A Autoridade Europea de Valores e Mercados (ESMA, polas súas siglas en inglés) indica no seu artigo "Fund portfolio networks: a climate risk perspective” que existen dous tipos de investimentos:

Os “investimentos verde escuro” xeran un impacto no planeta e a sostibilidade porque dedican a activos sostibles a máxima porcentaxe permitida pola normativa. Son os investimentos que cumpren co artigo 9 do Regulamento (EU) 2019/2088.

Os “investimentos verde claro” promoven a sostibilidade porque inclúen unha porcentaxe de activos sostibles. Estes investimentos son os que cumpren co artigo 8 do Regulamento (EU) 2019/2088.

A través dos nosos servizos de asesoramento ou de xestión discrecional de carteiras, preguntámosche cales son as túas preferencias de sostibilidade para recomendarche unha solución, axudarte a decidir e negociar por ti un produto que mellor se adapte a elas.