Como o podo contratar?

Para contratar este seguro terás que acudir a unha oficina BBVA.

O Ciberseguro BBVA Pymes y Autónomos é anual. Renóvase automaticamente todos os anos na mesma data.

Pódoo cancelar en calquera momento?

Pódelo anular avisando cun mes de antelación ao vencemento da póliza.

Cal é a forma de pagamento?

O pagamento faise mediante domiciliación bancaria.

Pódeo contratar calquera empresa?

Si, excepto as dedicadas a servizos financeiros e aseguradores, actividades de xogo, pornografía e entidades reguladas por dereito público.

Existe algún período de carencia?

Aplicarase un período de carencia unicamente para as seguintes coberturas: Perda de beneficios por interrupción de negocio por vulneración de datos, fallo de sistema, ataque ou sospeita de ataque: 12 horas. Perda de beneficios por interrupción do negocio por un ataque contra un provedor externo do asegurado: 24 horas.

En que casos se aplican franquías?

As franquías aplicaranse en función do volume de facturación e do número de persoas empregadas. Podes escoller entre 300 e 600 € e entre 500 e 750 €. A xestión de incidentes non ten franquía, excepto os servizos de gastos de notificación, creación dun centro de asistencia telefónica e monitorización da información comprometida, que terán a mesma franquía xeral da póliza.

Existe algún límite de indemnización?

Os límites que podes contratar son 300.000 €, 600.000 €, 900.000 € e 1.200.000 €.

Este seguro inclúe antivirus?

Si, para unha mellor protección fronte a posibles ciberataques esta póliza inclúe unha licenza antivirus Norton valorada en 69,99 €.

Que obrigas teñen as organizacións segundo o RXPD?

O actual regulamento xeral de protección de datos obriga as organizacións a comunicaren o ataque en 72 horas, a comunicáreno á Axencia de Protección de Datos e a clientes e, no caso dalgunhas empresas, a teren un delegado de Protección de Datos.

Algún servizo queda excluído?

Non estarán cubertos por este seguro os problemas preexistentes e que a persoa asegurada coñecese antes da contratación, os actos deshonestos, a obtención e uso non autorizado de datos nin os gastos de reparación, mellora, corrección, retirada, substitución ou eliminación.

Que pasa se non cumpro as condicións?

Se no momento do incidente a aseguradora verifica que as condicións non se cumpriron, a data de retroactividade contará unicamente a partir da data de efecto da póliza. Ademais, para as coberturas de perda de beneficios por interrupción parcial ou total do sistema informático e en extorsión cibernética aplicarase un sublímite do 25% da suma asegurada seleccionada para as coberturas (perdas do asegurado, perda de beneficios e extorsión cibernética).

Existe algún límite territorial?

A cobertura deste seguro é mundial, excepto EUA e Canadá.

BBVA Mediación, Operador de Banca-Seguros Vinculado, S.A. con domicilio social en Madrid, c/ Azul nº 4, inscrita no Rex. Administrativo Especial de Mediadores de Seguros da Dirección Xeral de Seguros e Fondos de Pensións coa clave OV-0060. Concertado seguro de responsabilidade civil e dispón de capacidade financeira.

Cal é a compañía aseguradora?

Hiscox S.A., sucursal en España co CIF W0185688I, con domicilio no Paseo de la Castellana 60, 7ª planta Madrid 28046, inscrita no Rex. Administrativo de Entidades Aseguradoras da Dirección Xeral de Seguros e Fondos de Pensións (DXSP) coa clave E231. Hiscox S.A. é unha entidade aseguradora con domicilio en 35F Avenue John F. Kennedy L-1855 Luxemburgo. Hiscox, S.A. está suxeita á supervisión do Comissariat aux Assurances de Luxemburgo (CAA) e da DXSFP en España.

Ciberseguro BBVA sector público

Se o ben financiado por leasing sofre unha perda total.

Garante os danos e as perdas materiais que sufran os teus bens como consecuencia directa dunha causa accidental, súbita e imprevista.
Cobre bens mobiliarios, inmobiliarios e elementos de transporte.

Que cobre?

O Ciberseguro BBVA dispón das seguintes coberturas:

Asistencia telefónica e asesoramento en caso de ataque informático, vulneración de datos, fallo de sistemas ou ameaza de extorsión.

Perda de beneficios como consecuencia do incidente.

Responsabilidade civil por fallo de seguridade e por contido dixital.

Formación en ciberseguridade.

Ver máis detalles das coberturas

E podes engadir

Protección para comercios con venda en liña:

Perdas económicas no caso de que un terceiro non autorizado modifique intencionadamente os prezos á baixa. Ata 25.000 €, por un período máximo de 60 días.

Roubo electrónico de diñeiro ou valores:

Perda financeira como consecuencia da emisión de transferencias a través dun acceso non autorizado ao sistema informático do cliente. Ata 50.000 €, excepto as transferencias de fondos por suplantación de identidade ou enxeñaría social.

Como funciona?

Poderás comunicar un ciberataque ou fallo de seguridade a través da plataforma Ciber SOC Deloitte, que responderá de maneira inmediata e activará a cobertura correspondente. Só necesitarás achegar a seguinte información:

Nome da persoa asegurada.

Número de póliza.

Datos de contacto.

Breve descrición do incidente.

Que condicións debes cumprir?

Para contratar este seguro terás que cumprir os seguintes requisitos:

Ter unha facturación igual ou inferior a 7.500.000 €.

Instalar un antivirus e telo activo como mínimo 30 días desde a data da contratación.

Realizar copias de seguridade como mínimo mensualmente desde a data de efecto da póliza.

Necesitas máis información?

Ser cliente do BBVA

No BBVA ofrecémosche a información e as ferramentas para a xestión de institucións.
Traballamos para facerche a vida un pouco máis fácil coas nosas solucións dixitais.
Cremos nunha forma de facer as cousas transparente, clara e responsable.

Descubre BBVA Agregador de empresas

Engade e controla todos os bancos da túa empresa nun mesmo sitio

Controla todas as túas contas e toma mellores decisións ao tempo que aforras tempo para a túa empresa.

Máis información