Seguridade Social

A Seguridade Social é o sistema mediante o cal o Estado garante a protección social axeitada ás persoas. Proporciona á sociedade o acceso á asistencia médica, garante prestacións en determinadas situacións así como axudas a familias numerosas entre outros fins.

A Seguridade Social permite que un traballador conte con protección durante un período de desemprego, maternidade ou enfermidade. Tamén pode garantir unha pensión debido a unha invalidez. Outro dos aspectos principais que cobre a Seguridade Social é a pensión de xubilación. Os menores tamén se benefician dos programas destinados a cubrir os gastos de educación.

O Sistema de Seguridade Social divídese nos seguintes organismos:

• Instituto Nacional da Seguridade Social
• Instituto Nacional de Saúde
• Instituto de Maiores e Servizos Sociais
• Instituto Social da Mariña
• Tesouraría Xeral. Caixa única do sistema. 
  

Os que se beneficia dos servizos e coberturas da Seguridade Social son os españois residentes en España e os estranxeiros que residan ou que se encontren legalmente en España e que estean incluídos nalgúns destes apartados:

• Traballadores por conta allea
• Traballadores por conta propia ou autónomos
• Socios traballadores das cooperativas de Traballo Asociado
• Estudantes
• Funcionarios 
  

Existen unha serie de prestacións para compensar, remunerar, indemnizar ou superar determinadas situacións ou necesidades. As prestacións máis importantes son as seguintes:

• Asistencia sanitaria
• Incapacidade temporal
• Maternidade
• Invalidez.
• Xubilación.
• Desemprego
• Prestacións de servizos sociais en materia de reeducación e rehabilitación de inválidos e asistencia á terceira idade. 
  

A Seguridade Social constitúese coas achegas dos seguintes suxeitos:

• Achegas do Estado, que se establecen nos orzamentos xerais do Estado.
• Cotas de empresarios e traballadores
• Recargas, sancións e outros recursos
• Rendas, xuros e outros produtos dos recursos patrimoniais da Seguridade Social.