G8 (8en taldea)

G8 edo 8en taldea zortzi herrialdetako estatuburuak edo gobernuburuak biltzen dituen gailurra da. Bertan, nazioarteko arazo ekonomiko eta politiko nagusiak aztertzen dituzte.

G8 taldea kudeaketa makroekonomikoaz, nazioarteko merkataritzaz eta garapen bidean dauden herrialdeen arteko harremanez arduratzen da. Azken urteotan, beste zenbait gai ere aztertu dira, besteak beste, energia, terrorismoa, segurtasuna, enplegua eta giza eskubideak.

Hasieran, 1975ean, G6 izan zen, sei herrialdek osatzen baitzuten: Alemania, Ameriketako Estatu Batuak, Frantzia, Erresuma Batua, Italia eta Japonia. 1976an, Kanada ere sartu zen gailurrean, eta G7 izena jarri zioten taldeari. 1998an, Errusiak bat egin zuen, eta G8a sortu zen.