Pentsio plan batera ekarpena egiteko giltzarriak

Ezarri zure pentsio-planerako aurrezki-estrategia onena.
Espainian, nahiko ziurgabea da pentsioen etorkizuna. Erronka ugari daude, batez ere demografikoak, eta guztiak ematen du aditzera langileek parte hartze handiagoa izan beharko dutela beren etorkizuneko erretiroaren plangintzan. Horregatik, pentsio planak tresna ona dira erretiroan diru sarreren iturri gehigarria bermatzeko. Finantza produktu horri ahalik eta etekin handiena ateratzeko, funtsezkoa da haren ezaugarriak xeheki ezagutzea eta, batik bat, planean noiz eta nola inbertitzen jakitea. Jarraian, pentsio plan bati ekarpena egiteko gako guztiak azalduko dizkizugu.
Banner Nagusi Kalkulatzen Erretiro Banner Nagusi Kalkulatzen Erretiro
Zure erretirorako aurreztu
Kalkulatu zenbat hobetu duzun pentsio planera ekarpenak egiten.

Gutxieneko eta gehieneko ekarpena

Inbertsio funts gehienekin gertatzen den bezala, pentsio planen ezaugarri nagusia da nahiko malguak direla eskatzen dituzten ekarpenei dagokienez. Oro har, ez dute gutxieneko ekarpenik ezarrita, baina baliteke erakunde edo funts jakin batzuek gutxieneko hasierako ekarpen bat eskatzea.

Aldiz, gehieneko ekarpena legez finkatuta dago, eta urtean 8.000 eurokoa da. Horrez gain, urtean 2.500 eurorainoko beste ekarpen bat egin daiteke ezkontidearen pentsio planean, haren laneko etekinak edo jarduera ekonomikoak ez badira urtean 8.000 eurotik gorakoak.

Bestalde, % 65eko edo gehiagoko desgaitasun fisikoa edo % 33ko edo gehiagoko desgaitasuna psikikoa dutenek ere gaindi dezakete muga hori. Haien kasuan, 24.250 euro artekoa izan daiteke gehieneko ekarpena, eta hirugarren batzuek 10.000 euro arteko ekarpenak egin ditzakete urtean haien funtsean. Horretarako, adierazi behar da desgaitasuna duten parte hartzaileentzako araubide bereziari atxikita egon behar dutela.

Beraz, inbertitzaileek nahikoa askatasun dute beren planean egin nahi duten ekarpenaren kopurua erabakitzeko. Orduan, zenbat aurreztu behar da erretirorako? Adituek gomendatzen dute hileko diru sarreren % 7 eta % 10 bitarte aurreztea modu jarraituan.

Aldizkako urteko ekarpena edo ekarpen bakarra

Ekarpenaren kopuruarekin gerta bezala, ekarpena egiteko modua ere malgua da. Pentsio planetako parte hartzaileek erabakitzen dute ekarpena ordainketa bakarrean metatu edo urtean zehar banatu nahi duten. Are gehiago, haien inbertsio metodoa ez du konstantea izan beharrik, eta ez daude urte guztietan ekarpena egitera behartuta ere ez.

Azterlanek agerira ekarri dute aurrezleek urte amaierarako utzi ohi dituztela beren ekarpenak, orduan ohartzen baitira denbora agortzen ari zaiela eta etekina atera nahi diete funtsaren abantaila fiskalei. Dena dela, aditu gehienek gomendatzen dutenez, hobe da aldizkako ekarpenak egitea, ahal dela hilero, aurrekontuko partiden artean sartuta. Gomendioaren arrazoia da aldizkako ekarpenek inbertsioaren dibertsifikazio handiagoa bermatzen dutela eta, hortaz, aukera ematen dutela merkatuen hegakortasuna leuntzeko. Izan ere, inbertsio bakarra une txar batean egiten bada, galera handiagoak sor ditzake horrek. Gainera, jokabide horrek aurreztera ohitzen du erabiltzailea, finkatutako ohitura bihurtzen baititu ekarpenak.

Urteko ekarpenaren abantaila fiskalak

Pentsio plan bati egindako ekarpenek aurrezki fiskala dakarte PFEZaren aitorpenean. Pentsio plan baten titularrek zergetatik ken ditzakete beren pentsio plana, bi kopuru hauetatik txikienak osatutako mugaren barruan:

  • 8.000 euro.
  • Lanaren eta/edo jarduera ekonomikoen etekin garbien % 30.
Banner Zentral Pentsio-plan Banner Zentral Pentsio-plan
Zure beharretara egokitutako pentsio planak.
Ezagutu eskaintzen dizkizugun aukerak

Pentsio plan bateko parte hartzaile batek % 30eko tasa marjinala izan eta 4.000 euroko ekarpena egiten badu guztira, 1.200 euroko aurrezki fiskala lortuko du. Horrez gain, urtero zergetan aurrezten diren kopuruak berriz ere planean inbertitzea da egokiena. Estrategia horren emaitzak harrigarriak dira epe luzera.

Dena dela, funtsak erreskatatzeko moduaren arabera, gerta daiteke zerga horien ordainketa geroratzea besterik ez lortzea kenkariaren bitartez. Kapital gisa kobratzen badira (hau da, ordainketa bakarrean), baliteke tasa marjinala nabarmen goratzea urte horretako diru sarrerak handitu direlako eta, hala izanez gero, faktura fiskalak ere gora egingo du. Aldiz, errenta gisa kobratzen badira, urteko diru-sarrerak ez dira hainbeste handitzen eta aurrezlea atxikipen-tarte berean edo hurbilagoan gera daiteke. Demagun, adibidez, urtean 21.000 euroko diru sarrerak dituen norbaitek 120.000 euro metatu dituela bere pentsio funtsean; kapital gisa erreskatatuko balitu, PFEZaren goiko atxikipen tartean jarriko litzateke (% 45ekoa). Hilean 1.000 euroko errenta jasoko balu, urte amaieran 33.000 euro jasoko lituzke guztira, eta kopuru hori bere hileroko diru sarreren PFEZ maila berean mantentzen da.

ERREPIDE Simulagailu Ostatu ERREPIDE Simulagailu Ostatu
Pentsio-plan - Ere ahal izango luke interesarte Pentsio-plan - Ere ahal izango luke interesarte

Honek ere interesatu zaitzake

  • Hauek dira 2018an egindako aldaketak pentsioen eta erretiroa hartzean jasotzen den gehienezko zenbatekoaren inguruan.
  • Hauek dira erretiroa hartu ondoren jasoko duzun pentsioaren prestazioa jakiteko egin beharreko kalkuluak.
  • Hainbat faktorek dute eragina erretiro pentsioen PFEZeko atxikipenean. Aurkitu dagokizun ehunekoa.
Pentsio-plan - Tresna Pentsio-plan - Tresna

Pentsio planei buruzko tresnak

  • Zenbateko pentsio publikoa jasoko duzu erretiroa hartzean? Ezagutu hiru urratsetan.
  • Aurkitu aurrezteko zure beharrei hobeen egokitzen den pentsio-plana, eta hasi etorkizuna planifikatzen.
  • Gure konparatzaileak planen ezaugarri guztiak ezagutzen lagunduko dizu, hobekien egokitzen zaizuna aukeratzeko.
  • Gure simulatzailearekin, ezagutu jasoko duzun prestazioa erretiroa hartzean.
  • Jakin nahi al duzu zenbat aurrez dezakezun zerga aitorpenean pentsio plan batera ekarpenak eginez gero?