Exemplo completo de contratación dun CFD sobre accións

Imaxinemos que compramos 500 contratos de CFD sobre accións dun emisor que negocia a 11,27 / 11,28 (spread 0,01 €). A marxe que teremos que depositar, por tratarse de CFD sobre accións, será dun 20 %. Polo tanto, a marxe que haberá que desembolsar será a seguinte:

11,28 x 500 = 5.640 x 20 % = 1.128 €

Unha vez comprados os 500 CFD a 11,28 €, obteremos ganancias ou perdas en función do movemento do prezo no mercado. Por exemplo:

• Operación con beneficio:

Se o prezo de negociación do CFD sobe a 11,60 / 11,61, e decidimos pechar a nosa posición, o resultado será o seguinte:

(11,60 x 500) – (11,28 x 500) = [5.805 – 5.640 = 165 €]

No caso dos CFD sobre accións cóbrase unha comisión de compravenda de 6 €, tanto na compra como na venda, e polo tanto o beneficio neto da operación será de 153 €, o que supón unha rendibilidade do 13,56 %.

• Operación con perda:

Se, polo contrario, o prezo de negociación do CFD baixa a 10,90 / 10,91, o resultado será o seguinte:

(10,90 x 500) – (11,28 x 500) = 5.450 – 5.640 = -190 €. Engadindo as comisións de compra e de venda, a perda neta total será de -202 EUR, o que supón unha rendibilidade do -17,90 %.

• Custo de financiamento nocturno:

Posición longa: Nocional x (2,5 % + Tipo de referencia%) / 365

O tipo de referencia neste caso é o euríbor 1M.

Aplicamos a fórmula para a toma de posicións longas: 5.640 x [2,5 % + (-0,54 %)] / 365 = 0,30 €/día.