Cando é o mellor momento para investir en fondos de investimento?

Tes que saber que non hai unha resposta estándar para responder esta pregunta. Ademais das particularidades da situación de cada cliente, están as circunstancias propias do mercado. Un bo asesoramento serache de axuda para esclarecer as dúbidas. Nós propómosche o acompañamento personalizado do BBVA.

Canta rendibilidade me pode dar un fondo de investimento?

Ninguén ten unha bóla máxica, pero para comparar fondos de investimento podes usar o simulador do BBVA. O simulador ten en conta factores como o nivel de risco que escollas, o tempo que terías investido o diñeiro, canto diñeiro porías ao principio ou canto irías achegando co tempo. Proba a ir cambiando variables para ver distintos resultados. E lembra sempre que os resultados serán só unha simulación baseada nas rendibilidades pasadas dos fondos.

Cando asine ao final do proceso, que estarei aceptando?

Cando xa está todo listo para contratar o teu fondo de investimento, chega o momento de aceptar o contrato e a recomendación. Lembra que sempre podes contar connosco para che resolvermos as dúbidas que che puidesen xurdir.

E se contrato un fondo e máis tarde descubro outro que me interesa máis?

Non hai problema. Traspasar o diñeiro dun fondo a outro non ten custo fiscal nin comisións, así que síntete libre de mover o teu diñeiro entre fondos. Isto é tamén útil se contratas un fondo de investimento e por calquera motivo te equivocas ao elixilo.

Non teño experiencia en fondos de investimento, trátase dunha opción segura?

Deberás contar co risco como un factor máis nas túas decisións, pero non te preocupes se non tes experiencia. No BBVA sabemos que cada cliente ten as súas propias necesidades, por iso preparamos un acompañamento personalizado que asesora os clientes para escoller fondo de investimento.

Como podo facer un seguimento do investimento?

Sempre que queiras poderás entrar na túa app BBVA ou no web e consultar o estado do investimento. Alí tamén encontrarás a ficha e os datos de interese sobre o fondo. Ademais, irémosche enviando periodicamente seguimentos con toda a túa información actualizada.

E se me equivoco ao tomar a decisión de contratar un fondo?

O teu diñeiro non estará bloqueado. Sempre poderás sacalo do fondo no momento que queiras. Lembra tamén que canto mellor coñezas os fondos de investimento, máis seguridade terás na toma de decisións. E que sempre poderás contar co noso acompañamento.

Que fiscalidade teñen os fondos?

O partícipe dun fondo de investimento só tributa cando realiza o reembolso das participacións. Nese momento, xérase un rendemento positivo ou negativo, que para efectos fiscais ten a consideración de ganancia ou perda patrimonial e, como tal, debe integrarse na base impoñible do aforro do IRPF. Por outra parte, unha das grandes vantaxes fiscais dos fondos de investimento é que o traspaso entre fondos está exento de tributación. É dicir, se moves o teu investimento dun fondo a outro, non tes que pagar impostos polas ganancias obtidas ata ese momento (plusvalía latente).

BBVA Invest. Asesoramento e investimento

Acompañámoste na busca de fondos de investimento

Responde unhas preguntas sinxelas e en menos de 3 minutos proporémosche un ou varios fondos.

Recibe asesoramento gratuíto sen compromiso de contratación
Podes investir desde 30 €
Terás dispoñible o teu diñeiro en calquera momento, a prezos de mercado

Axudámosche a conseguir o teu obxectivo de investimento

Co BBVA Invest ofrecémosche de forma gratuíta e sen compromiso diferentes opcións de investimento.

Queres saber máis?

Abrir un fondo de investimento é unha boa solución para buscar rendibilidade dun diñeiro que teñas e non esteas a utilizar. Con el terás garantida unha xestión profesional e sinxela, e unha diversificación do teu investimento.

Acompañámoste na busca de fondos de investimento

Recibe asesoramento gratuíto sen compromiso de contratación

Podes investir desde 30 €

Terás dispoñible o teu diñeiro en calquera momento, a prezos de mercado