FMI (Fondo Monetario Internacional)

O Fondo Monetario Internacional (FMI) é un organismo intergobernamental creado en 1945 co obxectivo de fomentar a cooperación monetaria internacional, facilitar a expansión e o crecemento equilibrado do comercio internacional, fomentar a estabilidade cambiaria e coadxuvar a establecer un sistema multilateral de pagamentos.

Na actualidade, o FMI asesora e revisa as políticas económicas dos seus 188 países membros. Para iso, recomenda políticas que melloren a estabilidade económica, diminúan a vulnerabilidade a crises económicas e financeiras e melloren os niveis de vida da poboación.