Zer baldintza bete behar dira erretiroa izateko?

Ezagutu erretiroko kotizaziopeko pentsioaz gozatzeko beharrezko baldintzak.

Lan-bizitza bere amaierara iristen denean lortutako interesak jasotzeko unea da etapa berriaz gozatzeko. Hori da erretiroko pentsioaren helburua, Gizarte Segurantzan afiliatuta egon diren pertsona guztiak lor dezakete eskubide hori, betiere baldintza batzuk betetzen dituztenean. Funtsezkoa da zehatz-mehatz ezagutzea legeriaren gakoak, izan ere horien araberakoa izango da pentsio batez gozatzeko aukera eta horren zenbatekoa. Ezagutu erretiroa lortzeko baldintzak eta planifika ezazu denboraz, abantaila handienak lortu eta zeure etorkizuna berma dezazun. Hurrengoak dira erretiroa eskatu ahal izateko bete behar diren baldintza, arau orokor gisa:

  • Adina: funtsezko kontzeptua, zalantzarik gabe, izan ere beharrezkoa da hitzartutako adina izatea eskaeraren unean erretiroan sartzeko eskubidea izateko. Erretiroko legezko adina handiagotzen ari da modu jarraituan 2013tik; orduan, 65 urte behar ziren, eta 67 urteetan finkatuta geratu da 2027tik. Hala ere, posible da 65 urteko adinarekin erretiratzen jarraitzea zigorrik gabe, gutxieneko kotizazio-epealdi bat egiaztatuz gero, 2027tik aurrera 38 urte eta 6 hilabete izango dena. 2018an 65 urte eta 6 hilabeteko adina agintzen da (65 urte gutxienez 36 urte eta 6 hilabete kotizatu dituztenentzat).
Goi mailako Bannerra Kalkulatu erretiroa Goi mailako Bannerra Kalkulatu erretiroa
Zure erretirorako aurreztu
Kalkulatu zenbat hobetu duzun pentsio planera ekarpenak egiten.
  • Gutxieneko kotizazio aldia: 15 urtez kotizatu behar da gutxienez, eta horietatik bik gutxienez erretiro-unearen aurreko berehalako 15 urteetakoak izan behar dute. Gainera, kotizatutako urteen kopuruak zehaztu egingo du pentsioaren zenbatekoa, eta horren % 100 lortuko da gutxienez 35 urte eta erdi kotizatu direnean (2027tik aurrera 37 urte).
  • Gertakari kausatzailea: erretiroa izateko eskubidea ematen duen egoera edo baldintza gisa izenda daiteke. Lan-jardueraren uztea gertatzen den eguna izango litzateke, Gizarte Segurantzan alta emanda dauden langile horientzat; eta eskaeraren aurkezpeneko eguna altarik eza egoeretan eta altarekin parekatutako egoeretan, nahitaezko eszedentzia egoeran salbu (parekatzeari jatorria eman zion postuan uztearen eguna) edo lurralde nazionaletik kanporako lekualdaketa (besteren konturako lanean uztearen eguna).

Erretiroa ahalbidetzen duten egoerak

Orokorrean, lan-jardueraren uztearekin eta aurretik adierazitako baldintzak bete direnean eskuratzen da erretiroa. Hala ere, ez da beti hala izaten, izan ere, beste egoera eta baldintza mota batzuk existitzen dira eta horiek erretiroan amai dezakete.

Lanean borondatezkoa ez den uztetik eratorritako erretiro aurreratu gisa izendatutakoan, langilea bertara sartzen da beharrezko adina lortu baino lehenxeago gertatutako kaleratzearen ondorioz, nahiz eta pentsioaren zenbatekoa murriztuta geratzen den aplikatutako koefiziente murriztaileengatik. Modalitate horrek erretiroko adina aurreratzea ahalbidetzen du 4 urteko gehienezkora arte.

Beste balizko egoeretako bat langilearen borondatezko erretiro aurreratua da. Kasu horretan, lanaren uztea ez da inolako kaleratzeren ondorio, baizik eta langilea bera da erabakitzen duena bere borondatez. Horretarako, adinak gehienez, erretiro unerako eskatutako legezko adina baino bi baxuagoa izan behar du eta 35 urteko kotizazio eraginkorrak existitu behar du gutxienez. Modalitate horretan ere aplikatu egingo dria koefiziente murriztaileak pentsioaren kalkuluan. Halaber, jarduera toxiko edo osasungaitzak egiten dituzten langileek eta % 45 edo % 65 mailako desgaitasuna duten pertsonek adin hobarietara sar daitezke eta aurrerapenez erretira daitezke pentsioa murriztu gabe.

Eskuragai dauden aukera guztien artean, posible da ere erretiro partziala lortzea, zeinak lan-jardunaldia murriztea eta aldi berean pentsioaren zatia kobratzea ahalbidetzen baitu. Bi aldaera daude:

  • Txanda-kontraturik gabe: langileak hitzartutako erretiro adina badu, eskubide horri onura atera diezaioke, txanda-kontraturik formalizatu beharrik gabe eta jardunaldi partzial edo osoan kontratatuta egoteak ez du axola. Lan-jardunaldia murriz daiteke % 25 eta % 50 artean eta beharrezkoa da gutxienez 15 urtez kotizatu izana, eta horietatik bi erretiro eskaeraren aurreko 15 urteen barnean egongo dira.
  • Txanda-kontratuarekin: beste langile batek ordezkatu egingo du erretiratzea erabakitzen duen pertsona, nahiz eta kasu horretan lan-jardunaldia % 75 mailara arte murriz daitekeen. Beharrezkoa da 33 urtez kotizatzea (25 desgaitasunen bat existitzen bada, % 33 edo handiagoa) eta lanaldi osoan kontratatuta izatea. Adinaren baldintzari dagokionez, gradualki aplikatuko da 2013tik 2027ra arte, kotizatutako epealdien arabera, mutualistak salbu, zeinak erretiro mota hori aukera dezaketen 60 urte betetzean. Halaber, egiaztatu egin behar dira gutxieneko 6 urteko antzinatasuna enpresan.

Gainera, beste aukera bat da erretiro malgua deiturikoa; ahalbidetu egiten du erretiroa bera denbora partzialeko lanekin pentsioa gozatzen den bitartean. Jasotzen den pentsioaren zenbatekoa lan egiten den ordu-kopuruaren araberakoa da. Esaterako, lanaldia 4 ordukoa balitz (jardunaldi erdia), pentsioaren % 50 jasoko litzateke. Erretiro partzialarekin duen desberdintasun nagusia da kasu horretan hori lor daitekeela erretiratu egoera dagoeneko daukanean, baina ez aldez aurretik, eta behin kobratzen ari denean dagokion Gizarte Segurantzaren erretiroko pentsioa.

Azkenik, erretiro aktiboa izeneko aukera dago. Horrekin, erretiro pentsioaren %50 norberaren edo besteren konturako jarduera batekin batera daiteke, ordutegi edo diru-sarrera mugarik gabe. Horrek eskatu egiten du aldez aurretik erretiroan egotea adin arruntean eta oinarri arautzailearen % 100 lortuta.

Pentsioaren kalkulua

Erretiroaren ostean lortutako pentsioa kalkulatzerakoan, kontuan hartzen dira kotizazio-oinarriak eta kotizatutako urteak. Oinarri arautzailea kotizazio-oinarrien batez bestekoa da denbora epealdi jakin batean (KPI bidez eguneratuak, gertaera eragiletik gertuen dauden 24 horiek salbu) eta erabakigarria izango da pentsioaren balioa zehazteko. Oinarri arautzailea kalkulatzeko erabilitako denbora epealdiak handiagotzen jarraituko du apurka-apurka indarrean dauden 20 urteetatik 2018an 25era 2022an. Kotizatutako urteak dira erabakitzen dutenak zein izango den lor dezakegun oinarri arautzailearen ehunekoa. Kotizatutako 15 urterekin, oinarri arautzailearen % 50 eskuratzen da, eta kopurua handiagotuz doa progresiboki % 100 lortu arte, gutxienez 35 urte eta erdi kotizatu badira. Indarrean dagoen araudiaren arabera, beharrezkoa izango da denbora gehiagoz kotizatzea etorkizunean % 100 hori lortzeko, izan ere, gehikuntza progresiboa gertatuko baita urtero, 2027an gutxienez kotizatutako 37 urte eskatu arte.
Erdi mailako Bannerra Pentsio Plana Erdi mailako Bannerra Pentsio Plana
Zure beharretara egokitutako pentsio planak.
Ezagutu eskaintzen dizkizugun aukerak
Kontuan hartuz adierazitako faktore guztiak, funtsezkoa da erretiroa denboraz prestatzea, zehazteko zer bizi-maila eskainiko digun pentsio publikoak eta zenbat aurreztu behar dugun nahi dugun bizi-maila hori izateko. Pentsio plana erretirorako osagarri ezinhobea bilaka daiteke, izan ere, sortutako irabaziek lagundu egingo digute erosahalmen handiagoaz gozatzeko gure lan-bizitza amaitzen denean. BBVAk pentsio plan aukera zabala eskaintzen du mota guztietako inbertitzaileentzat. Sartu BBVA.es-en eta hasi zure etorkizuna aseguratzen.
Nire erretiroa Nire erretiroa
BBVA PENTSIOEN Institutuaren lankidetzarekin:
Pentsio planak - Hau ere interesa dakizuke Pentsio planak - Hau ere interesa dakizuke

Honek ere interesatu zaitzake

  • Hauek dira 2018an egindako aldaketak pentsioen eta erretiroa hartzean jasotzen den gehienezko zenbatekoaren inguruan.
  • Hauek dira erretiroa hartu ondoren jasoko duzun pentsioaren prestazioa jakiteko egin beharreko kalkuluak.
  • Hainbat faktorek dute eragina erretiro pentsioen PFEZeko atxikipenean. Aurkitu dagokizun ehunekoa.
Pentsio planak - Tresnak Pentsio planak - Tresnak

Pentsio planei buruzko tresnak

  • Zenbateko pentsio publikoa jasoko duzu erretiroa hartzean? Ezagutu hiru urratsetan.
  • Aurkitu aurrezteko zure beharrei hobeen egokitzen den pentsio-plana, eta hasi etorkizuna planifikatzen.
  • Gure konparatzaileak planen ezaugarri guztiak ezagutzen lagunduko dizu, hobekien egokitzen zaizuna aukeratzeko.
  • Gure simulatzailearekin, ezagutu jasoko duzun prestazioa erretiroa hartzean.
  • Jakin nahi al duzu zenbat aurrez dezakezun zerga aitorpenean pentsio plan batera ekarpenak eginez gero?