Nola funtzionatzen duen arrisku orotarako aseguru frankiziadunak

Ezagutu estaldura interesgarri baten eta prezio bikain baten arteko konbinazio ezin hobea
Autoa aseguratzerakoan, aukera bat baino gehiago duzu; besteak beste, hirugarrenen oinarrizko asegurua eta arrisku orotarako aseguru osatuagoa (frankiziaduna nahiz frankiziarik gabea). Eta, aseguru egokiena aukeratzeko, hainbat faktore hartu behar dituzu kontuan: adibidez, ibilgailuaren antzinatasuna eta ematen zaion erabilera. Ez da gauza bera kontzesionariotik atera berria den ibilgailu berri bat aseguratzea edo 10 urteko ibilgailu bat aseguratzea; ezta lanera edo ikastera joateko egunero erabiltzen dugun ibilgailu bat aseguratzea edo asteburuetan soilik erabiltzen dugun ibilgailu bat aseguratzea ere. Ustekabekoren bat izateko aukerak ez dira berberak egoera horietan guztietan. Hori dela eta, ezinbestekoa da zure beharretara ongien egokitzen den aseguru modalitatea aukeratzea. Helburu hori lortzeko, primerako aukera izan daiteke arrisku orotarako aseguru frankiziaduna izatea, berme eta prezio arteko konbinazio ezin hobea baita. Zertan datza? Artikulu honetan, xehetasun guztiak azalduko dizkizu BBVAk.
Banner nagusi Seguru BBVA Banner nagusi Seguru BBVA
Ezagutu BBVA aseguruak
Gehien baloratzen duzunak babesik hoberena merezi du.
Zirkulatzeko nahitaezkoa izateaz gain, autoaren asegurua gure egoera pertsonalerako egokia izan behar da, eta gure ustez garrantzitsuak diren gertaera guztiak estali behar ditu. Hala ere, horrek ez du esan nahi produktu on bat prezio lehiakor batean lortu ezin dugunik. Horren erakusgarri arrisku orotarako aseguru frankiziaduna dugu, aseguru merkeagoa baina estaldura berberekoa nahi dutenentzat pentsatua.

Zer da frankizia eta nola funtzionatzen du?

Bezeroak eta aseguru konpainiak poliza kontratatzean hitzartutako zenbateko jakin bat da frankizia, eta ezbeharrik bada bezeroak berak ordaindu beharreko kopurua zehazteko erabiltzen da. Hau da, ezbehar baten kostuak aseguratuak edo aseguratzaileak ordaindu behar dituen erabakitzen duen muga finkoa da.

Kontzeptu hori errazago ulertzen da adibide batekin. Demagun arrisku orotarako aseguru frankiziadun bat duzula eta frankizia hori 250 €-koa dela. Tamalez, garajean zeundela, autoa mailatu duzu. Kasu honetan, gorabehera arina denez, xafla konpontzea 150 € kostako litzateke. Zenbateko hori frankiziarena baino txikiagoa denez, partea emanez gero, zeuk ordaindu behar zenuke konponketa, eta ez aseguratzaileak. Aldiz, ezbeharra konpontzea 250 € baino gehiago kostako balitz (adibidez, 600 €), 250 € horiek zeuk ordaindu behar zenituzke, eta gainerakoa (350 €), aseguratzaileak.

Zer ezaugarri dituen ikusirik, aseguru merkeagoa da; izan ere, arrisku gutxiago ditu aseguratzailearentzat eta, ondorioz, prezio baxuagoa eskaintzen du. Horregatik, nahiz eta teknikoki arrisku orotarako aseguru bati buruz ari garen, era horretako polizen estaldura berbera duelako, berme hori frankiziaren mugarekin eskaintzen da ezbeharren kostuei aurre egiteko.

Zer estaldura dituzte era honetako aseguruek?

Gogoan izan beharreko beste datu bat da nork hartuko duen ezbeharraren erantzukizuna. Ezbeharraren errudun izan bagara soilik aplikatzen da frankizia, baina kaltea hirugarren batek eragin badu, ez da aplikatuko. Era berean, ezbeharra gure errua izan bada eta hirugarren bat badago tartean, gure aseguruak hirugarren horrekin lotutako erantzukizun zibila estaliko du, eta gure kalteei soilik aplikatuko zaie frankizia.

Gainera, ez dugu ahaztu behar mota desberdinetako frankiziak daudela. Oro har, 150 € eta 1.200 € artean daude, nahiz eta hori ere aseguratzaile bakoitzaren eskaintzaren eta geure gain hartu nahi dugun arrisku motaren arabera egongo den.

Banner zentral Seguru BBVA Banner zentral Seguru BBVA
Ezagutu gure aseguruak
Eta aukeratu zure beharretara hoberen egokitzen dena.

Nori gomendatuko genioke aukera hau?

Ikus daitekeen bezala, autoaren asegurua produktu pertsonalizatua da benetan, eta gidari bakoitzaren arabera ezaugarri batzuk edo bestelako batzuk izango ditu; hortaz, arrisku orotarako aseguru frankiziadunerako profil egokienak ere erlatiboak dira. Hala ere, oro har jar daitezke zenbait parametro hura kontratatu ala ez ebaluatzerakoan.

Zalantzarik gabe, aukera ona izan daiteke ezbeharrik izaten ez dutenentzat, istripuak aurreikusi ezin badira ere, aukera gutxiago baitituzte frankiziak ezarritako kostuak ordaindu behar izateko ezbehar arinak gertatzen direnean (adibidez, maniobrak egiterakoan edo autoa uzterakoan karrozeria karrakatzea). Hori bai, historia ona duten gidari trebeek errentagarriena zer den baloratu behar dute: poliza frankiziadunarekin aurreztea edo frankiziarik gabeko arrisku orotarako aseguru baten hobariak jasotzea.

Eta kontrakoa bada? Frankizia ez da gomendagarria ezbeharrak maiz samar izaten dituzten gidarientzat, logikoa denez, konponketa txikietan gasta baitezakete polizan aurrezten dutena, konponketa horien kostua frankiziak ezarritako mugaren azpitik badago.

BBVAren auto asegurua

Zure autoarentzat asegurua kontratatu nahi baduzu, sartu bbva.es helbidean eta ezagutu zenbat aukera eskaintzen dizkizun BBVAk. Gidari gisa dituzun hobariak errespetatzeaz gain, errepideko laguntza zerbitzua ere izango duzu (50 minutuan edo gutxiagoan garabia edo tailer-autoa bertan izatea), edo erantzukizun zibila, oinezko edo txirrindulari gisa.

Gainera, auto asegurua BBVArekin kontratatzen baduzu, BBVA Seguro Coche Asistencia aplikazioaz ere gozatuko duzu, eskura dituzun zerbitzu guztiak klik bakarrean kudeatu ahal izateko. Bidaiatu lasai eta kezkatu errepideaz soilik.

ERREPIDE Seguru BBVA ERREPIDE Seguru BBVA
Seguru - Ere ahal izango luke interesarte Seguru - Ere ahal izango luke interesarte

Honek ere interesatu zaitzake

  • Biziarteko errenta aseguruaren ezaugarriak azalduko dizkizugu, baita haren abantailak ere.
  • Besteei eragindako kalteak konpontzeko betebeharra duzunez, baliteke erantzukizun zibileko asegurua beharrezkoa izatea.
  • Haren funtzionamendua eta gakoak azalduko dizkizugu, baita zure beharretara ongien egokitzen dena identifikatzeko modua ere.
Seguru - Tresna Seguru - Tresna

Tresna de seguru

  • Atera zeure adibidea egun dituzun aseguruekin eta jakin ezazu zenbat aurrez dezakezun BBVA EstarSeguro planean sartzea erabakitzen baduzu.