SEPA

A Zona Única de Pagamentos en Euros ou Single Euro Payments Area (SEPA) é unha zona na que os consumidores e empresas poden realizar cobramentos e pagamentos, dentro e fóra das fronteiras nacionais, nas mesmas condicións básicas e cos mesmos dereitos e obrigas, independentemente do lugar en que se encontren.

A SEPA axuda a que os pagamentos entre diferentes territorios se realicen con maior eficiencia, rapidez e seguridade. Sobre todo, facilita as transferencias, os cargos domiciliados e as operacións con tarxetas entre países europeos.

A SEPA está composta por 34 países, os 28 membros da Unión Europea máis Islandia, Liechtenstein, Mónaco, Noruega, San Marino e Suíza.

Todos os países que compoñen a Zona Única de Pagamentos en Euros son: Alemaña, Austria, Bélxica, Bulgaria, Chipre, Croacia, Dinamarca, Eslovaquia, Eslovenia, España, Estonia, Finlandia, Francia, Grecia, Hungría, Irlanda, Italia, Letonia, Lituania, Luxemburgo, Malta, Países Baixos, Polonia, Portugal, Reino Unido, República Checa, Romanía e Suecia, máis Islandia, Liechtenstein, Mónaco, Noruega, San Marino e Suíza.