27 de setembro

Día Mundial do Turismo

Que se celebra o Día Mundial do Turismo?

O Día Mundial do Turismo é un evento organizado pola OMT (Organización Mundial do Turismo das Nacións Unidas) co obxectivo de dar a coñecer ao mundo o papel do turismo, así como o seu impacto, a nivel social, cultural, político e económico. Aínda que a súa celebración se estableceu en 1979 na cidade de Torremolinos (España), tivo lugar por primeira vez en 1980 cunha única temática: "A contribución do turismo á conservación do patrimonio cultural, a paz e o entendemento mutuo". Desde aquela, cada edición réxese por un tema en concreto que elixe, previamente, a asemblea da OMT.

Cando se celebra o Día Mundial do Turismo?

O Día Mundial do Turismo celébrase, cada ano e desde 1979, o 27 de setembro. Elixiuse esta data por coincidir cun dos acontecementos máis importantes para o turismo mundial: a aprobación dos Estatutos da OMT (en 1970).

Que supón o turismo para España?

O turismo é o motor económico de España. Con base nos datos obtidos en 2019 por Hosteltur, o impacto deste sector no PIB español é do 14,6 %, o que se traduce nunha achega superior aos 175.000 millóns de euros e a xeración de 2,8 millóns de postos de traballo. O seu crecemento medio, de 2010 a 2018, foi do 3,38 %, e espérase que tras a pandemia (pasou a representar o 5 % en 2020) vaia recuperando o seu papel protagonista nos próximos anos.

Que tipo de turismo pode facerse en España?

Son varios os tipos de turismo que poden facerse en España:

  • Turismo de sol e praia: o bo clima, sobre todo nos meses do verán, fai que os destinos de costa (como Valencia, Alacant, Málaga ou Barcelona) sexan dos máis escollidos polos turistas para pasaren as vacacións.
  • Turismo rural: destinado para aqueles que, durante os días de descanso, prefiren un ambiente máis tranquilo e relaxado. Galicia, Asturias ou Cantabria son algúns puntos da nosa xeografía que visitar se se é amante deste tipo de turismo.
  • Turismo de interior: é o practicado por aqueles que, en lugar de iren coñecer o máis destacado doutros países, deciden descubrir os recunchos máis belos do seu.
  • Turismo sostible: é aquel no que se realiza calquera actividade tratando de impactar o mínimo no medio ambiente e na cultura local.

Xunto a estes, existen outros tipos de turismo como o gastronómico, que permite saborear os manxares máis exquisitos; o enoturismo, para os amantes do viño; ou o de aventura, para as persoas que son moi activas e gozan do deporte na súa máxima expresión.

Se queres financiar as túas viaxes polo mundo, simula o teu préstamo

Necesitas máis información?

Non. Os préstamos rápidos sen papeis están pensados para as persoas que actualmente non dispoñen dunha conta no BBVA. Pero lembra que, se queres beneficiarte dun 1 % de redución no tipo de xuro, deberás abrir unha conta no BBVA e domiciliar a túa nómina ou pensión durante toda a duración do crédito rápido.

Outras datas importantes

  • O Día da Hispanidade conmemora a chegada de Cristovo Colón a illa de Guanahani, feito que se coñece como "o descubrimento de América" e que serviu de primeiro contacto entre Europa e América. 
  • O Día Mundial do Aforro de Enerxía celébrase o 21 de outubro. O seu obxectivo principal é concienciar sobre o valor que ten a realización de pequenas accións coas que fomentar o aforro enerxético.
  • O Halloween é unha festa de procedencia céltica que representa o regreso dos espíritos dos mortos ao mundo dos vivos. Celébrase na noite anterior ao Día de Todos os Santos e, co tempo, a tradición foise transmitindo en todo o mundo.