Erretiro aurreratuaren baldintzak

Erretiroa garaia baino lehen hartzeko jakitea komeni zaizun guztia.
Erretiroa hartzeko adinetik gertu zaude? Langile askok nahi dute erretiro aurreratua hartu, baina ez dituzte ezagutzen hori egiteko baldintzak. Zenbait faktore izan behar dira kontuan prozesua hasterakoan. Artikulu honek erretiro aurreratuaren modalitate guztiak biltzen ditu, baita eskatzeko beharrezkoak diren baldintzak ere.

Zer da erretiro aurreratua?

Erretiro aurreratua erretiro modalitate bat da, araubideak ezarritako baldintzak betetzen dituzten zenbait langileri erretiroa dagokion adina baino lehen hartzeko aukera ematen diena. Baina, kontuz! Urtero berrikusi behar da ezarritako adina; izan ere, urtero-urtero atzeratzen doa. 2027an, erretirorako adina 67 urte izango da. Salbuespena izango dira 38 urtez eta 6 hilabetez kotizatu dutenek; beren adina 65 urte izango da.

Erretiro aurreratuko mota ezberdinak daude, eta baldintzak ezberdinak izango dira eskatzaileak aukeratzen duen modalitatearen arabera. Erretiro aurreratuko motak dira borondatez utzita edo borondate gabe utzita. Erretiroari lotutako elementu guztiak abuztuaren 1eko 27/2011 Legeak arautzen ditu, Gizarte Segurantzaren sistema eguneratzeari, egokitzeari eta modernizatzeari buruzkoa. Erretiroa hartzeko baldintza berriak 2013an jarri ziren indarrean, hau da, Estatuko Aldizkari Ofizialean argitaratu ziren urtea. Aipatutako erretiroak azaltzen dira ondoren, baita kasu bakoitzean eskatzen diren baldintzak ere.

Banner Nagusi Kalkulatzen Erretiro Banner Nagusi Kalkulatzen Erretiro
Zure erretirorako aurreztu
Kalkulatu zenbat hobetu duzun pentsio planera ekarpenak egiten.

Erretiro aurreratua borondate gabe utzita:

Langilea kaleratzean gertatzen da; aldez aurretik lan-merkatutik kaleratzen da enpresa berregituratzen delako. Hauek dira ezarritako erretiro adina 4 urte aurreratzeko baldintzak:

Gizarte Segurantzan altan egotea edo antzeko egoeran egotea erretiroa hartzeko datan.

  • Gutxienez 33 urtetan kotizatzea; horri soldadutzaren edo bestelako prestazio sozialaren denbora gehi dakioke, urtebete gehienez.
  • Pertsona horren kontratua iraungi izatea martxoaren 15eko 5/2013 Errege Lege-dekretuaren 6. artikuluan jasotzen diren arrazoietako batengatik.
  • Erretiroa eskatzen den data aurreko sei hilabete, gutxienez, enplegu-eskatzaile gisa izena emanda egotea edo egon izana.

Garrantzitsua da kontuan izatea autonomoak ezin direla erretiro aurreratuko modalitate honetara atxiki.

Erretiro aurreratua borondatezko uzteagatik

Modalitate hau langileak berak aukeratzen duena da, kaleratzerik edo derrigortutako uzterik gabe. Kasu horretan, interesdunak 2 urte aurrera dezake legezko erretiro adina, ondorengo betekizun hauek betetzen baditu:

  • Gizarte Segurantzan altan egotea edo antzeko egoeran egotea erretiroa hartzeko datan.
  • Gutxienez 35 urte kotizatuta izatea; horri soldadutzaren edo bestelako prestazio sozialaren denbora gehi dakioke, gehienez urtebete.
  • Pentsioaren zenbatekoa ez izatea langileari, haren familia egoera kontuan hartuta, adin arrunta betetzean legokiokeenaren gutxieneko pentsioa baino baxuagoa.

Erretiro aurreratuko modalitate honi atxiki ahal dira bai besteren konturako langileak bai norberaren kontura dabiltzanak. Bestelako kasu bereziak ere badira langile jakinek erretiroaren adina aurreratzeko:

  • 1967ko urtarrilaren 1era arte mutualista izaera zuten pertsonek erretiroa hartu ahal dute 60 urte betetzean. Kasu horretan, zenbait talde daude:
  • RENFEko langileak, 1967ko uztailaren 14a baino lehen enpresan lan egiten bazuten.
  • FEVEko, erabilera publikoko trenen konpainia emakidadunetako eta "Eusko Trenbideak, SA"ko langileak, baldin enpresa horietan lan egiten bazuten 1969ko abenduaren 19a baino lehen.
  • Ikatzaren Mehatzagintzaren Erregimen Bereziaren aplikazio eremuan 1969ko otsailaren 1a baino lehen lan egiten zuten eta 1969ko urtarrilaren 31ra arte ikatzaren lan-mutualitateetako batean kotizatzen zuten langileak.
  • Itsasoko Langileen Erregimen Bereziaren aplikazio-eremuan 1970ko abuztuaren 1era arte zeuden langileak.
  • 2013ko apirilaren 1a baino lehen kaleratuak izanik Gizarte Segurantzan berriz alta eman ez dutenak atxiki daitezke 2018ko abenduaren 31ra arte indarrean zegoen sistemari, zeinak 61 urterekin erretiroa hartzeko aukera ematen baitie.

Interesdunak erretiro aurreratua hartzearen aldeko hautua egiten badu, kontuan izan behar ditu bere pentsioak erretiro osoan izango dituen murrizketak. Murrizketa kalkulatzeko, legez ezarritako adinari dagokionez erretiroa zenbat aurreratzen den hartzen da kontuan, baita zenbat urtez kotizatu den ere. Aukeratutako erretiro aurreratuaren modalitatearen araberakoa ere izango da.

Ondorioz, soilik hauei komeni zaie erretiro aurreratua: pentsioarekin jasoko duten dirua kalkulatzean euren gastu eta beharrak betetzeko adina izango dutenei, eskatzen diren urte guztiak kotizatuak dituztenei eta legeak ezarritako gehieneko pentsioa jada jasoko dutenei.

Banner Zentral Pentsio-plan Banner Zentral Pentsio-plan
Zure beharretara egokitutako pentsio planak.
Ezagutu eskaintzen dizkizugun aukerak

Nola kalkulatu erretiro aurreratuaren pentsioa

Jasoko den pentsioaren zenbatekoa dagokion koefiziente murriztailea aplikatuta kalkulatu ahal da. Zenbateko hori murriztu egingo da langileari erretiroa hartzeko legezko adina eta egiaztatzen den kotizazio aldia betetzeko falta zaion hiruhileko edo hiruhileko-zati bakoitzeko.

  • Hala, 38 urte eta 6 hilabete baino gutxiago kotizatu badira, %2ko koefiziente murriztailea aplikatuko da;
  • 38 urte eta 6 hilabete edo hortik gora baina 41 urte eta 6 hilabete baino gutxiago kotizatu badira, koefizientea %1,875 da;
  • 41 urte eta 6 hilabete eta 44 urte eta 6 hilabete bitartean kotizatu bada, berriz, %1,75 da;
  • 44 urte eta 6 hilabete baino gehiago kotizatu direnean, koefizientea %1,625 da.

Horrez gainera, aipatu koefiziente murriztaile horiek aplikatu ondorengo pentsioaren zenbatekoa ezingo da izan pentsioaren gehieneko muga, zehazki, aurreratutako hiruhilabete edo hiruhilabete-zati bakoitzeko %0,50ean murriztuz ondorioztatzen dena baino gehiago.

BBVA.es webgunean informazio askoz gehiago aurkituko duzu erretiro aurreratuari buruz, baita erabakia hartzerakoan kontuan izan beharreko faktore guztiak ere. Gainera, pentsio-plan asko daude zure diruari etekin gehiena ateratzeko, erretiroa hartu behar edo erretiroduna izatearen gorabehera. Eskura duzu hau ere

ERREPIDE Simulagailu Ostatu ERREPIDE Simulagailu Ostatu
Pentsio-plan - Ere ahal izango luke interesarte Pentsio-plan - Ere ahal izango luke interesarte

Honek ere interesatu zaitzake

  • Hauek dira 2018an egindako aldaketak pentsioen eta erretiroa hartzean jasotzen den gehienezko zenbatekoaren inguruan.
  • Hauek dira erretiroa hartu ondoren jasoko duzun pentsioaren prestazioa jakiteko egin beharreko kalkuluak.
  • Hainbat faktorek dute eragina erretiro pentsioen PFEZeko atxikipenean. Aurkitu dagokizun ehunekoa.
Pentsio-plan - Tresna Pentsio-plan - Tresna

Pentsio planei buruzko tresnak

  • Zenbateko pentsio publikoa jasoko duzu erretiroa hartzean? Ezagutu hiru urratsetan.
  • Aurkitu aurrezteko zure beharrei hobeen egokitzen den pentsio-plana, eta hasi etorkizuna planifikatzen.
  • Gure konparatzaileak planen ezaugarri guztiak ezagutzen lagunduko dizu, hobekien egokitzen zaizuna aukeratzeko.
  • Gure simulatzailearekin, ezagutu jasoko duzun prestazioa erretiroa hartzean.
  • Jakin nahi al duzu zenbat aurrez dezakezun zerga aitorpenean pentsio plan batera ekarpenak eginez gero?