Biometría
O sistema de protección máis seguro para accederes á túa conta e asinares as operacións
Que é e como funciona a biometría?
A biometría é a tecnoloxía de identificación e autenticación, baseada nos datos biométricos das persoas, a impresión dixital, o rostro ou o iris, como sistema de protección.
Con ela, poderás acceder ás túas contas e operar rapidamente sen ter que lembrar contrasinais nin recibir claves por SMS con códigos de confirmación ou autorización.
É o método máis fiable e avanzado que podes utilizar para asinar algunhas operacións, como abrir unha conta, comprar por Internet, consultar as tarxetas… e que poderás activar ou desactivar cando queiras desde a app.
Activa o acceso e a sinatura con biometría
Para poderes usar a túa biometría na app do BBVA, primeiro debes rexistrala no móbil ou tableta e despois activar o teu acceso biométrico.
Podes activar o acceso dentro da app, no apartado de ‘Seguridade e privacidade’ e dentro de ‘Métodos de acceso’. Ao facelo, chegarache unha SMS de confirmación que deberás utilizar.
Cando actives o acceso, poderás acceder á app coa túa impresión dixital, mirada ou rostro, segundo o sistema operativo iOS ou Android que teñas, e tamén activar a sinatura con biometría para asinares as operacións de forma rápida e segura.
Lembra que se desactivas o acceso biométrico na app, tamén se che desactivará a sinatura biométrica.