G8 (Grupo dos 8)

O G8 ou Grupo dos 8 é unha cimeira en que os xefes de Estado ou de Goberno de 8 países se reúnen para tratar os principais problemas económicos e políticos da comunidade internacional.

O G8 preocúpase da xestión macroeconómica, o comercio internacional e as relacións entre países en desenvolvemento. Outras cuestións como enerxía, terrorismo, seguridade, emprego ou dereitos humanos tamén toman protagonismo no G8 nos últimos anos.

Nos seus inicios, no 1975, creouse como G6 por parte de Alemaña, Estados Unidos, Francia, Gran Bretaña, Italia e o Xapón. No 1976, Canadá entrou na cimeira formando o G7. En 1998 uniuse Rusia, o que deu lugar ao G8.