Aukeratutako Quality Funds-ak

Nazioarteko funtsen kudeaketan espezializatutako BBVA arloak hauek hautatu ditu

- "Ikasiz aurkitu" aktibo motaren, eskualdearen edo arrisku mailaren arabera sailkatutako funtsen hautapen bat da.


Ezagutu Quality Funds-ek nabarmendutako funtsak, noiztik dauden sailkapen horretan eta zergatik hautatu diren:
  • Pioneer US Fundamental Growth (2018/01/02tik): Pioneer funtsak funts ona jarraitzen du izaten, Vontobel US Equity-k ordezkatu duen arren, honeto ordezkatzen duelako kategoria eta nolabaiteko defentsa-profil bat ere baduelako.
  • Vontobel Clean Technology: Vontobel funtsak funts ona jarraitzen du izaten, Nordea Global Climate & Environment-ek ordezkatu duen arren, gai-aniztasun handiagoa erakusten duelako, eta beraz, sektore eta industria gehiago hartzen dituelako.
  • Robeco QI Global Developed Sustainable Enhanced Index Equities (2018/06/06tik): Robeco-ren funtsak funts ona jarraitzen du izaten, baina Morgan Stanley Global Sustain eta AB Sustainable Global Thematic funtsengatik ordezkatu da, azken horiek industria murriztaileagoak baztertzen dituztelako.
  • AXA Euro HY Short Dur (2018/01/02tik): eEuropako high yield konpainietako errenta finkoko tituluetan inbertitzen duen funts bat da. Inbertsioak epe laburreko bonuetan kontzentratzen dira, eta haien arriskua segmentu horren batez besteko arriskua baino baxuagoa izaten da. Hortaz, inbertsio kontserbadorea da, high yield unibertsoaren barruan.
  • Amundi 6M (2018/01/02tik): eurotan izendatutako diru merkatuko tresnetan eta epe laburreko zorrean inbertitzen duen funts bat da. Diru funts tradizionalek baino errentagarritasun handiagoak ematea bilatzen du eurotan, baimendutako inbertsio aukerak handitzean. Arrisku profil kontserbatzailea du, diru funts tradizionalek dutena baino pixka bat handiagoa.
  • BGF Euro Short Duration (2018/01/02tik): epe laburreko errenta finko europarreko funts bat da, eta euroguneko gobernuek zein konpainiek (Aggregate deitu ohi zaio) jaulkitako tituluak konbinatzen ditu. Haren helburua da inbertsioaren errentagarritasuna maximizatzea kapitalaren eta funtseko aktiboen etekinen hazkundearen bitartez.
  • GS EM Debt (2018/01/02tik): garapen bidean dagoen errenta finkoko funtsa, zeinak garapen bidean dauden herrialdeetako gobernuek jaulkitako bonuetan eta estatuko babesa jasotzen duten konpainietan inbertitzen baitu. Bonu horiek dolar estatubatuarretan, eurotan edo libera esterlinatan izendatuta daude, batez ere. Gainera, esposizioa har dezake bertakoa edo korporatiboa den zorrora edo garapen bidean dauden herrialdeetako dibisetara, zeinak ez baitira indizearen parte.
  • JPM US Short Duration (2018/01/02tik): dolar amerikarretan izendatutako epe laburreko errenta finkoko tituluetan inbertitzen du. Funtsaren helburua inbertsioaren errentagarritasuna maximizatzea da (kapitala eta etekinak) eta horretarako konbinazio hoberena erabiltzen du, merkatuaren momentu bakoitzean, Ameriketako Estatu Batuetako errenta finkoko merkatuetako sektore desberdinetan.
  • BlackRock Fixed Income Strategies* (2018/01/02tik): errenta finko eta dibisetako estrategia anitzeko funtsa, zeinak itzulkin absolutuko profil baxua baitu. Errentagarritasun absolutu eta positiboa bilatzen du, merkatuko baldintzak kontuan hartu gabe, inolako erreferentzia indizeri jarraitu gabe. Errenta finko eta dibisen gorakadetatik (erosteko posizioak) dator haren errentagarritasuna, baita haien beherakadetatik ere (saltzeko posizioak).
  • Julius Baer Local Emerging (2018/01/02tik): garapen bidean dagoen errenta finkoko funts bat da. Esposizioa eskaintzen dio bertako monetan jaulkitzen duten garapen bidean dauden herrialdeetako gobernuen zor merkatuari, dibisetan zein bertako interes tasetan inbertsioak eginez. Gainera, eta oso modu mugatuan, enpresen bonuak eta nazioz gaindiko agentzia eta erakundeen jaulkipenak har ditzake barnean.
  • JPM Global Short Duration (2018/05/08tik): epe laburreko errenta finko globaleko funtsa, zeinak iraupen laburreko bonu merkatu globala baino hobeto jardutea baitu xede. Aktiboen banaketa erakargarri eta eraginkorra sortu nahi du, inbertsioaren xede izango diren konpainien funtsezko azterketa harturik abiaburu.
  • Nordea Stable Return (2018/01/02tik): mundu mailako funts globala da eta akzio desberdinen konbinazio batean inbertitzen du. Konbinazio horrek errenta aldakorra, diru merkatua, zor publikoko tresnak, jaulkipen korporatiboak edo bonu bihurgarriak hartzen ditu barnean. Mundu mailako ikuspegia du, eta garapen bidean dauden merkatuetako esposizioa mantentzen badu ere, herrialde garatuetan kontzentratzen da, batez ere. Era berean, euroa ez diren beste dibisa batzuk ere izan ditzake zorroan.
  • Amundi Bond Global Aggregate (2018/05/08tik): mundu mailako errenta finkoko funtsa. Aktibo banaketa oso malgua du, errenta finkoko merkatuak eskainitako abagune orori etekina atera ahal izateko. Erreferentziako indizeak lortutako errentagarritasuna gainditzea du helburu.
  • Parvest Bond Euro Government (2018/01/02tik): euroguneko gobernuen bonuetan inbertitzen duen errenta finkoko funts bat da. Haren helburua da aktiboen balioa epe ertainera handitzea, inbertsio prozesu zaindu baten bitartez, non nagusi baita Europako ingurune makroekonomikoaren funtsezko analisia.
  • Pimco Global Investmente Grade (2018/01/02tik): errenta finkoko funts bat da eta batez ere inbertsio mailako konpainien bonuetan inbertitzen du. Ikuspegi orokorra, zorro dibertsifikatua eta kudeaketa aktiboa ditu, hori guztia esperientzia handiko talde baten eskutik.
  • Henderson Gartmore UK Absolute Return (2018/01/02tik): "long short" funtsa (esposizio dinamiko eta errenta aldakorrekoa), zeinak itzulkin absolutuko profil altua baitu. Errentagarritasun absolutu eta positiboa bilatzen du, merkatuko baldintzak kontuan hartu gabe, inolako erreferentzia indizeri jarraitu gabe. Akzioen gorakadetatik (erosteko posizioak) dator haren errentagarritasuna, baita haien beherakadetatik ere (saltzeko posizioak).
  • MFS Global Total Return (2018/01/02tik): mundu mailako funts globala da, eta geografia desberdinetako akzio eta bonuez osatutako zorro dibertsifikatu batean inbertitzen du, batez ere, herrialde garatuetakoan. Kapitalizazio handiko errenta aldakorreko eta kalitate handiko baloreetan kontzentratzen da, gutxietsita daudenetan, hain zuzen. Errenta finkoaren barruan, batez ere inbertsio mailako jaulkipenetan inbertitzen du, bai zor korporatiboan, bai gobernuek jaulkitzen dutenean.
  • Robeco High Yield2018/01/02tik): errenta finkoko eta kudeaketa aktiboko funts bat da eta, batez ere, kalitate ertain eta baxuko konpainien high yield ratinga duten bonuetan inbertitzen du, kontserbadorea, zuhurra eta epe luzerako kalitatera bideratutatuko estilo batekin.
  • Goldman Sachs Japan Portfolio (2018/01/02tik): Japoniako enpresa handi eta ertainen akzioetan inbertitzen duen funts bat da. Haren zorroa 60-120 tituluk osatzen dute. Konpainia japoniarrak oso ongi ezagutzen dituen talde batek kudeatzen du, eta, ondorioz, haren errentagarritasuna Japoniako burtsaren antzekoa da epe luzera.
  • Invesco Pan European Equity (2018/01/02tik): Europako enpresa handien akzioetan inbertitzen duen funts bat da. Haren zorroa 60-90 tituluk osatzen dute. Haren bi kudeatzaileek hazkunde aukerak jada prezioan islatuta ez dauzkaten enpresak bilatzen dituzte. Praktikan, Europako burtsak baino profil oldarkorragoa duela esan nahi du.
  • MFS European Research (2018/01/02tik): Europako enpresa handi eta ertainen akzioetan inbertitzen duen funts bat da, batez ere handienetan. Haren zorroa 60-90 tituluk osatzen dute. Haren kudeaketa taldeak, zeina analistez osatzen baita, kalitate handiko enpresak bilatzen ditu. Praktikan, Europako burtsarena baino pixka bat kontserbadoreagoa den profila duela esan nahi du.
  • MFS Meridian Global Equity (2018/01/02tik): mundu mailako errenta aldakorreko inbertsioaren adierazlea den funtsa. 80-120 konpainiaz osatutako zorro dibertsifikatu batean inbertitzen du, batez ere tamaina handikoetan. Oso kontuan izaten du konpainien kalitatea, eta horregatik, alderagarriek beheranzko merkatuetan baino hobeto egiten du, erlatiboki, eta ongi laguntzen du goranzko merkatuetan.
  • Pioneer US Fundamental Growth (2018/01/02tik): Ameriketako Estatu Batuetako enpresa handietan inbertitzen duen funtsa. Funtsak kalitate handiko 30-50 akzio izango ditu, eta horregatik merkatuak baino errentagarritasun hobea lortuko duela espero dugu, merkatua erortzen bada.
  • Robeco US Premium (2018/01/02tik): Enpresa estatubatuar handi, ertain eta txikietan inbertitzen duen funtsa; enpresa handiek izango dute presentzia handiena. Zorroa oso dibertsifikatuta dago (80-120 akzio). Ameriketako Estatu Batuetako merkatuaren adierazlea den aukera da.
  • Schroder ISF Emerging Markets (2018/01/02tik): garapen bidean dagoen errenta aldakorreko inbertsioa adierazlea den funtsa. 90-130 konpainiaz osatutako zorro dibertsifikatu batean inbertitzen du, batez ere tamaina handikoetan.

Quality Funds-eko hautapenetik irten diren inbertsio funtsak:

  • GAM Multistock Japan Equity (2018/01/02tik): Japoniako enpresa handi eta ertainen akzioetan inbertitzen duen funts bat da. Haren zorroa 100-130 tituluk osatzen dute. Funtsa bi estrategia desberdin dituzten bi zorroz osatzen da. Dibertsifikazio horrek lagundu egiten dio funtsari emaitza on bat lortzen Japoniako burtsaren aurrean, epe luzera.

Irteeraren arrazoia: GAM-en funtsak funts ona jarraitzen du izaten, baina azken hilabeteetan kudeapeko bere aktiboen maila esanguratsuki murriztearen ondorioz alternatiba hobea bilatzea erabaki da.

  • Robeco BP Global Premium Equities (2018/01/02tik): mundu mailako errenta aldakorreko inbertsioaren adierazlea den funtsa. Tamaina guztietako 70-135 konpainiaz osatutako zorro dibertsifikatu batean inbertitzen du. Konpainien balorazioak asko hartzen direnez kontuan, merkatuak goranzkoak direnean da egoera hoberena.

Irteeraren arrazoia: Sendotasuna galdu du, bere errentagarritasunak izandako bilakaera diskretuaren ondorioz, kudeaketa talde berria horren buruan denetik (2008) orain arte ikusi gabeko mailetan "value" estilora lerratu ondoren.

  • Old Mutual Global Equity Absolute Return (2018/01/02tik 2019/04/12ra): "equity market neutral" funtsa (errenta aldakorrekoa eta merkatuetako esposizorik gabekoa), zeinak itzulkin absolutuko batez besteko profila baitu. Errentagarritasun absolutu eta positiboa bilatzen du, merkatuko baldintzak kontuan hartu gabe, inolako erreferentzia indizeri jarraitu gabe. Akzioen gorakadetatik (erosteko posizioak) dator haren errentagarritasuna, baita haien beherakadetatik ere (saltzeko posizioak).

Irteeraren arrazoia: Merian-en funtsak funts ona izaten jarraitzen du, baina abiarazi zenetik eskaini zituen itzulkinak sortzeko koherentzia galtzen ari zela ikusita, alternatiba hobea bilatzea erabaki da.

*Blackrock INC enpresak kudeatutako IKEak. orotara, BBVA S.A.k guztira jaulkitako kapital sozialaren % 5 baino gehiago dute partaidetzetan.

"Nire inbertsio ideiak" funtsak hainbat gairi eskainitako dirua biltzen du; besteak beste, robotikari, teknologia garbiari, segurtasunari edo iraunkortasunari.


Ezagutu Quality Funds-ek nabarmendutako funtsak, noiztik dauden sailkapen horretan eta zergatik hautatu diren:
 
  • BSF Americas Diversified Equity Absolute Return (2018/01/02tik): "equity market neutral" funtsa (merkatuko esposiziorik ez duen errenta aldakorreko funtsa), zeinak itzulkin absolutuko profil altua baitu. Errentagarritasun absolutu positiboa bilatzen du, merkatuko baldintzak alde batera utziz, erreferentzia indizerik jarraitu gabe, "Big Data" teknikak erabiliz. Akzioen gorakadetatik (erosteko posizioak) dator haren errentagarritasuna, baita haien beherakadetatik ere (saltzeko posizioak).
  • Axa Robotics (2018/01/02tik): ikuspegi tematikoa duen funts bat da, zeinak robotikarekin zerikusia duten konpainietan inbertitzen baitu soilik
  • BGF World Gold (2018/01/02tik): urrearen negozioan eta, haren barruan, bereziki meategietan lan egiten duten konpainietan inbertitzen duen funtsa. Enpresa mota honek sentikortasun handia du urre fisikoaren prezioarekiko, nola positiboa hala negatiboa izan. Zorroaren zati handi bat enpresa ertain eta txikietan inbertitu da.
  • Pictet Security (2018/01/02tik): ikuspegi tematikoa duen funts bat da, eta segurtasunarekin (fisikoa edo informatikoa) zerikusia duten konpainietan inbertitzen du soilik. Zorroaren zati handi bat enpresa ertain eta txikietan inbertitu da.
  • Robeco Global Consumer Trends (2018/01/02tik): ikuspegi tematikoa duen funtsa, zeinak mundu mailako kontsumoaren hazkundeaz baliatzen diren konpainietan soilik inbertitzen baitu, eta normalean tamaina handiko enpresetan.
  • Robeco New World Financials (2018/01/02tik): finantza sektorearen barruan ikuspegi tematikoa duen funts bat da; izan ere, sektorean sortzen ari diren joera berrietan inbertitzen du, hala nola digitalizazioan (Fintech), biztanleriaren zahartzean eta garapen bidean dauden merkatuetako hazkundean. 
  • MS Global Balanced Income (2018/01/02tik): mundu mailako funts misto bat da eta aktibo desberdinen konbinazioa eskaintzen du; besteak beste, errenta aldakorra, zor publikoko tresnak, jaulkipen korporatiboak, lehengaiak edo azpiegiturak. Era berean esposizioa izan dezakete bere oinarriko dibisara, eurora. Batez ere herrialde garatuetan kontzentratzen dira; hala ere, hein txikiagoan, baliteke garapen bidean dauden merkatuetara ere zabaltzea.
  • Vontobel Clean Technology (2018/01/02tik): merkaturatu zenetik egin du lan funtsarekin haren kudeatzaileak, eta dagoeneko bazuen esperientzia tematika honetako inbertsioan. Epe luzera, antzeko beste batzuekin alderatuta emaitzarik onena lortu duen funtsa da.

Quality Funds-eko hautapenetik irten diren inbertsio funtsak:

  • Schroder ISF Global Climate Change (2018/01/02tik 2019/05/04ra): ikuspegi tematikoa duen funts bat da, eta mundu mailan aldaketa klimatikoaren eraginak egokitu edo murrizteko egindako esfortzuez baliatzen diren tamaina guztietako konpainietan inbertitzen du.

Irteeraren arrazoia: Schroders-en funts hau funts ona da oraindik ere, baina Vontobel Clean Technology funtsarekin ordezkatu da, azken horrek bilakaera historiko hobea agertzen duelako eta araztasun handiagoa duelako klima aldaketaren gaiari dagokionez.

  • Candriam SRI Equity World (2018/01/02tik 2019/06/06ra): mundu mailako errenta aldakorreko inbertsioaren adierazlea den funtsa, zeinak sozialki arduratsua den inbertsio ikuspegia baitu. 220 konpainia handi, ertain eta txiki inguru dituen dibertsifikatutako zorro batean inbertitzen du. Merkatuko sektore guztietan inbertitzen du, baina haietako bakoitzean iraunkortasun gaietako kudeatzaileak esleitutako rating altua dutenetan bakarrik. 

Irteeraren arrazoia: Candriam funtsak funts ona izaten jarraitzen du eta estandar handiak ditu inbertsio sozialki arduratsuari (ISR) dagokionez, nahiz eta ISR-ren konpromiso maila bera eta bilakaera historiko hobea dituen funts alternatibo bat hautatu eta onartu den.