Observa con atención o remitente dos correos electrónicos e non descargues arquivos anexos nin premas en ligazóns se che resultan sospeitosos ou non os estabas esperando. Extrema aínda máis a precaución se as instrucións e procedementos destes correos non son os habituais.

Presta atención ante instrucións de pagamento por correo electrónico, especialmente aquelas que conteñen novos bancos beneficiarios ou números de conta. Confirma calquera cambio contactando co remitente por outra canle antes de executar o pagamento.

As claves de acceso e códigos de sinatura de operacións son secretos e intransferibles. Non os compartas a través de ningunha canle. O BBVA nunca te chamará para solicitar esta información nin cha pedirá mediante mensaxes SMS con ligazóns ou correos electrónicos.

Mantén sempre actualizados o navegador, as aplicacións e o sistema operativo dos dispositivos; instala e mantén en funcionamento e actualizados un antivirus e un antimalware; e descarga sempre as aplicacións desde os mercados ou repositorios oficiais.

Por último, é moi importante levar a cabo un programa de concienciación dos empregados en materia de ciberseguridade, así como difundir e reforzar unha cultura de seguridade entre eles.