Inbertsio-funtsen arrisku nagusiak

Ezagutu aurre egin beharreko arriskuak funts batean inbertitzerakoan.
Finantza-krisi orokorra hasi eta ondorengo urteetan, inbertitzaile eta aurrezle askok beldurra zioten arriskuari eta finantza-merkatuen ezegonkortasunari. Behin krisia igarotzean, inbertitzaile askok ikasi zuten epe luzerako aurrezkiari errentagarritasuna behar bezala ateratzeko, beharrezkoa zela modu kontrolatuan arriskuak hartzea. Ondorioz, inbertsioek susperraldi prozesu motela baino finkatua hasi zuten. Izan ere, Espainian ikusi denaren arabera, arrisku handiko produktuetan (inbertsio-funtsak, adibidez) inbertitzen duten aurreztaileen proportzioa handitu da azken sei urteetan, produktu seguruagoen edo errentagarritasun txikiagokoen kalterako (banku-gordailuak, esaterako), horiek duten interes-tasa txikia dela eta. Artikulu honetan kontatzen dizugu inbertsio-funtsen arriskuei buruz jakin beharreko guztia.
Banner nagusi kalkulatzen errentagarritasun Banner nagusi kalkulatzen errentagarritasun
Ateratzen alderdi zure dirura
Aukeratu zure beharretara ongien egokitzen den inbertsio funtsa.

Inbertsio-funts baten arriskuak ulertzeko kontzeptu garrantzitsuak

Inbertsio-funts baten arriskua zehazterakoan, beharrezkoa da arriskua zehazten duten zenbait kontzeptu menperatzea. Hauek dira: hegakortasuna, iraupen-epea eta funtsaren inbertsio-politika.

  • Hegakortasuna: aktibo baten balio likidagarriak izandako bariazio historikoei dagokio kontzeptu hori; hau da, batez bestean orain arte zenbat aldatu den. Honela, aktiboak hegakortasun handia badu, arriskua handiagoa izango da, dirua itzultzerakoan galera edo irabazi handiak egon daitezkeelako.
  • Iraupena: kontzeptu honen bidez, aktiboaren balioak nola aldatzen diren azaltzen da, interes-tasen aldaketen arabera. Tasak igotzean, errenta finkoko aktiboen prezioa jaisten da. Zenbat eta luzeago, orduan eta handiago izango da moten bariazioaren eragina aktiboaren prezioan.
  • Inbertsio-politika: funtsa batean harpidetzerakoan, kontuan hartu beharreko beste alderdi bat da inbertsio-politika; hau da, funtsaren inbertsio-estrategiak, baita zein aktibo motetan inbertitzen duen ere. Funtsaren inbertsio-politika da gehieneko eta gutxieneko arriskuari buruz informazioa emango diguna. Gainera, gomendagarria da funtsaren azken txostenak eskura izatea, zorroaren osaera nolakoa den jakiteko.

Bestalde, beste zenbait faktorek eragina dute inbertsio-funts batek duen arrisku-mailan. Horietako bat da herrialdearekiko arriskua: garapen bidean dauden herrialdeetako inbertsioak arriskutsuagoak dira, herrialdeak duen ezegonkortasun ekonomikoa, soziala eta politikoa dela eta. Gainera, euroa ez den beste dibisetan dauden aktiboetan inbertitzeak beste arrisku bat gehitzen du, truke-tasaren aldaketekin erlazionatua.

Inbertsio-funtsen motak eta dituzten arriskuak

Oro har, inbertsio-funtsen arriskua funts motaren araberakoa da. Honela, arrisku txikienetik handienera, hauek dira inbertsio-funtsa motak:

  • Funts monetarioak: funts mota hau da arrisku gutxien duena eta likidezia eta kreditu-kalitate handiko aktiboez osatuta dago, hala nola Altxorraren letrak. Balioa epe laburreko interes-tasekin aldatzen da. Ondorioz, arriskua baxua da.
  • Errenta finkoa: errenta finkoko aktiboez osatutako funtsak (gobernuek eta enpresek jaulkitako bonuak, adibidez) arrisku txikien duten bigarren funtsa motak dira, balioa epe ertainerako eta luzerako interes-tasaren araberakoak direlako, baita horien igorleen ratinga ere. Dena den, kategoria oso zabala da, arrisku handia duten errenta finkoko funtsak baitaude; esaterako, high yield funtsetan inbertitzen dutenak.
  • Funts mistoak: funts mistoak dira errenta finkoko zein errenta aldakorreko aktiboak dituztenak. Zorroan funts bakoitzak duen kopuruaren araberakoa izango da arriskua.
  • Errenta aldakorra: funts hauek errenta aldakorreko aktiboez osatuta daude; esaterako, burtsan kotizatzen duten enpresen akzioak. Akzioen balioa merkatuen epe laburrerako hegakortasunaren araberakoa denez, funts horiek dira arriskutsuenak.
Banner zentral Banner zentral
Funtsen bilatzailea
Ezagutu BBVAren inbertsio funtsen katalogoa.

Amaitzeko, bermatutako funtsak ere badaude. Kasu berezia dira, arriskua oso txikia baita. Funts mota hauek inbertitutako kapitala berreskuratuko dutela bermatzen diete inbertitzaileei. Gainera, zenbait kasuetan errentagarritasun gehiago eskaintzen du, baldin eta bermearen epemugaraino itxaroten bada.

Laburbiltzeko, inbertsio-funts mota asko daude eta bakoitzak bere arrisku-maila du. Gainera, pertsona bakoitzak inbertitzaile-profil ezberdina du, arriskuarekiko tolerantzia batekin. Ondorioz, BBVA Asset Management zerbitzuan inbertsio-funtsen sorta zabala eskaintzen dugu, profil guztietarako. Bisitatu bbva.es edo joan edozein bulego informazio gehiago lortzeko.

ERREPIDE subhome hondo ERREPIDE subhome hondo
Inbertsio funtsa - Ere ahal izango luke interesarte Inbertsio funtsa - Ere ahal izango luke interesarte

Honek ere interesatu zaitzake

  • Ikasi zer ezaugarri eta tipologia dituen eta nola deskribatzen den finantza aktibo gisa ezagutzen dena.
  • Inbertsio funtsek nola funtzionatzen duten, eta zure dirua inbertitzeko jakin beharrekoa azaltzen dizugu.
  • Arrisku txikia eta aurrez ezaguna den errentagarritasuna dira errenta finkoko inbertsioaren bi ezaugarri.
Inbertsio funtsa - Tresna Inbertsio funtsa - Tresna

Inbertsio funtsei buruzko tresnak

  • BBVAren inbertsio-funtsen simulatzaileak aurrezkiekin lor dezakezun errentagarritasuna jakinarazten dizu.
  • Ez dakizu zer inbertsio-funtsa egokitzen den hobekien zure beharretara? Gure alderatzaileak erabaki onena hartzen lagunduko dizu.
  • Aurkitu inbertsio-funts onena aurrezkiak inbertitzeko eta hasi zure dirua errentagarri egiten.
  • Kalkulatu zure errentagarritasuna modu azkar eta errazean eskuragarri duzun kalkulagailuarekin.