fiscais da empresa familiar que consideramos de especial interese.
A Comunidade de Madrid estableceu unha dedución sobre a cota do IRPF aplicable por contribuíntes que procedan do estranxeiro e establezan a súa residencia habitual nesta comunidade e invistan en determinados elementos patrimoniais.
Neste artigo imos tratar de delimitar cales son as circunstancias que teñen que producirse para que unha persoa física teña a súa residencia habitual en España, aspecto de vital importancia para determinar a forma de tributación pola obtención de rendas, a tributación pola mera tenza do patrimonio ou a adquisición de bens e dereitos por herdanza ou doazón.

Accede ao boletín completo do País Vasco

Para ter en conta:

O contido desta sección é simplemente informativo e non presupón asesoramento fiscal ou xurídico.