Premer enter
Suxestións

    Día dos Reis Magos

    Que se celebra o Día dos Reis Magos?

    Coñecido tamén como o ‘Día da Epifanía’, o Día dos Reis Magos é unha festividade de carácter relixioso en que se celebra a chegada de Melchor, Gaspar e Baltasar ao portal de Belén, tras unha longa viaxe desde terras moi afastadas seguindo a coñecida como ‘Estrela de Belén’, para entregarlle a Xesús tres obsequios: ouro, incenso e mirra. 

    Cando é o día dos Reis Magos?

    Aínda que no calendario vén marcado o 6 de xaneiro como o ‘Día dos Reis Magos’ (oficialmente), as celebracións adoitan comezar antes. Xa na tarde do 5 de xaneiro, tanto nas grandes cidades coma nas vilas, póñense en marcha as cabalgatas típicas desta data, que dan paso á esperada ‘Noite dos Reis Magos’, moi popular entre os máis pequenos xa que, como manda a tradición, os Reis Magos de Oriente deixan, baixo a Árbore do Nadal, os agasallos que lles solicitaron nas súas cartas. 

    Carta aos Reis Magos

    ‘Agasallos’ e ‘Día dos Reis Magos’ sempre foron da man. Desde os inicios da historia. Porén, o paso do tempo fixo que o concepto inicial evolucionase (sen perder a súa esencia), facendo que esta festividade forme parte, na actualidade, do período comercial máis coñecido do ano: o Nadal. Este caracterízase por xerar un aumento considerable no volume de compras por parte dos consumidores, que tratan de mercar os agasallos que, como manda a tradición, cada un escribe na súa “carta aos Reis Magos”.

    Cal é o nome dos tres Reis Magos?

    Os Reis Magos son 3: 

    • Melchor: representaba os europeos. Chegou ao portal de Belén con ouro para o Neno Xesús. 
    • Gaspar: representaba os asiáticos. Chegou ao portal de Belén con incenso para o Neno Xesús. 
    • Baltasar: representaba os africanos. Chegou ao portal de Belén con mirra para o Neno Xesús. 

    Estes nomes, os dos Reis Magos, apareceron por primeira vez no mosaico de San Apolinar o Novo (en Rávena), no século VI d. C.

    Como podo financiar as miñas compras do Día dos Reis Magos?

    Para facilitar a compra dos agasallos para o Día dos Reis Magos, o BBVA pon a disposición dos seus clientes diferentes opcións de financiamento, entre as que se atopan o Préstamo Personal Online ou, tamén, o Préstamo Rápido Online para novos clientes, que o podes solicitar desde bbva.es ou a app do BBVA sen entregar ningunha documentación, obtendo unha resposta nun prazo aproximado de 8 horas laborables.

    Necesitas máis información?