Asistente dixital para crear empresas unipersoais

A ferramenta está deseñada para a constitución de Sociedades de Responsabilidade Limitada (S.L.), Sociedades Limitadas Unipersoais (S.L.U.) e Sociedades Anónimas (S.A.) cuxo domicilio social e fiscal se encontre dentro do territorio español e que vaian ser constituídas por un único socio.

Todo o proceso co BBVA de apertura da conta e a achega de documentos pódese realizar de forma dixital a través do noso asistente. Poderás seleccionar a túa denominación social, subir as túas escrituras en PDF e formalizar a contratación mediante a sinatura dixital por SMS sen necesidade de acudires a unha oficina.

Si. Se constitúes unha S.L. ou S.L.U., podes agrupar os teus trámites mediante o Documento Único Electrónico (DUE), xa sexa realizando a tramitación en liña a través da rede PAE (Punto de Atención ao Emprendedor) ou de forma presencial.

O ingreso de capital social debe realizarse nos 7 días posteriores á apertura da Conta Empresas Bienvenida. Poderás facelo por transferencia única ou nunha oficina. 

Unha vez realizado o depósito, poderás solicitar o certificado de achega para o notario.

Por razóns de seguridade normativa, se a conta non recibe o importe do capital social no prazo indicado, as súas funcións quedarán restrinxidas de xeito preventivo ata regularizar a correcta constitución da sociedade mediante a achega das escrituras.

A conta actívase de forma definitiva unha vez validadas as escrituras de constitución asinadas ante notario e completada a sinatura dixital do contrato mediante o código de seguridade enviado ao teu móbil.

Para completar o proceso de forma áxil, recomendámosche ter á man o DNI do socio que vai constituír a empresa e un teléfono móbil para poder facer fotos e asinar a apertura da conta mediante SMS.