Como podo realizar un anticipo sen ser cliente do BBVA?

Para anticipar facturas como provedor non cliente do BBVA, primeiro é preciso que entres na área privada de non clientes no acceso que encontrarás nesta páxina. Se é a primeira vez que accedes, terás que rexistrarte co CIF e mailo enderezo de correo electrónico da túa empresa . Se xa te rexistraches, introduce o teu nome de usuario e contrasinal . Na Área Privada de Non Cliente atoparás o módulo de Confirming e, desde alí, poderás operar de xeito puntual ou automático para realizares simulacións, revisar estatísticas de pagamentos e adiantar facturas, entre outras operacións.

Que datos necesito para identificarme cando xa me rexistrei?

Logo de te rexistrares, necesitarás: Datos do representante da empresa. Certificado Dixital de administrador único, solidario e representante da Persoa xurídica. En caso de non teres o certificado dixital, necesitarás o contrato de cesión de crédito e os datos dunha factura.

Cal é o custo para min, como provedor, por usar este servizo?

O servizo en si é gratuíto; os custos engadidos son os derivados das comisións e os xuros cobrados polo anticipo de Confirming.

Como podo obter o contrato de cesión de crédito ou os datos dunha factura?

Podes escribir a este enderezo: <a aria-label="Mail a infoproveedoresbbvaf@bbva.com. global.link.target.blank.text" href="mailto:infoproveedoresbbvaf@bbva.com" target="_blank">infoproveedoresbbvaf@bbva.com</a> ou chamar ao <a aria-label="Chamar ao 919 190 297. global.link.target.blank.text" href="tel:919190297" target="_blank">919 190 297</a>

Canto tarda en facerse efectivo un pagamento por confirming?

O pagamento realízase en 24 horas para provedores nacionais e entre 24 h e 48 h para provedores internacionais desde que se realiza a solicitude. Se xa es cliente do BBVA e domicilias o anticipo na túa conta do BBVA, o pagamento realízase ao momento, sempre que se solicite o anticipo desde bbva.es.

Como me chega o pagamento por confirming?

Se anticipas as túas facturas, sempre recibirás unha transferencia na conta que nos indicaras. Se decides esperar ao vencemento, recibirás unha transferencia se nos indicaches a túa conta e, se non, un cheque nominativo.

Que diferenza hai entre nota promisoria e confirming?

A nota promisoria é un título de crédito a través do cal quen o emite se compromete a pagar unha cantidade de diñeiro a quen se beneficia antes de que chegue a data de vencemento desta. O confirming dáche a opción de anticipar as facturas sen ter que esperar á data de vencemento para obter o diñeiro. Neste caso, está cuberto o risco de impagamento por parte do emisor. Se non se realiza o anticipo da factura e se espera á data de vencemento, o BBVA non se compromete ao pagamento.

Podo utilizar o anticipo Confirming se son un provedor internacional?

Si, dado que o servizo de confirming está dispoñible para realizar cobramentos nas principais divisas: EUR (euro), USD (dólar americano), CNY (iuan renminbi), MXN (peso mexicano), GBP (libra esterlina). E tamén en: AUD (dólar australiano), CAD (dólar canadense), CHF (franco suízo), CZK (coroa checa), DKK (coroa dinamarquesa), HKD (dólar de Hong Kong), HUF (forint húngaro), JPY (ien xaponés), NOK (coroa norueguesa), PLN (zloty), RON (novo leu romanés), RUB (rublo ruso), SAR (rial saudita), SEK (coroa sueca), SGD (dólar de Singapur), TRY (lira turca), ZAR (rand surafricano) e ILS (shekel israelí).

Anticipo Confirming Provedores

Aforra tempo, anticipa as túas facturas

Con Confirming para provedores, podes anticipar o cobro das túas facturas dun xeito rápido e sinxelo, mesmo se non es cliente do BBVA.

Darme de alta

Entrar

Se xa es cliente, podes operar con Confirming directamente desde a banca en liña da túa empresa.

Que é o Confirming?

É o servizo financeiro que utilizan as empresas para xestionar os pagamentos cos seus provedores.

Como provedor, podes anticipar o cobro das túas facturas antes da data de vencemento, para dispores dos teus cartos en calquera momento e calquera lugar.

Se precisas de máis información ou tes algunha dúbida, ponte en contacto co servizo de atención a provedores no 919 190 297

Máis rápido

Adiantámosche o diñeiro sen máis papelame e deducimos automaticamente as comisións e os xuros que correspondan.

Máis claridade

Antes de asinares un anticipo, poderás coñecer as condicións e simular o importe líquido que se aboará na túa conta.

Máis flexibilidade

Escolle entre anticipos puntuais ou automáticos para as túas facturas e adapta o Confirming ao teu negocio.

Máis beneficios

Sen custos fiscais, sen consumir risco e con capacidade para conseguir mellores condicións de financiamento.

Como podes darte de alta sen ser cliente?

Rexístrate

Necesitas o teu NIF/CIF, NIE, pasaporte ou código de identificación fiscal, un enderezo de correo electrónico e un contrasinal. Este rexistro non te vincula como cliente do BBVA.

Identifica a túa empresa

Para identificares a túa empresa debes ter o certificado dixital ou o contrato de cesión de crédito* e os datos dunha factura.

Accede ao espazo Confirming

Solicita anticipos, fai un seguimento dos pagamentos recibidos e consulta as estatísticas e o historial dos teus clientes.

*Se non tes dispoñible o contrato de cesión de crédito, envía un correo electrónico a: infoproveedoresbbvaf@bbva.com ou ponte en contacto co noso servizo de atención ao provedor no teléfono 919 190 297

Vexamos un exemplo

Xurxo é propietario dunha floraría e, logo de prestar un servizo para un salón de vodas, ese local vaille facer o pagamento transferindo as facturas a través do servizo de Confirming de BBVA.

Xurxo decide adiantar o cobro, pero como non é cliente do BBVA, primeiro ten que se rexistrar para ver as facturas, ver as condicións e realizar o facer o anticipo.
Unha vez rexistrado, desde a súa área privada, accede ao espazo Confirming e selecciona as facturas que quere anticipar.
Antes de asinar, revisa as condicións do Confirming e a cantidade final que se lle aboará logo de deducírense os xuros e as comisións.

Deste xeito, puido adiantar o importe da factura do salón de vodas sen ter que esperar o prazo de 90 días para o pagamento.

Este número é indicativo do risco do produto, sendo 1/6 indicativo de menor risco e 6/6 de maior risco.

O BBVA está adherido ao Fondo de Garantía de Depósitos de Entidades de Crédito de España. A cantidade máxima garantida é de 100.000 € pola totalidade de depósitos constituídos no BBVA por persoa.

Escolle a túa conta sen comisións

Tanto se es autónomo, unha peme ou unha grande empresa, faite cliente do BBVA e poderás elixir a conta sen comisións que mellor se adapte aos teus proxectos.

Comezar

Para anticipar facturas como provedor non cliente do BBVA, primeiro é preciso que entres na área privada de non clientes no acceso que encontrarás nesta páxina.

Se é a primeira vez que accedes, terás que rexistrarte co CIF e mailo enderezo de correo electrónico da túa empresa.
Se xa te rexistraches, introduce o teu nome de usuario e contrasinal.

Na Área Privada de Non Cliente atoparás o módulo de Confirming e, desde alí, poderás operar de xeito puntual ou automático para realizares simulacións, revisar estatísticas de pagamentos e adiantar facturas, entre outras operacións.