Erretiro partziala

Erretiro partziala ohiko erretiro adina bete baino lehen hasten den erretiroa da, eta haren bidez, gure lan jardueraren zati bat mantenduko dugu.

Erretiro partzialak mi modalitate ditu: Txanda-kontratuarekin (enpresak nahita nahiez kontratatu behar du partzialki erretiratutakoak estali gabe utzi dituen orduak osatzen dituen beste langile bat) eta txanda-kontraturik gabe. Erretiro pentsioa jardunaldi partzialeko jarduera batekin bateratu daiteke ere, dagoeneko erretiratu ondoren. Horri erretiro malgua deritzo.

Orohar, partzialki erretiratu nahi duen langilearen lanaldia %25 eta 50 bitartean murrizten da.

Partzialki erretiratutakoak jasoko du bere lanaldiak izan duen murrizketari dagokion pentsio bat, eta baita ere lan egindako orduen zati proportzionala kobratuko du.

Erretiro partzialetik osoko erretirora igarotzen denean, pentsioaren zenbatekoa berriz kalkulatu behar da, erretiro partzialak iraun zuen bitartean egindako kotizazioak kontuan hartu behar baitira.

Pentsioaren oinarri arautzailea kalkulatzeko kontuan hartzen dira partzialki erretiratu gisa izandako lanaladi partzialari dagozkion kotizazio oinarriak. Oinarri hauek kontuan hartuko dira lanaldi osoan lan egiten egon izan balitz, zegokion zenbatekoaren %100ean.

Pentsioa ez da murriztuko koefiziente murriztaileekin, ohiko erretiro adinera ez iristeagatik (65 urte eta 4 hilabete 2016an). Horiek aplikatuko lirateke, berriz, aldez aurretiko erretiro kasuan (osoa).

Erretiro partziala eraginkor bilakatzeko, hurrengo baldintzak eman behar dira:

  • Lanaldi osoko kontratua edukitzea.
  • Enpresan, gutxienez, 6 urteko antzinatasuna izatea.
  • Jardunaldiaren murrizpena %25 eta 50 bitartekoa izan behar da. Hura %75era irits daiteke, txandarako kontratatutako pertsona lanaldi osora eta kontratu mugagabearekin kontratatzen bada.
  • Gutxienez 33 urteko kotizazio aldi bat izatea. 

Txanda-kontratua langabetu batekin edo enpresa horretan aldi baterako kontratu batekin lan egiten ari zen batekin gauzatu behar da, edo gutxienez, ordezkatutako pertsonari erretiratzeko ohiko adinera iristeko falta zaion denbora aldiaz lan egiten egon denarekin.

Honek ere interesatu zaitzake

  • Hasi erretiroa planifikatzen BBVA pentsio planekin eta jaso abantaila fiskalak.