Etorkizun berdeagoa baterako aukerak

Eraginkortasun energetikoa da erosotasun eta zerbitzu maila jakin batzuk lortzeko energia kontsumoaren optimizazioa, dela argindarraren kontsumoa doituta, dela energia galtzea ekiditen duten aurrezteko mekanismoak jarrita. Adibidez, 75 gr-CO2/km-ko isurpenak edo gutxiagokoak dituzten ibilgailu elektrikoak eta hibridoak erabilita bizikleta eta patinete elektrikoak (motorrekin eta motorrik gabe), A+, A++ edo A+++ motako aparatuak (etiketa zaharreko A+++ eta D bitartean) eta A, B edo C artean direnak (A eta G arteko etiketatze berria), LED teknologia duten argiztapen sistemak, kondentsazioko edo biomasako galdarak eta A+, A++ edo A+++ motako (etiketa zaharreko A+++ eta D artekoa) eta A, B edo C motako (A eta G arteko etiketatze berria) bero ponpa erabilita berokuntza eta ur beroaren sistemetan, argiztapena konektatzeko presentzia hautemateko ekipoak erabilita, fatxadak isolatzeko sistemak jarrita eta leihoak ordezkatuta, ibilgailu elektrikoentzako kargaguneak jarri eta autokontsumorako eguzki plakak erabilita.

Eraginkortasun energetikoa lehentasun bihurtu da gizartearentzat, energia iturri tradizionalak mugatuak eta garestiagoak direlako, kanpoko merkatuarekiko mendekotasuna sortzen dutelako eta, batez ere, ingurumenean oso eragin negatiboa dutelako. 

Produktibitatean oinarritutako eraginkortasun energetikoaren maila neurtzeko, ISO 50001 Araua erabiltzen da. Etxebizitzetan, kalkulatzen da elektrizitate kontsumo txikia duten ekipoen eta instalazioen funtzionamendu optimoa oinarritzat hartuta. 

Energia kontsumoa murriztea eta erabiltzean galerak ekiditea (adibidez, leihoen isolamendu txarraren ondorioz etxean beroa galtzea) funtsezkoa da energia baliabideen erabilera optimizatzeko eta, ondorioz, klima aldaketaren kausa nagusi diren CO2 isurpenak murrizteko. 

Etxe bat bere argindar fakturan urtean %40raino aurreztera hel daiteke. Hori lortzeko, hauek erabiltzea edo jartzea gomendatzen da: ibilgailu elektrikoak eta hibridoak, bizikleta eta patinete elektrikoak, energetikoki eraginkorrak diren etxetresna elektrikoak eta LED argiztapen-sistemak, berogailua eta ur beroa kondentsazio edo biomasaren bidez eta bero-ponpa eraginkorrak, piztu eta itzaltzeko sistemetarako automatizazio-ekipoak, argiztapena konektatzeko presentzia hautemateko ekipoak, fatxadak isolatzeko sistemak eta leihoak aldatzea, ibilgailu elektrikoentzako kargaguneak instalatzea eta autokontsumorako eguzki plakak.

Ingurumena babesten eta baliabide energetikoen kontsumoa optimizatzen laguntzeaz gain, etxebizitza energetikoki eraginkorrek beste onura osagarri batzuk ere eskaintzen dituzte, esaterako zarata murriztea, etxebizitzaren bizigarritasun-baldintzak handitzea (adibidez, tenperatura) edo hirietako airea garbiagoa izatea.