Apoiamos o teu compromiso coa protección do medio ambiente

O quecemento global é o resultado do aumento do efecto invernadoiro, un proceso no que a radiación térmica emitida pola Terra queda atrapada na atmosfera debido aos gases con ese efecto (GEI). Este proceso é natural e necesario para manter a temperatura do planeta nuns valores habitables. No entanto, as emisións de gases como o metano ou o óxido nitroso disparáronse en comparación coa era preindustrial, aumentando este efecto de retención da calor e provocando o aumento da temperatura en todo o planeta.

Existen diferentes formas de contribuír ao uso racional dos recursos e á protección dos ecosistemas, conseguindo ao mesmo tempo un aforro económico. Estes son algúns exemplos:

• Desprazamentos en medios de transporte público (autobús, metro). 
• Uso de vehículos híbridos e eléctricos (coches, bicicletas e patinetes).
• Uso de electrodomésticos enerxeticamente eficientes. 
• Instalación de sistemas de illamento térmico en fogares.
• Uso de sistemas de iluminación con tecnoloxía LED.
• Uso de calefacción e auga quente por condensación ou biomasa e bombas de calor eficientes. 
• Instalación de sistemas de automatización de acendido e apagado eléctrico e de equipamentos de detección de presenza para conectar iluminación.
• Utilización de paneis solares para o autoconsumo. 

O aumento da temperatura global provocado polo exceso de emisións de CO₂ á atmosfera ten efectos moi negativos sobre o planeta, como a diminución dos casquetes polares, o aumento do nivel do mar, a alteración nos ecosistemas mariños e terrestres, vagas de calor cada vez máis frecuentes, incendios devastadores, ciclóns tropicais, inundacións, secas… Estes fenómenos están a provocar un grande impacto no medio ambiente e no desenvolvemento socioeconómico.

Estímase que, no medio prazo, o cambio climático afectará negativamente ás actividades de lecer, ao turismo e ao patrimonio cultural das rexións ameazadas. O aumento de fenómenos extremos provocará a diminución da dispoñibilidade e da calidade de auga en determinadas rexións, con repercusións na saúde dos seus habitantes e en sectores como o agrícola ou o hidroeléctrico que, en consecuencia, irán desencadeando as xa coñecidas como ‘migracións climáticas’.

O BBVA forma parte dos principais acordos internacionais relacionados co medio ambiente, como a Iniciativa Financeira do Programa das Nacións Unidas para o Medio Ambiente, o Pacto Mundial das Nacións Unidas ou os Green Bonds. 

Ademais, tamén forma parte do Grupo Español para o Crecemento Verde e apoiou varias iniciativas sectoriais en apoio a unha resposta ao cambio climático. 

Por último, creou o Plan Global de Ecoeficiencia 2020, que ten como obxectivo posicionar o banco entre as entidades líderes neste ámbito a escala mundial. Para conseguilo, traballa en dúas liñas estratéxicas: o uso de enerxías limpas e a redución das emisións indirectas de gases de efecto invernadoiro.

O Goberno de España recolle en máis de 20 leis as súas políticas para a protección do medio ambiente. Entre elas, destacan as seguintes:

• Lei 42/2007 do patrimonio natural e da biodiversidade.
• Lei 30/2014 de parques nacionais.
• Lei 26/2007 de responsabilidade medioambiental.
• Real decreto 630/2013 de especies exóticas invasoras.
• Lei 41/2010 de protección do medio mariño.

Os causantes da degradación da capa de ozono da Terra son os CFC ou clorofluorocarbonos. Trátase de elementos químicos que se liberan durante o proceso de elaboración de produtos como os aerosois, o líquido refrixerante de aires acondicionados ou os disolventes. A descomposición destes produtos libera partículas de CFC que, ao chegaren á estratosfera, separan as moléculas de ozono e xeran este buraco.