Zona euro

Denomínase zona euro ou eurozona o conxunto formado polos 19 estados membros da Unión Europea que adoptaron o euro como moeda oficial. A zona euro foi creada o 1 de xaneiro de 1999. Os estados que compoñen a eurozona son: Alemaña, Austria, Bélxica, Chipre, Eslovaquia, Eslovenia, España, Estonia, Finlandia, Francia, Grecia, Irlanda, Italia, Letonia, Lituania, Luxemburgo, Malta, Países Baixos e Portugal.

Desde a creación da zona euro, a política monetaria dos seus estados membros corresponde ao Banco Central Europeo (BCE), entidade independente que se creou con esta misión, e dos bancos centrais nacionais dos estados membros que adoptan o euro. A política fiscal continúa sendo competencia dos gobernos nacionais.