Etorkizun berdeagoa baterako aukerak

Mugikortasun jasangarria da pertsonen joan-etorrietarako eta salgaien garraiorako gizarte, ingurumen eta energia aldetik kostu baxua duten bitartekoen, estrategien eta politiken multzoa da. Nazioarteko ibilbide handietarako aplikagarria bada ere, hirietan du zentzurik handien, bertan hasi eta amaitzen baitira joan-etorrirako desplazamendu gehienak, izan luzeak (bigarren etxebizitzetatik bueltan, adibidez), izan laburrak (lanerako joan-etorriak, salgaiak banatzea, larrialdi medikoak, aisialdia, etab).

Mugikortasun jasangarria terminoak egunero hiriguneetako kaleetan, atmosferara isurtzen diren berotegi-efektuko gasen (berotze globalaren erantzuleak dira) mailak areagotuz eta airearen kalitatea murriztuz, pilatzen diren auto partikularren mugarik gabeko erabilpenak pertsonen osasunean eta ingurumenean eragiten dituen ondorio negatiboei aurre egiteko asmatutako jardunbide multzoa biltzen du.

Mugikortasun jasangarria sustatzen duten ibilgailuen erabileraren helburu nagusia, hala nola, autoena, motorrena edo patinete elektrikoena, atmosferara berotegi efektuko gasen isurketak murriztea da. Horrez gainera, ibilgailu mota horiek hirietako zarata gutxitzen eta espazio publikoetako zirkulazioa arintzen laguntzen dute. Azkenik, epe ertain eta luzera begira pertsonentzat ere aurrezki ekonomikoa dakar. 

Erregaiaren prezio altuak kostu ez nolanahikoa dakar joan-etorrietarako ibilgailua erabiltzen duen edonoren ekonomiarentzat. Horrenbestez, autobusa edo metroa bezalako garraio publikoa edo eraginkortasun energetiko handiko ibilgailuak, hala nola, autoak, bizikletak edo patinete elektrikoak, erabiltzea aurrezteko iturri garrantzitsua bihur daiteke.