MMA

MMA (Munduko Merkataritza Antolakundea) nazioarteko erakundea da eta herrialdeen arteko merkataritza arauak eratzeaz arduratzen da. 1995eko urtarrilaren 1ean sortu zen MMA. 2015eko azaroan, 188 herrialdek osatzen dute erakundea.

MMAren akordioak munduko merkataritzan diharduten herrialde gehienek negoziatzen eta sinatzen dituzte. Akordio horietan oinarrituta sortzen dira nazioarteko merkataritzaren oinarrizko arau juridikoak; arau horien bidez, politika komertzialak MMAren mugen barruan izatera behartzen ditu gobernuak.

Munduko Merkataritza Antolakundearen helburua da ondasunak eta zerbitzuak ekoiztea, baita esportazioak eta inportazioak egitea ere. MMAk nahi ez diren bigarren mailako ondorioak ez gertatzea zaintzen du, eta garapen ekonomikoa eta ongizatea lortzen saiatzen da.

MMAren funtzioak:

• Negoziazio komertzialak egitea.
• Legeak eta zaintza aplikatzea.
• Desadostasunak konpontzea.
• Gaitasun komertziala sortzea.
• Kanpoan ezagutaraztea.

MMAren printzipioak:

• Diskriminaziorik ez egotea.
• Oztopoak murriztea.
• Aurreikusteko modukoa eta gardena izatea.
• Lehiakorragoa izatea.
• Garapen bidean dauden herrialdeetarako onuragarriagoa izatea.
• Ingurumena babestea.