Warrant

Un warrant é unha opción representada por un valor (con cotización oficial nunha bolsa de valores, como as accións), que outorga ao seu propietario o dereito, pero non a obriga, a comprar (warrant call) ou vender (warrant put), unha cantidade (ratio) dun activo (accións, por exemplo) a un prezo predeterminado (strike) e durante un período ou nunha data definidos de antemán, logo do pagamento dunha prima. O valor (prima) do warrant oscila segundo se modifican as variables que afectan á formación deste: cotización do activo subxacente, volatilidade implícita, tempo que resta ao vencemento, etc.

Tipos de warrants:

• Warrant americano: warrant exercible a discreción do seu propietario, en calquera momento desde a súa adquisición ata a súa data do vencemento.
• Warrant europeo: warrant exercible polo seu propietario unicamente na súa data do vencemento.