Oportunidades para un futuro máis verde

A mobilidade sostible refírese ao conxunto de medios e políticas relacionadas co desprazamento e o transporte de persoas e mercadorías con baixo custo enerxético e baixa repercusión ambiental. Aínda que é un concepto aplicable tamén aos grandes traxectos internacionais, é nas urbes onde adquire máis sentido, xa que é nelas onde comezan e acaban a gran maioría dos desprazamentos, tanto longos (como as viaxes a segundas residencias) como curtos (ida e volta ao traballo, repartición de mercadorías, urxencias médicas, lecer, etc.).

O termo mobilidade sostible engloba un conxunto de prácticas ideadas para facer fronte ás consecuencias negativas que, na saúde das persoas e do medio ambiente, produce o uso sen freo dos coches particulares que a diario se amontoan nas rúas dos núcleos urbanos, incrementando os niveis de gases de efecto invernadoiro (responsables do quecemento global) emitidos á atmosfera e reducindo a calidade do aire.

O uso de vehículos que fomentan a mobilidade sostible como coches, motos ou patinetes eléctricos teñen como principal obxectivo a redución das emisións de gases de efecto invernadoiro á atmosfera. Ademais, este tipo de vehículos axuda a minimizar o ruído das cidades, así como a desconxestionar as vías e os espazos públicos. Por último, no medio e no longo prazo tamén supoñen un aforro económico para as persoas. 

O elevado prezo dos carburantes supón un gasto elevado na economía de calquera persoa que utiliza un vehículo para desprazarse. Por este motivo, utilizar transportes públicos como o autobús ou o metro, ou vehículos eficientemente enerxéticos como coches, bicicletas, ou patinetes eléctricos, pode converterse nunha importante fonte de aforro.