Premer enter
Suxestións

    Confirming internacional

    Financia pagamentos ou anticipa o cobramento de facturas internacionais.

    • Simplifica o pagamento de importacións e finánciao se o necesitas.
    • Permite aos teus provedores internacionais adiantar o cobramento.
    • Reduce o tempo que dedicas a xestionar pagamentos internacionais.

    Os 2 lados do confirming internacional

    • Vantaxes para quen contrata o confirming internacional
      A través do confirming, o BBVA pode pagar ao teu provedor no estranxeiro na data pactada ou ofrecerlle cobrar por adiantado. Ademais, se o necesitas, cando chega esa data podes adiar o pagamento (o BBVA aboa a factura e adíache o pagamento).
    • Vantaxes para os provedores
      Se es provedor e queres cobrar sen ter que esperar 60 ou 90 días, podes facelo a través do confirming do teu cliente. Como? O BBVA págache por adiantado descontando unha cantidade que corresponde a unha comisión e xuros.

    Pómosche un exemplo

    • Unha empresa multinacional contrata unha liña de confirming internacional. En marzo compra subministracións a 2 provedores, un en Francia e outro na China. A empresa comprométese a realizar o pagamento das dúas facturas aos 90 días.

      O provedor francés prefire non esperar, así que a través do confirming da empresa multinacional anticipa o cobramento a cambio dunha cantidade que inclúe comisión e xuros.

      O provedor chinés decide esperar os 90 días. Cando chega a data de vencemento, a empresa multinacional decide adiar o pagamento, é dicir, o BBVA aboa a factura ao provedor e adía ese pagamento á empresa multinacional.

    A banca en liña facilita a xestión do confirming tanto para a empresa como para os teus provedores internacionais.

    Cobramentos e pagamentos en 21 divisas

    • A xestión dos cobramentos e pagamentos internacionais en diferentes divisas é complexa. O confirming internacional permíteche operar en múltiples países e moedas como se o estiveses facendo en territorio nacional.

    Interésache solicitar unha liña de confirming internacional?

    Desde aquí podes enviar un formulario para que te chamemos, para che explicarmos os detalles e, se che interesa e é viable, realizar a contratación.

    Solicitar

    Necesitas máis información?

    Estamos comprometidos cos nosos clientes

    • No BBVA queremos axudarche a impulsar o teu negocio ofrecéndoche o financiamento que necesitas.
    • Traballamos para facerche a vida un pouco máis fácil coas nosas solucións dixitais.
    • Cremos nunha forma de facer as cousas transparente, clara e responsable.