Warranta

Balore burtsan kotizazio ofiziala duen balore batek (adibidez, akzioak) ordezkatutako aukera bat da warranta. Horrek jabeari aktibo baten (akzioak, adibidez) kopuru bat (ratioa) erosteko (warrant call) edo saltzeko (warrant put) eskubidea ematen dio (horretara behartu gabe), aurretik zehaztutako prezio batean (strike) eta aldez aurretik definitutako aldi batez edo data batean, prima bat ordaindu ondoren. Warrantaren balioa (prima) aldatu egiten da hura osatzen duten aldagaiak aldatu ahala: azpiko aktiboaren kotizazioa, hegakortasun inplizitua, mugaegunera arte falta den denbora, etab.

Warrant motak:

• Warrant amerikarra: jabeak nahierara eta edonoiz (erosten duenetik mugaeguneratzen den arte) balia dezakeen warranta.
• Warrant europarra: jabeak mugaeguneratzen den datan soilik balia dezakeen warranta.