Noiz har dezaket erretiroa?

Erretiroa emateko egoera eta aukera guztiak azalduko dizkizugu.

Espainian, 2013an indarrean jarri zen pentsioen erreformaren ondoren, 65 urtetatik 67 urtera arte handitzen ari da erretiroaren ohiko adina; 2027an eta hurrengo urteetan, adin horretan finkatuta geratuko da. Orduan behintzat 38 urte eta 6 hilabete kotizatu dutela frogatzen dutenek inolako zigorrik gabe 65 urterekin erretiroa hartu ahal izango dute. 2018an ohiko erretiro adina 65 urte eta 6 hilabete dira 36 urte baino gutxiago kotizatu dutenentzat, eta 65ekoa gutxienez 36 urtez kotizatzen egon direla egiaztatzen dutenentzat.

Hala ere, badira erretiro arruntaren ordezko beste aukera batzuk, laneko bizitzari agur esateko unea aurreratu dezaketenak: erretiro aurreratua eta aurre-erretiroa, ondoren azaltzen dizkizugun desberdintasun garrantzitsuak dituzten gure etapa langile bezala amaitzeko era bi.

Goi mailako Bannerra Kalkulatu erretiroa Goi mailako Bannerra Kalkulatu erretiroa
Zure erretirorako aurreztu
Kalkulatu zenbat hobetu duzun pentsio planera ekarpenak egiten.

Erretiro aurreratua

Gizarte Segurantzak kontuan hartzen du langileak laneko bizitza aipatu den erretiro aldi arruntaren aurretik uzteko aukera. Erretiro hau langilearen aldetik borondatez edo kanpoko arrazoiak direla eta izan daiteke. Kasu biak ikusiko ditugu.

Langileak, ohiko adinera iritsi aurretik borondatez erretiroa hartu nahi badu, adinarekin eta kotizatutako aldiarekin lotutako baldintza sorta bat bete beharko du. Zehazki, aurreratutako erretiro honetako modalitatera sartu ahal izateko, gutxienez, dagokizun ohiko erretiro adina baino bi urte gutxiago izan behar dira. Adibidez, langile batek 2020 urtean aurreratutako erretiroa hartu nahi badu, 63 urte eta 10 urte baditu baino ezin izango du egin, urte horretarako erretiroko ohiko adina 65 urte eta 10 hilabetera igoko delako. Zure kotizazio bidean oinarriturik, zure ohiko erretiro adina 65 urte bada, 63 urtereetara aurreratu dezakezu. Legezko erretiro adin hori zehazteko garrantzitsua da kontuan hartzea, langileak jardueraren eta legezko erretiro adinaren betetzearen epean kotizatzen jarraituko izan balu honeri egokituko litzaiokeena legezko erretiro adintzat hartuko litzatekeela.

Gainera, erretiro aurreratua hartu ahal izateko, gutxienez 35 urte eduki behar ditu kotizatuta, eta alta edo altarekin parekatutako egoera izan beharko du Gizarte Segurantzan. Azkenik, erretiro modalitate honetara sartu ahal izateko interesa duenari 65 urte izatean pentsioaren zebatekoa legez egokituko litzaiokeen pentsio minimoa baino handiagoa izan behar du.

Bestalde, legeriak barnean hartzen du kaleratze bidez erretiro aurreratua behartzeko aukera, baina enpresaren berregituraketarekin lotutako kausa objektiboen ondoriozkoa izan beharko du. Modalitate honetan aurreratutako erretiroa ontzat hartzeko baldintza bat, gutxienez, ohiko erretiro adina baino 4 urte gutxiago eta gutxienez, 33 urtez, kotizatu izatea da. Azken baldintza gisa, langilea gutxienez erretiroa eskatu aurreko 6 hilabeteetan egon behar da bulegoan inskribatuta. 
Garrantzitsua da gogoratzea erretiro adina aurreratzen den urte bakoitzeko langileak eskubidea duen pentsio-publikoa murriztuko dela.

Aurre-erretiroa

Aurre-erretiroa kaleratze kasuetan gertatu ohi da, langilea erretiro adinetik eta pentsio publikoa jasotzeko kotizatu beharreko gutxieneko alditik gertu badago, baina oraindik horietara iritsi ez bada. Hortaz, aurre-erretiroan langilea eta enpresaburua hitzarmen batera iristen dira lankontratua bukatzeko. Kasu hauetan arruntena enpresaburuak langilearekin hitzartutako kopuru bat ordaintzea da hau bere erretiro-pentsiora sartzen denera arte, kaleratzearen kalte-ordainez gain.

Aurre-erretiroko kasu askotan, enpresaburuak bere gain hartzen ditu langilearen Gizarte Segurantzako kotizazioak, hitzarmen berezi baten bitartez; hala, erretiroaren pentsioak ez du penalizaziorik izango kotizatzeko betebeharrik gabeko aldiengatik. Beste kasu batzuetan langilea da hitzarmen honetan izenpetzea erabakitzen duenak.

Bere aldetik, langileak aldi berean bere aurreko enplegatzailearekin hitzartutako zenbatekoa gehi eskubidea duen langabezia-prestazioa kobratu dezake.

Argitu behar da Gizarte Segurantzak ez duela erretiro modalitateen artean sartzen aurre-erretiroa. Lege ondorioetarako, langileak lan eskatzaile gisa altan jarraituko du Gizarte Segurantzan, eta beraz, dagokion prestazioa kobratu ahal izango du, gehienez ere 2 urtez, legeak ezarritakoaren arabera.

Behin langileak langabeziagatik duen prestazioa ahitu, langabezia-prestazioa deitzen dena lortu dezake, zeinen iraupena gehienez 18 urteko eperaino luzatu daitekeen. Dena den, langileak 55 urte baino gehiago baditu langabezi-laguntza aurreratutako erretiroa lortzeko adina bete arte edo ohiko erretiroraino zabalduko zaio. Laguntza honen bidez, langileak Gizarte Segurantzara kotizatuko dio oinarri minimoagatik. Langileak bere erretirorako kotizatzen duen prestazio ez kontributibo bakarra da.

Erdi mailako Bannerra Pentsio Plana Erdi mailako Bannerra Pentsio Plana
Zure beharretara egokitutako pentsio planak.
Ezagutu eskaintzen dizkizugun aukerak

Erretiro partziala

Erretiroa hartzeko hirugarren modu bat erretiro partziala da. Modalitate honetan, langileak eta enpresaburuak lanordu kopurua gutxitzea hitzartzen dute. Honela, langileak dagokion erretiroko pentsioaren zati proportzional bat kobratu dezake, lan egiten duen orduei proportzionala den beste parte bat kobratzen duen aldi berean.

Erretiro partziala hartu ahal izateko, langileak gutxienez 33 urte eduki behar ditu kotizatuta, eta legezko erretiro adina baino bi urte gutxiago izan behar ditu, gutxienez.

Langileak zer lanaldi izango duen, hori faktore batek erabakiko du: aurre-erretiroarekin batera beste langile bat kontratatuko den (erretiro partziala errelebo-kontratuarekin) edo erreleboa egiteko langilerik kontratatuko ez den. Lehen kasuan, lanaldi-murrizketa % 75 artekoa izan daiteke (ordezkapena egingo duen langilea denbora mugagabean eta erabateko lanaldiarekin kontratatua bada) baina bigarrenean, murrizketa %25 eta 50 artean dago.

Nire erretiroa Nire erretiroa
BBVA PENTSIOEN Institutuaren lankidetzarekin:
Pentsio planak - Hau ere interesa dakizuke Pentsio planak - Hau ere interesa dakizuke

Honek ere interesatu zaitzake

  • Hauek dira 2018an egindako aldaketak pentsioen eta erretiroa hartzean jasotzen den gehienezko zenbatekoaren inguruan.
  • Hauek dira erretiroa hartu ondoren jasoko duzun pentsioaren prestazioa jakiteko egin beharreko kalkuluak.
  • Hainbat faktorek dute eragina erretiro pentsioen PFEZeko atxikipenean. Aurkitu dagokizun ehunekoa.
Pentsio planak - Tresnak Pentsio planak - Tresnak

Pentsio planei buruzko tresnak

  • Zenbateko pentsio publikoa jasoko duzu erretiroa hartzean? Ezagutu hiru urratsetan.
  • Aurkitu aurrezteko zure beharrei hobeen egokitzen den pentsio-plana, eta hasi etorkizuna planifikatzen.
  • Gure konparatzaileak planen ezaugarri guztiak ezagutzen lagunduko dizu, hobekien egokitzen zaizuna aukeratzeko.
  • Gure simulatzailearekin, ezagutu jasoko duzun prestazioa erretiroa hartzean.
  • Jakin nahi al duzu zenbat aurrez dezakezun zerga aitorpenean pentsio plan batera ekarpenak eginez gero?