OMC

A Organización Mundial do Comercio (OMC) é a organización internacional que se encarga de dar forma ás normas comerciais entre países. A OMC foi fundada o 1 de xaneiro de 1995. En novembro de 2015, 188 países forman parte da organización.

Os acordos da OMC son negociados e asinados pola maioría dos países que teñen actividade no comercio mundial. Estes acordos crean as normas xurídicas básicas do comercio internacional, que obrigan os gobernos a que as súas políticas comerciais estean baixo os límites que marca a OMC.

O obxectivo da Organización Mundial do Comercio é facilitar a produción de bens e servizos, así como as exportacións e importacións. A OMC vela para que non se produzan efectos secundarios non desexados, procurando o desenvolvemento económico e o benestar.

Funcións da OMC:

• Negociacións comerciais.
• Aplicación das leis e vixilancia.
• Solución de diferenzas.
• Creación de capacidade comercial.
• Proxección exterior.

Principios da OMC:

• Non discriminación.
• Diminución de obstáculos.
• Ser previsible e transparente.
• Ser máis competitivo.
• Ser máis beneficioso para os países en desenvolvemento.
• Protexer o medio ambiente.