Kontuak lekualdatzeko zerbitzua

1. BBVAn jada kontu bat baldin baduzu, bbva.es webgunetik, mugikorrerako aplikaziotik edo BBVAko bulegoen saretik eska dezakezu kontuak aldatzea. Ez dira sartzen enpresen kontuak eta jarduera komertzial edo profesionaletara zuzentzen direnak.
2. Adierazi BBVAra aldatu nahi duzun kontuaren zenbakia eta hautatu nahi dituzun aukera guztiak: aldizkako transferentziak aldatzea; zure diru-sarrera errepikariak eta ordainagiriak lekualdatzea; beste kontua ixtea eta saldo guztia aldatzea.
3. Adierazi zer datatan egin nahi duzun kontu aldaketa. Ordainketa-konpromisoak eta diru-sarrera errepikariak (nominak, pentsioak...) kontu berrira garaiz heltzeko denbora emango dien data bat hautatu.  Gestioa egiteko gutxieneko epea 15 lanegunekoa da, titular guztiek sinatzeko duten epea barne dela. Saldoaren intsuldaketa adierazitako datan bidaltzen dabeste entitatetik; helmugako kontuan abonua egiterako egun batzuk igaro daitezke.
4. Lekualdatzeko gestioa kontuko titular guztiek eskaera sinatzen dutenean hasiko da.
5. 2 eguneko epean, BBVAk kontua aldatzeko behar dituen datuak eskatuko dizkio zure beste bankuari.
6. Zure beste bankuak 5 egun izango ditu, gehienez, eskaera onartzeko eta eskatutako informazioa bildatzeko.
7. Informazioa jaso ondoren, BBVAk 5 eguneko epea izango du zure kontu zaharraren aldizkako transferentziak kontu berrian konfiguratzeko eta ordaintzaileei eta zorpekoen jaulkitzaileei kontu berriaren zenbakia jakinarazteko.
8. Zure beste bankua arduratuko da kontua ixteaz eta saldoa BBVA kontuan transferitzeaz, eskaeran adierazten duzun datan.

Kontua aldatzeko prozesuan gertatzen diren aurrerapen guztien berri emango dizugu eta, beharrezkoa izanez gero, informazio osagarria eskatuko dizugu webguneko eta mugikorreko aplikazioko Nire postontzia atalera jakinarazpenak bidalita.

Kontuak aldatzeko zerbitzua guztiz doakoa da eta ez du inolako kostu edo komisiorik.

Kontu aldaketa kudeatzeko, BBVA zeregin hauetaz arduratuko da:

• BBVAra kontua aldatzeko zure eskaera behar bezala kudeatu eta izapidetu ahal izateko behar den informazioa eskatuko dio zure beste bankuari.
• BBVAko kontu berrian izan nahi dituzun transferentzia-agindu iraunkorrak sortzea, zure eskaeran adierazten duzun egunetik aurrera (zure beste bankua, bere aldetik, agindu horiek zure aurreko kontutik ezabatzeaz arduratuko da).
• Nahi baduzu, BBVAk jakinaraziko die kontua aldatu izana zure ordaintzaileei eta helbideratutako zure zordunketen (ordainagiriak) jaulkitzaileei. Ordaintzaile eta jaulkitzaileek egingo dute kontuaren aldaketa.
• Kudeatu Gizarte Segurantzarekin erregimen orokorreko pentsioen kontu-aldaketa (Bulegoan egindako eskaeretan erabilgarri aldi baterako). BBVAk zure eskaera bidaliko dio Gizarte Segurantzaren Diruzaintza Nagusiari (GSDN) eta jakinarazi egingo dizu onartu edo ukatzen duen. GSDNk zure izenean dituzun pentsioen kontuen aldaketa kudeatuko du.
• Zordunketarik itzuli ez dadin, BBVAk onartu egingo ditu zuk egindako eskaeraren datatik aurrera egiten diren helbideratutako zordunketak (ordainagiriak) eta sartzen diren transferentziak (zure beste bankuak haiek onartzeari utziko dio).

Kasu horietan, BBVAk ezin du esku hartu, administrazioak eskatzen baitu titularrak berak kudeatu behar dituela abonuaren kontuko helbideratze-aldaketak SEPEaren bidez. Aldaketa prozesuan, erabilgarri dauden aukerak eskaintzen dizkizugu harremanetan jarri eta kontu-aldaketa eskatzeko.

Gizarte Segurantzaren Diruzaintza Nagusiak edo bestelako erakunde batzuek, hala nola Muface, Mugeju, Isfas etab. jaulkitako kotizazio gabeko pentsioak jasotzen badituzu; dagokion erakundearekin jarri behar zara harremanetan kontu-aldaketa pertsonalki jakinarazteko.

Helbideratzeak jaulkitzen dituzten entitate, konpainia eta erakunde batzuk kontuaren titularrak egindako kontu-aldaketaren jakinarazpena bakarrik onartzen dute, esaterako Zerga Agentziak eta hainbat udalek. Gainera, udalen kasuan, ez da helbideratze-aldaketarik onartzen zergen (OHZ, zaborren zerga...) borondatezko ordainketa aldiaren aurreko 2 hilabeteetan edo tarte horretan. 

Hori kontuan izan behar duzu lekualdatzea gauzatzeko data aukeratzerakoan. Eta ziurtatu behar duzu saldoa duzula bi kontuetan, zaharrean zein BBVArenean, kontu-aldaketa burutu bitartean zure ordainketei aurre egiteko.

BBVAk ematen dio beste bankuari kontua transferitzeko zure eskaeraren berri. Beste bankua arduratzen da saldoaren transferentzia egiteaz BBVAren kontura eta kontu zaharra ixteaz, lekualdatzeko eskaeran adierazi diozun datan.

• BBVAn kontua izan behar duzu. Ez dira sartzen enpresen kontuak eta jarduera komertzial edo profesionaletara zuzentzen direnak.
• Jatorrizko (zure beste bankuko) kontuaren eta xede-kontuaren (BBVArena) titularrak berberak izan behar dute.
• Kontua aldatzeko eskaera kontuko titular guztiek sinatu behar dute.

Espainia barruko erakundeen arteko kontuen aldaketak gutxienez 15 egun balioduneko exekuzio-epea du (titular guztiek sinatzeko epea barne), eskaera egiten den egunetik zenbatzen hasita. Nahi izanez gero, epe luzeagoan burutu dadila ere eska dezakezu.

Kontuan hartu zer eragiketa mota aldatuko duzun, aldatzeko denboretan eragin dezakeelako. Gure gomendio orokorra da gaurtik hasi eta hilabete baterako hautatzea.

Zenbait diru-sarrerek, esaterako pentsioak edo nominak, 2 hilabeteraino behar dezakete kontu-aldaketa burutzeko.

Nahiago baduzu zuzenean zeu arduratzea diru-sarreren helbideratzeaz eta zure zordunketez (ordainagiriak), zure ordaintzaileei zein zure ordainagirien jaulkitzaileei kontu aldaketa jakinarazteko erabili beharko dituzun bi gutun-ereduak emango dizkizugu.

BBVAk zure izenean bidaliko du kontua aldatzeko eskaera.
Helbideratze-aldaketaz diru-sarreren ordaintzaileak eta zordunketak (ordainagiriak) jaulkitzen dituztenak arduratuko dira.

Gure kudeatzaileek eskainiko dizute BBVAko kontuen artean aldaketa egiteko beharrezkoa den informazio guztia. Kontua aldatzeko inprimakia deskargatu, aldaketa gauzatzeko data zehaztuz hori bete, eta sinaturik gure bulegoetako batean entregatu besterik ez duzu egin behar.

Europar Batasuneko herrialde batean banku-kontu bat irekitzea errazteko, zure BBVA kontuaren aldizkako transferentziei, diru-sarrera errepikariei (nomina edo beste diru-sarrera batzuk) eta zordunketei (ordainagiri helbideratuak) buruzko azken 13 hilabeteetan metatutako informazioa duen fitxategi digital bat jasotzeko eska dezakezu.
Gainera, BBVA kontuko saldoa beste herrialde bateko kontu berrira eramatea erabakitzen baduzu, transferentzia bat egingo dugu doan, eta Espainiako kontua ere ezeztatuko dugu, hala eskatzen baduzu eta kontu hori ordainketa-betebeharretatik libre badago.
Kontuan izan BBVA ez dela arduratuko kontuaren aldaketa zure ordaintzaileei eta ordainagiri-emaileei jakinarazteaz, gestio horiek zuk zeuk egin beharko baitituzu.
Europar Batasuneko herrialdeko entitatea arduratuko da, bere aldetik, behar dituzun transferentzia iraunkorreko aginduak sortzeaz.
Zure kontuari buruzko informazioa eskatzeko, eskabidearen inprimakia deskargatu, bete, sinatu eta BBVAren bulego batean entregatu besterik ez duzu egin behar.